Ŋikis. 23:19 - Ebaibul

¹⁹ Nyemaikina iyes Ŋisirael kiŋita aneni a Esiraelit a ŋoloce kiyatakinae ibore ice neni a ibore a ŋini ideniyoritae, kerae losiliŋa, kerae nakimuj, kori neni a ibore ca daadaŋ a ŋini ideniyoritae.

Ŋikis. 23:19 Iomraidhean Croise

Ŋikiru. 15:5

Ikes ŋulu nyiasete ŋisiliŋa kec ŋulu ideniyorit ituŋanan ŋinice, ikes ŋulu nyijaete ŋakaluŋuluŋui akisitakinia ŋini emam ŋuna aronok itiyat. Ŋituŋa ŋulu itiyaete ŋakiro ŋun, erubakinete iboiyete emam ŋace.

Awos. 22:25

“Ani kidenikis iyes ituŋanan kaŋ ŋinikulyakit idio ŋisiliŋa, nyemaikina iyes kimicata ikes esibit ideniyorito ibore idio, nyiyatakis ibore ice nibore ŋini imicao ikes.

Isa. 24:2

Itiyakin ŋakiro ŋun neni a ŋituŋa lopite ŋolo itiyakinotor neni a esacaradoti, neni a apito lopite ŋolo itiyakinotor neni a ekapolon keŋ neni a aketiyan lopite ŋolo itiyakinotor neni a akapolon keŋ, neni a ekagyelan lopite ŋolo itiyakinotor neni a ekagyelaran, neni a ekepotoron lopite ŋolo itiyakinotor neni a ekeliparan, neni a ekedeniyoron lopite ŋolo itiyakinotor neni a ekedenikinon.

Yer. 15:10

Mam alakara ayakar ayoŋ! Kaanukiro kekedounio ayoŋ toto kaŋ ekewuak nakwap na? Arae ayoŋ ekile ŋolo ekesiburao ka eketepegitae anakwap a daadaŋ! Nyidenikino ayoŋ idiobore neni a ituŋanan ka nyideniuno ayoŋ idiotuŋanan ibore, nai ekecenete ikes daadaŋ ayoŋ.

Esek. 18:13

kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak; epedori ituŋanan ŋini ikoni ŋin arubakin eyari a? Nyeyari jik! Nyeyari iŋes, anerae etiya ŋakiro ŋuna ka asiilyo ŋun daadaŋ, emaikina iŋes kire jik totwan, emaikina atwanare keŋ toruwor nakou keŋ a ilope.

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.