Ŋikis. 23:20 - Ebaibul

²⁰ Nai ipedorete akiitan aneni a egelaanot kiyatak ibore ice neni a ibore a ŋini ideniyorit iŋes, nai meere aneni a Esiraelit a ŋoloce, ikotere ikiterereŋi Ekapolon Akuj kus iyes alotooma ŋiticisyo kus daadaŋ ŋulu itiyaete iyes anakwap a ŋina eapi iyes alomar ka akituruwor ŋina kus.

Ŋikis. 23:20 Iomraidhean Croise

Neem. 5:7

Kadau ayoŋ atamatam ŋakiro ŋun, abu ayoŋ esitak ŋikapolok ka ŋikepukak a ŋituŋa olimok ikes otema, “Iyatanakinete iyes ŋisiliŋa ŋice losiliŋa ŋulu idenionokinete ŋituŋa kus pei.” Abu nai ayoŋ onyarau atukot ŋina alalan toanyu epite ŋolo esubakinere ŋakiro kec,

Ŋikiru. 15:5

Ikes ŋulu nyiasete ŋisiliŋa kec ŋulu ideniyorit ituŋanan ŋinice, ikes ŋulu nyijaete ŋakaluŋuluŋui akisitakinia ŋini emam ŋuna aronok itiyat. Ŋituŋa ŋulu itiyaete ŋakiro ŋun, erubakinete iboiyete emam ŋace.

Awos. 22:24

aŋoi ayoŋ nooi, akamunyari iyes ke ekileŋ, toruworos ŋaberu kus ŋapuseru ka toruworos ŋidwe kus ŋikokyok.

Awos. 22:25

“Ani kidenikis iyes ituŋanan kaŋ ŋinikulyakit idio ŋisiliŋa, nyemaikina iyes kimicata ikes esibit ideniyorito ibore idio, nyiyatakis ibore ice nibore ŋini imicao ikes.

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Isa. 1:19

Ani ca kicamut iyes, ido kiwuapa ŋakiro kaŋ, imujete iyes ŋamuja ŋuna ajokak anakwap;

Isa. 24:2

Itiyakin ŋakiro ŋun neni a ŋituŋa lopite ŋolo itiyakinotor neni a esacaradoti, neni a apito lopite ŋolo itiyakinotor neni a ekapolon keŋ neni a aketiyan lopite ŋolo itiyakinotor neni a akapolon keŋ, neni a ekagyelan lopite ŋolo itiyakinotor neni a ekagyelaran, neni a ekepotoron lopite ŋolo itiyakinotor neni a ekeliparan, neni a ekedeniyoron lopite ŋolo itiyakinotor neni a ekedenikinon.

Esek. 18:8

ani pa kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak ka keŋerit iŋes akitiya aronis, totubi aloikiiko a ŋolo iburatotor ŋituŋa ŋakiro ŋuna nyeikinitor epei a ŋul,

Ŋilep. 25:36

Nyitatac iŋes ŋisiliŋa ŋulu edeparito ŋulu sek edeniyorit iŋes, nai tokerito Akuj, ikotere ituŋanan kus ŋin erubakini iboi aneni kus.

Luk. 14:14

Iryamuni iyoŋ arereŋu, anerae emam ikes ibore ikiinakinete iyoŋ. Ikitaci iyoŋ Akuj akoloŋit ŋina eyaruniata ŋituŋa ŋulu ajokak.”

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

Ŋikis. 14:21

Nyinyama idiobore ŋini etwani bon, ani kicamito inakisi tonyama ŋituŋa ŋulugelae ŋulu iboiyete ka iyes alotaunio kus, kori togyelakisi neni a ituŋanan a ŋinigela, anerae irae iyes ŋulu asegak aneni ke Ekapolon Akuj. Nyidorokis ikale ŋinimeot a ŋakile a toto keŋ.

Ŋikis. 15:10

Inak ikidunyet kon ibore ŋini iitanit, inak iŋes emam akitiŋakinet ka emam apodo, anerae ikiterereŋi iyoŋ Ekapolon a ŋakiro a ŋun alotooma ŋiticisyo kon daadaŋ ŋulu itiyae iyoŋ.

Ŋikis. 15:3

Epedori ituŋanan akimicaun ibore keŋ ŋini ideniyorit ituŋanan ŋinigela, nai ani kerae Esiraelit pei ayakar amica a ŋinice nyimicao iŋes.

Ŋikis. 28:12

Eŋaari Ekapolon aŋuna kus kidiama neni ebuneneo akiru kiyaku akiru, nakwap kus anapaki a ŋina itemokino, ido kiterereŋ ŋiticisyo daadaŋ ŋulu itiyaete iyes. Idenikinete iyes neni a ŋituŋa a ŋakwapin a ŋuna alalak, nai nyideniunete iyes aneni kec idiobore.