Ŋikis. 2:15 - Ebaibul

¹⁵ Kire arae Ekapolon elope anapedor keŋ iŋes emanit ikes, acamit alemar ikes analomar tari ŋina atwakyata ikes daadaŋ.

Ŋikis. 2:15 Iomraidhean Croise

Ŋikiru. 106:26

Aŋun, abu Akuj kiserau ŋakiro keŋ, kikoŋ neni kec atemar imyekini iyoŋ ikes kirikaros analoŋisat,

Ŋikiru. 32:4

anerae apaaran ka akuwar ibu iyoŋ itotiŋ ayoŋ neni aronon nooi; abu agogoŋ kaŋ todaun, lopite ŋolo itadaunia amwanis ŋina ka akamu apalalu anibore.

Ŋikiru. 78:33

Aŋun, abu Akuj kitasalu ŋirwa kec tojoŋoi atamunit, ido yau ŋinyas alorwa a ŋulu ka akiyar kec.

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Ekim. 14:28

tolimok ikes ebe, ‘Ikwapei ayarya ayoŋ, etiyae ayoŋ neni kus ŋakiro ŋuna ilimut iyes ŋikulepek.

1 Ŋikor. 10:5

Nai pa alakara Akuj neni kec a ŋulu alalak, aŋun apotu ŋalyalin kec kiryama aloŋisat.

Yud. 1:5

Acamit tokona akitatamun iyes, tari sek daŋ kikiteyenikinitae daadaŋ, atemar abu Ekapolon, kedau aiun ŋituŋa keŋ ŋulu a Isirael anakwap a Ijipit, tomunya ekaku ŋulu pa anupito.

Ŋikat. 2:15

Apaki daadaŋ ŋina elosyoto ŋajorei a Isirael lojie, aremokino Ekapolon ikes, ido acamanakini kitiyakin neni kec ŋuna aronok, lopite ŋolo sek alimokinitor ka ekoŋitor Ekapolon neni kec, ido apotu Ŋisirael kiyaloloŋo nooi.

1 Sam. 5:11

Aŋun, apotu ikes kiyakiyasi ŋituŋa anyarare ŋikapolok a Ŋipilistin daadaŋ temasi neni a ŋikapolok, “Tolemasi Asaduku ŋina ka Akuj a Ŋisirael a ne, kinyakasi nakibois keŋ, ikotere nyikiar isua ka ŋituŋa kosi.” Alimunete ikes ŋun, anerae kebu ekabule ŋolo ke etwane tolalaar nooi alotuŋa a etaun a daadaŋ aŋuna kebunio Akuj totiŋ ŋituŋa ŋul erono nooi.

1 Sam. 5:6

Totiŋ Ekapolon ŋituŋa ka Asidod erono nooi, inak ikes ekabule. Kisican Ekapolon ŋituŋa ka Asidod ka ŋikidunyet kec a edeke a ŋolo aronon nooi a ŋolo arae ŋabusyo.

1 Sam. 5:9

Nai ekaku keyaut ikes Asaduku ŋin Gas, totiŋ Ekapolon ŋituŋa a Gas erono nooi, toyakaun ekabule nen ŋolo apolon nooi. Kisican Ekapolon ŋituŋa a etaun a ŋol, ŋulu cicik ka ŋulu emojoŋito, aŋun abu edeke ŋolo arae ŋabusyo min lotuŋa ŋul.

1 Sam. 7:13

Aŋun, apotu ikes toreut Ŋipilistin, ido apotu Ŋipilistin nyeboŋut nabo jik nakwap a Ŋisirael; atiŋit Ekapolon Ŋipilistin erono nooi ŋirwa daadaŋ ŋulu apolokinitor Samuel Ŋisirael.