Ŋikis. 20:20 - Ebaibul

²⁰ Nai ipedorete iyes amunaar ŋikito ŋulu iyenete iyes atemar nyenyamyo, ipedorete akiyep ikes aŋuna ka agolyo ŋimoe alotuŋa a ŋulu itijiete iyes tari ŋina ikamaryata iyes iŋes.

Ŋikis. 20:20 Iomraidhean Croise

2 Ŋirw. 3:19

Ireunete iyes ŋitaunio daadaŋ ŋulu edukuk kojokan ka ŋulu apolok. Iukorete ŋikito daadaŋ ŋulu ipisitae, igolete ŋicowae a ŋakipi daadaŋ ka inyasunete ŋalup daadaŋ ŋuna itaeneneo, tobukonokis ŋamoru.”

2 Ŋakiro a ŋirwa 26:15

Abu iŋes kiwuanak Yerusalem ŋiboro ŋulu etiyaunete ŋikilyok ŋulu eyenete akitiya ŋiboro ejok, ŋiboro ŋulu egumanarere ŋikaleŋeleŋe ka ŋulu imasanarere ŋamoru ŋuna aburok anaduketa a ŋuna aoyak ka alokoonae ka arwatata ejiyo. Abu arwonu keŋ todol nakwapin ŋuna alwanak, anerae eŋarakinit Akuj iŋes nooi, akitodol ŋina agogoŋioror iŋes.

Ekal. 9:14

Ayai koloŋ etaun ŋolo adit, ŋolo akudyoko ŋituŋa ŋulu eboiyete alotooma keŋ. Abu erwosit ŋolo ajiono kisiiryak ŋituŋa a etaun a ŋol, kisiryam ŋajorei keŋ etaun cib, toduk ŋidoketa kiŋa arwatata a etaun a ŋol.

Isa. 37:33

“Aŋun, ŋakiro ŋuna alimu Ekapolon aŋuna ke erwosit ka Asiriya ikes nu: Nyelomuni iŋes lotaun lo, nyegumuni iŋes ekaleŋeleŋet ne eyakar aupal, kori nyedukokini adoket ne ŋina edokarere lotaun.

Yer. 33:4

Alimu ayoŋ Ekapolon, Akuj a Ŋisirael aŋuna a ŋakais a etaun a lo ka aŋuna a ŋakais a ŋirwosi a Yudaya a ŋuna aponi toritaarae aŋuna ka adukio arwatata ŋinakiretakinet ŋimoe ŋulu erikaunito etaun ka aŋuna ka ajio.

Yer. 6:6

Alimu Ekapolon ŋolo a ŋajoresyo ebe, “Toyepakisi ŋikito keŋ kwap, todukokisi akititis ŋina elomarere akitijikin Yerusalem, Erae Yerusalem etaun ŋolo emaikina kisicanae, emam ibore ice eyai tooma keŋ mati akisicanit ŋuluce bon.

Esek. 17:17

Nyepedorete Parao ka ŋasigarya keŋ ŋuna alalak ka ŋirukitos keŋ ŋulu alalak akiŋarakin iŋes alojie a ŋolo edukitotor Ŋibabiloniyae ŋakititisyo ka ŋarwatatain aŋuna ka amunyarya ŋikalalak.

Ŋikis. 1:28

Ai ikilosi iwon? Ikitubulo isua ŋakiro a ŋikaitotoi kosi ŋuna enyakunete ikes anakwap a ŋina alosito akireb ebasi ‘Egogoŋ ŋituŋa ŋulu iboiyete anakwap a ŋin ka eoyak akilo iwon ka daŋ epolok ŋitaunio kec eyakasi ŋaduketa ŋunajiet ŋuna aoyak nooi alokidiama; aponi daŋ isua kiŋolikinae ŋiletok a Ŋianakim.’ ”

Ŋikis. 20:19

Ani kirikaut iyes etaun edio icamito akitijikin iŋes aŋuna ka akikamar, ido yaa apaki ŋina aoyan irikaunito, tocoito iyeparete ŋikito. Tari kinyama iyes ŋaraito alokito a ŋul tocoito iyepakinete ikes kwap. Erae mono ŋikito ŋituŋa irikaunito iyes ikes a?

Ŋikis. 21:1

Anakwap a ŋina ikiini iyes Ekapolon Akuj kus aruwor ŋina kus, ani keryamun ituŋanan etwanikinit nariet nai nyeyenio ituŋanan ŋini keari,