Ŋikis. 23:18 - Ebaibul

¹⁸ Nyiyaut ŋisiliŋa ŋulu etacitere ŋimalaae ka ŋamalaae Kai ŋina ke Ekapolon Akuj kus, akisiyookinio akikoŋiet adio. Erae ŋun daadaŋ ŋakiro ŋuna eŋerit Ekapolon Akuj kus.

Ŋikis. 23:18 Iomraidhean Croise

1 Ŋirw. 14:24

Ŋuna aronok nabo nooi, ayakasi ŋimalaae ka ŋamalaae nakiboisyo ŋun, ŋuna elipyata ŋituŋa alo Yudaya. Abu Reoboam kisyak akitiya ŋakiro ŋuna aronok ŋuna etiyaete ŋituŋa ŋulu abu Akuj kirita anakwapin kec a ŋuna abu iŋes inak Ŋisirael.

Ŋikiru. 22:16

Ekerikaut ayoŋ ŋimoe kaŋ, ekerikau ayoŋ ajore a ŋituŋa a ŋulu aronok. ecumucumasi ikes ŋakan ka ŋakejen kaŋ.

Ŋakit. 26:11

Lopite ŋolo eboŋonokinio iiŋok akinyam ŋalyakan keŋ, eboŋonokini ibaŋaanot daŋ akitiya abaŋao keŋ.

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Esek. 16:33

Einanakinio ŋamalaae daadaŋ ŋisiliŋa, nai ibu inak ŋisiliŋa kon neni a daadaŋ a ŋulu ibu iyoŋ tominak. Ibu iyoŋ kiluŋuluŋia ikes, ikotere epote neni kon anakiboisyo a daadaŋ tomalaana ka iyoŋ.

Ŋilep. 18:22

Nyemaikina ekile kiryamakinos ke ekile lopite ŋolo iryamanakinotor ekile ka aberu; erae ŋakiro ŋun asiilyo.

Ŋilep. 19:29

“‘Nyisol nakoku kon, kituruwo iŋes amalaat, ikotere nyemalaan akwap daadaŋ kilelebun aronis.

Ŋilep. 20:13

Ani kiryamakin ekile ke ekile lopite ŋolo iryamanakinotor ekile ka aberu, etiyata ŋul daadaŋ ŋakiro ŋuna ka asiilyo. Emaikina ikes toarae; erae atwanare kec nakyes kec.

Ŋilep. 7:16

Nai, ani kerae ainakinet keŋ ŋin ŋina ikoŋitor iŋes, kori ŋina emam ŋakiro elemunitere, emaikina tonyamae akoloŋit ŋina eyaunia ituŋanan, nai ibore ŋini idoŋi, emaikina kimujae akoloŋit ŋina etupakini ŋin,

Mika 1:7

Ebiliilaaryo ŋitorubei a ŋakujo ŋulu eya tooma keŋ. Icunyaryo ŋainakineta a ŋakujo keŋ daadaŋ, enyasuni ayoŋ ŋitorubei a ŋakujo keŋ daadaŋ. Aŋuna abunio Samaria tocunia ŋainakineta anamalao ka akilip neni a ŋakujo, isitiyao ŋainakineta ŋun amalaania nabo.

Abak. 1:13

Irae iyoŋ Akuj ŋina Asegan, ido nyipedori akitere aronis. Ikokini iyoŋ ite ŋuna itiyaete ŋituŋa lu ŋulu emam akikinyoma ka ŋulu aronok, ido tomam akisican ikes, ŋulu amunyasi ŋituŋa ŋulu iyookino akilo ikes ai?

Mal. 1:14

Ilamam ituŋanan ŋini emodiyana, ŋini ani kiik ainakin ayoŋ ibarasit ŋini ajokan alosipan keŋ, yau neni kaŋ ibarasit ŋini nyejok; arae ayoŋ Erwosit ŋolo apol akilo ŋuluce, ido itopolooritae ekiro kaŋ anakwapin.”

Mat. 7:6

“Nyiinakis ŋiŋokwo ibore ŋini einakinitae Akuj ka nyimasakis ŋamoru ŋuna elal egyelit lopegei, anerae ipudaarete ikes a ŋakejen, tosodo kibelekinos akitiji iyes.

Ŋikis. 12:6

yaanasi nen ŋainakineta kus ŋuna epeyo ka ŋamuronisya kus, atutubet apei alotooma ŋitomon a ŋiboro kus ka ŋainanakineta kus, ŋainakineta ŋuna ikoŋit ituŋanan ainakin neni ke Ekapolon, ŋainanakineta ŋuna eyauni ituŋanan a acamit keŋ, ŋikiyae a ŋaatuk kus ka a ŋamesekin kus.

Ŋikis. 22:21

emaikina yaarae apese ŋin kiŋa epuke ŋolo a akai a papa keŋ, tosodi tocaka ŋikilyok a etaun iŋes a ŋamoru toara, anerae etiya iŋes ŋakiro ŋuna a ŋileec alo Isirael aŋuna abunio kiryamakinotor ka ekile eriŋa nyiita. Aŋun, ilemarete iyes aronis alotuŋa kus.

Ŋikis. 23:21

Ani kikoŋ iyoŋ neni ke Ekapolon Akuj kon, nyidid akisiyookin iŋes, anerae kire jik iitanit Ekapolon iyoŋ kisiyook ŋun, ani pa kisiyook iyoŋ ŋun, iryamuni iyoŋ ekaile ŋolo ka asecit.

Ŋipil. 3:2

Tocoikinito ŋituŋa ŋulu itiyaete aronis, ŋiŋokwo ŋul, ŋikilyok ŋulu erubakinito iitanito atubutub ŋawat.

2 Pet. 2:22

Ŋuna apotu kitiyakin neni kec, itoodiunito atemar iyookino ŋakitadapeta nu, “Eboŋokini iiŋok akinyam ŋalyakan keŋ” ka “Epege ŋolo adaun akilotar, eboŋori akibelibelo alocoto.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.