Ŋikis. 20:1 - Ebaibul

¹ Ani ilosete iyes lojie akitijikin ŋimoe kus, ido kiŋolikis atemar elalak ŋaŋolei kec, ŋagaari kec ŋuna iritae a ŋaŋolei ka ŋasigarya a ŋimoe kus akilo ŋuna kus, nyikuryaketa aŋuna kec, anerae irukito iyes ka Ekapolon Akuj kus ŋolo ikitipeunio iyes anakwap a Ijipit.

Ŋikis. 20:1 Iomraidhean Croise

Akisy. 26:3

Kiboikin nakwap ŋin, ikiruki iwon, ido eketerereŋi ayoŋ iyoŋ, anerae aŋuna kon ka aŋuna a ŋiletok kon, akainakini akwap na daadaŋ, ido esiyookini akikoŋiet kaŋ ŋina abu ekoŋ neni a papa kon Aburaam.

2 Ŋakiro a ŋirwa 14:10

Abu erwosit Asa ŋolo a Yudaya tosuto ka ŋasigarya keŋ lojie, kicodosi anakadipaalat a ŋina enyaritae Sepasa, a ŋina alodiyete Maresa.

2 Ŋakiro a ŋirwa 14:11

Kilip Asa neni ke Ekapolon Akuj keŋ tema, “Okoe Ekapolon, nyityakatyakat iyoŋ ŋituŋa akiŋarakin ŋulu ejioko ka ŋulu nyejioko, kiŋarakinae isua, okoe Ekapolon Akuj kosi, anerae neni kon ikiyarikinit isua, aponi isua alokiro kon akitijiore ŋituŋa ŋulu alalak lu. Okoe Ekapolon, irae iyoŋ Akuj kosi; nyicamak ituŋanan idio ikilouni iyoŋ.”

2 Ŋakiro a ŋirwa 20:12

Okoe Akuj kosi! Kisican ikes, anerae nyikipedori isua akitijiore ŋasigarya ŋuna alalak nooi ŋun, ŋuna eponito akitijiore isua. Nyikiyeni isua ŋuna kitiyakina, nai ikigeno isua neni kon.”

2 Ŋakiro a ŋirwa 20:15

Tema Yaasiel neni a ŋituŋa, “Topupokisi iyoŋ erwosit Yeosapat ka ŋituŋa daadaŋ ŋulu iboiyete alo Yudaya ka Yerusalem. Irworo Ekapolon ŋakiro nu neni kus ebala, ‘Nyikuryaketa, kori nyikikadak aŋuna a ŋasigarya a ŋuna alalak nooi a ŋun, anerae meere iyes itijiyete ikes, nai Akuj.

Ŋikiru. 118:6

Ikwapei eyakar Ekapolon diyete kaŋ, emam akuryanu eyai neni kaŋ. Anukiro epedorete ŋituŋa akitiya neni kaŋ?

Ŋikiru. 20:7

Ikinyomito ŋice ŋagaari ka ŋice ŋaŋolei, nai ikikinyomit isua Ekapolon Akuj kosi.

Ŋikiru. 23:4

Tari kalosi ayoŋ anakadipaalat a ŋinakiryonon cuc, nyakuryani ayoŋ atemar akawanio; anerae ikirukit ayoŋ ka iyoŋ ka akaiunito ayoŋ abiro ka ebela kon.

Ŋikiru. 46:11

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 46:7

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 46:8

Potu, kiŋolikisi ŋiticisyo ŋulu ke Ekapolon; kiŋolikisi ŋakiro ŋuna ka aumokin ŋuna etiyak iŋes nakwap.

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 43:2

Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Yer. 16:14

Aŋun, adau Ekapolon alimun ŋakiro nu atemar eponito kire ŋirwa ŋulu nyikoŋioto nabo ŋituŋa a ekiro kaŋ ebasi, “Ikwapei eyarya Ekapolon ŋolo etipeunio ŋituŋa a Isirael anakwap a Ijipit,”

Sakar 10:5

Eruwor ŋituŋa a Yuda ŋikelounak ikwaanikin ikes ka ŋasigarya ŋuna ipudakinete ŋimoe kec locoto ŋolo a ŋirotin ke etaun. ejiete ikes ka agogoŋu, anerae erukito ikes ke Ekapolon; ereunete ikes tari ŋimoe ŋulu isitiyaete ŋaŋolei.’

