Ŋikis. 2:7 - Ebaibul

⁷ Kire jik, ikiterereŋ Ekapolon Akuj kus iyes anakiro a daadaŋ a ŋuna itiyata iyes, eyeni iŋes alosit kus ŋina ilosyoto iyes analoŋisat na a ŋina apolon nooi. Ŋikaru ŋatomoniomwon lu daadaŋ irukito iyes ka Ekapolon Akuj kus, mam ibore ipotu iyes kicanakin.’ ”

Ŋikis. 2:7 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 24:35

Adau Ekapolon akiterereŋ nooi ekapolon kaŋ, abar iŋes nooi, ainaki Ekapolon iŋes ŋamesekin, ŋaatuk, ŋikaala ka ŋisigirya, esilipa ka egolid, ŋiketiyak ka ŋaketiyak.

Akisy. 26:12

Kitaki Isaka ŋikinyom nakwap ŋin, ekaru ŋol tolemu akimuj ŋina alalan nooi. Abu Ekapolon kiterereŋ iŋes,

Akisy. 30:27

Nai tema Laban neni a Yakob, “Kimyekinae ayoŋ okolimok ŋuna acamit alimun, adau ayoŋ ayenun anakisileerekinet ke Ekapolon atemar eketerereŋ ayoŋ Ekapolon aŋuna kon.

Akisy. 39:3

Ani eyenuni ekapolon a Yosepu atemar erukito Ekapolon kaapei ka Yosepu, ido elosi etic a Yosepu daadaŋ ejok,

Akisy. 39:5

Anyoun apaki ŋin, ŋina eturuworere Yosepu ekapolon a ŋuluce alokal a ŋol ka ainakinere akidar ŋiboro daadaŋ ŋulu ayakar Potipar, kiterereŋ Ekapolon ekal a Ejipitanoit a ŋol aŋuna a Yosepu. Kiterereŋ Ekapolon ibore daadaŋ ŋini ayakar iŋes kai ka lomanikor.

Neem. 9:21

Ibu iyoŋ kiteyar ikes analoŋisat ŋikaru ŋatomoniomwon, ikotere nyicanakin idiobore; nyenyamuna ŋilowi kec ka nyebuuno ŋakejen kec.

Yob 23:10

Nai eyeni iŋes neni alosi ayoŋ, ani kekekatak iŋes ayoŋ, eryamuni iŋes atemar aliuna ayoŋ ikwa egolid ŋolo eliitae;

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Ŋikiru. 107:4

Apotu ŋice kirimo analoŋisat aneni amam neni kitoro, nyeryamut erot ŋolo elosi lotaun neni epedoryata akiboiyo.

Ŋikiru. 31:7

Alakar ayoŋ ka alelyani aŋuna ka amina kon a ŋina nyiryaŋiryaŋa, anerae ibu iyoŋ kiŋolik ŋican kaŋ ka ibu ikiŋarak ayoŋ anaryeba.

Ŋikiru. 90:17

Toyai neni yok ajokis ŋina ke Ekapolon a Akuj yok ka ikitabar iwon a etic a ŋolo a ŋakan yok; okoe Akuj, kitabarae isua a etic a ŋolo a ŋakan kosi.

Awos. 16:35

Kimuja Ŋisirael Manna ŋikaru ŋatomoniomwon, akitodol ŋina adolunioto nakwap ŋina apotu kiboikinos. Apotu ikes kimuja Manna akitodol ŋina adolunito lokukoru ŋolo ka akwap a Kanaan.

Yer. 2:2

“Ape kisera ŋakiro nu epupete ŋituŋa a Yerusalem, ŋakiro ŋuna irworo Ekapolon ikes nu: Atamunit ayoŋ ainakina kon neni kaŋ alorwa a ŋulu ka asoroko kon; atamunit ayoŋ amina ŋina ikiminar iyoŋ ayoŋ ikwa ateran. Epite ŋolo ikiwuapitor iyoŋ ayoŋ analoŋisat, anakwap a ŋina nyitao.

Osea 13:5

Arae ayoŋ etani ikes analoŋisat, anakibois a ŋina aonon.

Amos 2:10

Nabo abu ayoŋ okoyau iyes anakwap a Ijipit, okorik iyes ŋikaru ŋatomoniomwon analoŋisat, ikotere okoinak iyes akwap a Ŋiamori.

