Ŋikis. 22:21 - Ebaibul

²¹ emaikina yaarae apese ŋin kiŋa epuke ŋolo a akai a papa keŋ, tosodi tocaka ŋikilyok a etaun iŋes a ŋamoru toara, anerae etiya iŋes ŋakiro ŋuna a ŋileec alo Isirael aŋuna abunio kiryamakinotor ka ekile eriŋa nyiita. Aŋun, ilemarete iyes aronis alotuŋa kus.

Ŋikis. 22:21 Iomraidhean Croise

Akisy. 34:7

Ani edolunete ŋidwe a Yakob ŋulusapa anacokor, kiirasi ŋakiro a Dina atipei. Toumokis ka toŋoa nooi, anerae kebu Sekem kitiya ŋuna a ŋileec aneni a Ŋisirael, aŋuna kebunio kikamunia nakoku a Yakob kituruwo aberu keŋ, torae bo ŋun ŋuna pa amaikina akitiya.

Akisy. 38:24

Ekaku a ŋilapyo a ŋiuni, tolimokinae Yuda temarae, “Kelom nateran kon Tamar ka daŋ epoti iŋes ikoku ŋinilomuna.” Tolimu Yuda tema, “Yautu iŋes kiŋa, emaikina kicunyae iŋes.”

Ŋilep. 19:29

“‘Nyisol nakoku kon, kituruwo iŋes amalaat, ikotere nyemalaan akwap daadaŋ kilelebun aronis.

Ŋilep. 20:2

“Tolimok Ŋisirael ebe, ‘Esiraelit daadaŋ, kori igelaanot daadaŋ ŋini iboiyete ka Ŋisirael ŋini einakini ikoku keŋ idio neni a akuj a ŋina enyaritae Molek, emaikina ituŋanan ŋin toarae. Emaikina ŋituŋa daadaŋ tocaka iŋes a ŋamoru.’ ”

Ŋilep. 21:9

Ani kemunaar nakoku ke esacaradoti, toruwor amalaat, etajamuwa ŋituŋa papa keŋ; emaikina iŋes kicunyarae.

Ŋilep. 24:16

Ituŋanan daadaŋ ŋini iyanyi ekiro ŋolo ke Ekapolon, emaikina toarae. Emaikina ŋituŋa daadaŋ tocaka iŋes a ŋamoru. Ituŋanan daadaŋ, kerae iŋes igelaanot, kori Esiraelit, ani kiyany iŋes ekiro ŋolo ke Ekapolon, emaikina toarae.

Ŋilep. 24:23

Abu nai Moses kirwor ŋakiro ŋun neni a Ŋisirael, ido apotu ikes yaasi ekeyanyan ŋol kiŋa alomar tocaka a ŋamoru. Kitiya ikes lopite ŋolo ecikitor Ekapolon Moses.

Ŋikis. 13:10

Tocaka iŋes a ŋamoru toara aŋuna acamitor akiteŋer iyoŋ Ekapolon Akuj kon ŋina ikiyauni iyoŋ anakwap a Ijipit anakwap a ŋina ka apitoonut.

Ŋikis. 13:5

Nai emaikina toarae ŋikadwarak ka ŋikerujak ŋul ŋulu edwarete ŋakiro ŋuna eponito ŋul aŋuna erworotor ŋakiro ŋuna ka akiteŋer iyes Ekapolon Akuj kus ŋina ikiyauni iyes anakwap a Ijipit a ŋina ikilakunia iyes anapitoonut. Aŋun ilemarete iyes aronis alokidiŋ kus.

Ŋikis. 13:6

Ani kikicocoya iyoŋ ituŋanan anakimunono, tari kerae lokaato kon kori lokoku a toto kon, kori lokaapa kon, kori lokoku kon, kori nakoku kon, kori aberu kon ŋina imina iyoŋ nooi, kori ekone kon ŋolo imina iyoŋ nooi, ikilimok iyoŋ tema, “Oloto elipa neni a ŋakujo,” (ŋakujo ŋuna nyeyenuna iyoŋ, kori atapapaa kon,

Ŋikis. 17:5

emaikina nai iyes yaut ekile ŋol, kori aberu ŋin ŋina itiyat ŋakiro ŋuna eŋerit Akuj ŋun lopuke a etaun kus, tosodi emaikina iyes tocaka ekile ŋol, kori aberu ŋin a ŋamoru tari ŋina etwania.

Ŋikis. 17:7

Ŋisuudae ikes egeunete akicak ituŋanan ŋini etubokinitae atwanare, ani ekaku tocaka ŋituŋa ŋuluce daadaŋ. Aŋun ilemarete iyes aronis alokidiŋ kus.

Ŋikis. 19:19

emaikina iyes kitiyata neni a ŋolo esitakinit ŋoloce a ŋakiro aŋuna nyiyookino ŋuna sek acamit iŋes kitiyae neni a ŋolo esitakinit iŋes. Aŋun, ilemarete iyes aronis alokidiŋ kus.

Ŋikis. 21:21

Ecakete nai ŋikilyok a etaun a ŋol iŋes a ŋamoru totwan. Aŋun, ilemarete iyes aronis alokidiŋ kus, ido iirarete Ŋisirael daadaŋ ŋakiro ŋun, tobul.

Ŋikis. 22:22

Ani keryamun ekile eperete ka aberu a ekile a ece, emaikina ikes daadaŋ toarae, aŋun ilemarete iyes aronis alo Isirael.

Ŋikis. 22:24

emaikina iyes yaut ikes daadaŋ ŋiarei lopuke ŋolo ke etaun a ŋol, tocaka ikes a ŋamoru toara. Earyo apese, anerae abu iŋes nyiworou ikotere eiunete iŋes ŋituŋa a ŋulu ke etaun, earyo ekile, anerae abu iŋes kiryamakinos ka apese a ekidunyet keŋ. Aŋun, ilemarete iyes aronis alokidiŋ kus.

Ŋikat. 19:23

Tolot nai ekasikout ŋolo arae elope a akai a ŋin kiŋa, tolimok ŋikilyok ŋul tema, “Mam, okoe ŋikaitotoi kaŋ, nyitiyata akapil ŋina ikoni ŋin. Aŋuna eraakar ekile lo epeyonon kaŋ, nyitiyata asiilyo ŋin.

Ŋikat. 20:10

Alotooma ŋituŋa amiat earyo ŋituŋa ŋitomon alokabilae a daadaŋ a ŋulu a Ŋisirael, eseunio alotooma ŋituŋa aliput earyo ŋituŋa amiat ka alotooma ŋalipyo ŋatomon earyo ŋituŋa aliput, aŋuna ka akiwok akimuj a ŋasigarya a ŋuna elosete akinyaŋar ŋakiro a ŋituŋa a Gibea a etaun a ŋolo a Benjamin, ŋakiro daadaŋ ŋuna ka akapil a ŋina apotu ikes kitiyata alo Isirael.”

Ŋikat. 20:5

Tosodi apotu ŋituŋa a Gibea potu neni kaŋ nakwaare kirikaut akai ecamito ikes akiar ayoŋ, apotu nai ikes, torata aberu kaŋ tari ŋina atwania.

Ŋikat. 20:6

Abu nai ayoŋ olemu akuwan a aberu kaŋ otubutubu, ido eyakiya ŋatubutubeta ŋun nakwap a ŋituŋa a Isirael daadaŋ, anerae etiyata ikes akapil alo Isirael.