Ekim. 10:9

Ani ilosete iyes lojie anakwap kus, akitijikin ŋimoe ŋulu ikitijikinete iyes, iramakinete iyes eli ikusete ŋarupepe, ikotere ikitamuni iyes Ekapolon Akuj kus, ido itoiu alomoe kus.

Ekim. 23:21

Mam aronis eŋolik Akuj itiyaete ŋituŋa a Yakob, mam akisyanu eŋolik Akuj itiyaete ŋituŋa a Isirael. Erukito ikes ka Ekapolon Akuj kec, elimorito ikes atemar arae Akuj erwosit kec.

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Ŋikis. 1:29

Abu ayoŋ okolimok iyes otema, “Nyikibul, kori nyikuryaketa aŋuna kec.

Ŋikis. 2:7

Kire jik, ikiterereŋ Ekapolon Akuj kus iyes anakiro a daadaŋ a ŋuna itiyata iyes, eyeni iŋes alosit kus ŋina ilosyoto iyes analoŋisat na a ŋina apolon nooi. Ŋikaru ŋatomoniomwon lu daadaŋ irukito iyes ka Ekapolon Akuj kus, mam ibore ipotu iyes kicanakin.’ ”

Ŋikis. 20:2

Ani eriŋa iyes nyitijikino ŋimoe kus, tonyarautu esacaradoti bu kiŋaren, kirwor neni a ŋasigarya,

Ŋikis. 20:3

tolimok ikes ŋakiro nu: “Kiirasi, okoe Ŋisirael! Nakoloŋit na aapuu iyes akitijikin ŋimoe kus. Totitinyoto, kori nyikuryaketa, kori nyikibul, kori nyikera ikes,

Ŋikis. 31:6

Togogoŋ ka totitiny, nyikuryaketa, kori nyikibul aŋuna kec, anerae irukito iyes ke Ekapolon Akuj kus, nyikimyekini iŋes iyes, kori nyikiŋeri.”

Ŋikis. 31:8

Ekapolon iŋes ikiŋarenikini iyoŋ. Eyakaun Ekapolon ka iyoŋ, nyikimyekini iŋes iyoŋ, kori nyikiŋeri iŋes iyoŋ. Nyikuryaniar, kori nyikibul.”

Ŋikis. 7:1

Ani ikiyauni iyes Ekapolon Akuj kus nakwap ŋina eapi iyes alomar ka akituruwor ŋina iboiyoto iyes, ido kirita ŋituŋa a ŋakwapin alokiŋaren kus, kirita Ŋiitaiti, Ŋigiragasi, Ŋiamori, Ŋikanaani, Ŋiperisi, Ŋiipi ka Ŋiyebusi, ŋituŋa a ŋakwapin a ŋakanikaarei ŋulu egogoŋ ka elalak akilo iyes

Ŋikis. 7:18

Nyikuryaketa aŋuna kec. Nai totamunito ŋuna abu Ekapolon Akuj kus kitiya neni a Parao ka nakwap a Ijipit daadaŋ,

Ŋikis. 7:21

Nyikibul aŋuna kec, anerae Ekapolon Akuj kus ŋina irukitotor iyes, erae Akuj ŋina etubulon.

Ŋikis. 9:3

Toyenutu nai nakoloŋit na atemar Ekapolon Akuj kus iŋes edokari ekekwaye ikiŋarenik iyes eryenyaana esibit akim ŋina enomi akwap, emunyari iŋes ikes, ido ilouni ikes alokiŋaren kus, ikotere iyes iritarete ikes ka imunyarete ikes atipei, lopite ŋolo ikiikinia Ekapolon iyes.

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.

Yos. 1:9

Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”

Yos. 11:9

Kitiyak Yosua neni kec lopite ŋolo alimokinitor Ekapolon iŋes. Totubutubu ŋamori ŋuna a ŋakejen a ŋaŋolei kec, kicunyak ŋagaari kec.

Ŋikat. 6:12

Totakanu emalaika ŋolo ke Ekapolon neni a Gideon, tolimok iŋes tema, “Iyakasi iyoŋ ke Ekapolon, iyoŋ ekajion ŋolo etiron.”

Ŋikat. 6:16

Tolimok Ekapolon iŋes tema, “Ikiruki ayoŋ ka iyoŋ, ido iari iyoŋ Ŋimidian, iari iyoŋ ikes daadaŋ.”

1 Sam. 17:32

Tema Daudi neni a Saul, “Nyicamak etau a ekile a edio a ne emini ekabule; alosi ayoŋ eketiyan kon esiiryak Epilistait ŋol.”