Ekim. 1:1

Akoloŋit ŋina esyaunan a elap a ŋolo a ŋiarei, alokaru a ŋolo a ŋiarei ameun anakoloŋit a ŋina arotokinioto Ŋisirael alo Ijipit, abu Ekapolon kirwor neni a Moses aloeema a ŋolo ilipere, apaki ŋina ayakatar Ŋisirael naloŋisat ŋina a Sinai. Tema Ekapolon neni a Moses,

Ekim. 14:33

Tosodi eruwor ŋidwe kus ŋikeyokok analoŋisat ŋikaru ŋatomoniomwon ka eryamunete ŋican aŋuna pa iraakatar iyes ŋituŋa ŋulu ikinyoma, akitodol tari ŋina etwania ŋolo esidyon alotooma kus, kidoŋo ŋawat kus daadaŋ naloŋisat.

Ekim. 14:34

Iryamunete iyes akisicanio aŋuna ka aronis kus ŋikaru ŋatomoniomwon, isikwaaniyaritae ka ŋirwa ŋatomoniomwon ŋulu ipotu iyes yaasi irebete akwap ŋin; epeikaru aŋuna ka akoloŋit ka apei. Iyenunete iyes atemar nyalakara ayoŋ aŋuna kus.’

Ekim. 22:12

Tolimok Akuj Balaam tema, “Nyilot kaapei ka ikes, nyicen ŋituŋa ŋul, anerae iterereŋitoe ikes.”

Ekim. 32:13

Abu Ekapolon toŋoik Ŋisirael, kimyek ikes kirimo analoŋisat ŋikaru ŋatomoniomwon tari ŋina adaunor anyamet daadaŋ ŋina abu kitiya ŋuna aronok alokiŋaren Ekapolon.

Luk. 22:35

Kiŋit Yesu ikes tema, “Ŋina ekeyakiaritor ayoŋ iyes emam ecwee ŋolo a ŋisiliŋa, ekikapu kori ŋamuk, ayai ibore ŋini ipotu iyes kicanakinosi a?” Toboŋokis ikes temasi, “Amam ibore ikicana.”

Yoa. 10:27

Epupete ŋamesekin kaŋ ekaatoil, ayeni ayoŋ ikes ka ekewuapito ayoŋ.

Ŋikis. 1:19

Ikwapei abunio Ekapolon Akuj yok ikilimokinia iwon, aponi iwon towotokinae alo Oreb, totuboe aloŋisat daadaŋ ŋina apolon nooi ŋina a ŋican ŋina ipotu iyes kiŋolikis ewosyo iwon nakwap ŋina a ŋikamukumukui, nakwap ŋina a Ŋiamori akitodol ŋina adolere iwon Kades-Barinea.

Ŋikis. 1:46

Ani kidaut iyes akiboi alo Kades ŋirwa daadaŋ ŋulu ipotu iyes kiboiyoto a nen,

Ŋikis. 2:14

ido apaki ŋin, aponi iwon yaarae elosyo ameun alo Kades-Barinea tari ŋina adokere iwon ayonae Sered ŋikaru ŋatomoniuni ka ŋikanikauni, akitodol ŋina atwakyata ŋikajiok a anyamet a ŋin daadaŋ analomar, lopite ŋolo arisyo Ekapolon kikoŋio aŋuna kec.

Ŋikis. 2:6

Togyelutu a ŋisiliŋa aneni kec akimuj ŋina imujete iyes, togyelutu daŋ a ŋisilipae aneni kec ŋakipi ŋuna imasete iyes.

Ŋikis. 29:4

Nai akitodol nakoloŋit na eriŋa Ekapolon nyeinakina iyes aosou ka ŋatameta ŋunayenunet ŋakiro, kori ŋakonyen ŋuna kiŋolikinet ŋakiro ŋuna itiyakin, kori ŋaki ŋuna kiiraret ŋakiro ŋuna adaut akitiyakin nakiyar kus.

Ŋikis. 29:5

Abu ayoŋ okorik iyes ŋikaru ŋatomoniomwon analoŋisat. Nyenyamuna ŋilowi anawat kus ka nyenyamuna ŋamuk anakejen kus;

Yos. 5:6

Arae ŋun aŋuna awosyata Ŋisirael analoŋisat ŋikaru ŋatomoniomwon tari ŋina amunyaror anyamet daadaŋ ŋina a ŋikilyok a ŋulu apedorito ejie a ŋulu sek awotunete alo Ijipit. Apotu ŋikilyok ŋul daadaŋ tomunyaros, anerae apotu toŋero akiwuap ŋakiro ŋuna a Ekapolon Akuj. Aŋun abu Ekapolon Akuj kikoŋ atemar nyiŋolikinete ikes akwap ŋina koloŋ ekoŋit iŋes neni atapapaa kec ainakin iwon. Erae akwap ŋin ŋina eleleata ŋakile ka akimyet ŋina ka ao.