Ŋikis. 2:14 - Ebaibul

¹⁴ ido apaki ŋin, aponi iwon yaarae elosyo ameun alo Kades-Barinea tari ŋina adokere iwon ayonae Sered ŋikaru ŋatomoniuni ka ŋikanikauni, akitodol ŋina atwakyata ŋikajiok a anyamet a ŋin daadaŋ analomar, lopite ŋolo arisyo Ekapolon kikoŋio aŋuna kec.

Ŋikis. 2:14 Iomraidhean Croise

Ŋikiru. 106:26

Aŋun, abu Akuj kiserau ŋakiro keŋ, kikoŋ neni kec atemar imyekini iyoŋ ikes kirikaros analoŋisat,

Ŋikiru. 90:15

Inakinae isua tokona alakara ŋina alalan, alakara ŋinapei etya akiyaloloŋ ŋina ibu iyoŋ ikiinak isua alokaru a daadaŋ a ŋulu ikiyakar isua locan.

Ŋikiru. 90:3

Ikinyakanari iyoŋ isua, ikituruwo nabo ŋalup, ibala, “Toboŋosi nalup, iyes ŋituŋa.”

Ŋikiru. 90:9

Ikiya isua ŋirwa daadaŋ ŋulu ka akiyar kosi nanyunyura kon; edaunun ŋirwa ŋulu ka akiyar kosi atipei ikwa ekuwuam ŋolo ieŋunio kiŋa.

Ŋikiru. 95:11

Aŋun, ananyunyura kaŋ, abu ekoŋ otema, ‘Nyelomarete ikes jik nakwap ŋina amaikina ayoŋ esieŋunia ikes.’ ”

Esek. 20:15

Abu daŋ ayoŋ ekoŋ neni kec analoŋisat olimok atemar nyayauni ayoŋ ikes nakwap ŋina sek aris kakainak iyes, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Ekim. 1:1

Akoloŋit ŋina esyaunan a elap a ŋolo a ŋiarei, alokaru a ŋolo a ŋiarei ameun anakoloŋit a ŋina arotokinioto Ŋisirael alo Ijipit, abu Ekapolon kirwor neni a Moses aloeema a ŋolo ilipere, apaki ŋina ayakatar Ŋisirael naloŋisat ŋina a Sinai. Tema Ekapolon neni a Moses,

Ekim. 13:26

potu ikes neni a Moses ka Aron ta neni ka atukot a Ŋisirael a ŋulu ayakasi apaki ŋin naloŋisat ŋina a Paran nakibois ŋina anyaritae Kades, yaut ŋikarebok ŋul ŋakiro kec neni a Moses ka Aron ta neni ka atukot a Ŋisirael, kitoodikis daŋ ŋikarebok Ŋisirael ŋuluce ŋaraito ka akwap a Kanaan, ŋuna ayaunete ikes.

Ekim. 32:11

‘Kire mam ituŋanan alotuŋa a ŋulu etipeunete alo Ijipit ŋini erae ŋikaru ŋatomoniarei ka ŋikan ka adepar ŋini epedori akiŋolikin akwap ŋina abu ayoŋ ekoŋ ainakin Aburam, Isaka ka Yakob, anerae nyiwuapa ikes ŋuna kaŋ a acamit kec a daadaŋ,

1 Ŋikor. 10:5

Nai pa alakara Akuj neni kec a ŋulu alalak, aŋun apotu ŋalyalin kec kiryama aloŋisat.

Ŋikis. 1:19

Ikwapei abunio Ekapolon Akuj yok ikilimokinia iwon, aponi iwon towotokinae alo Oreb, totuboe aloŋisat daadaŋ ŋina apolon nooi ŋina a ŋican ŋina ipotu iyes kiŋolikis ewosyo iwon nakwap ŋina a ŋikamukumukui, nakwap ŋina a Ŋiamori akitodol ŋina adolere iwon Kades-Barinea.

Ŋikis. 1:2

(Alorot a ŋolo itori moru Seir elosi ituŋanan ŋirwa ŋitomon ka apei todol Kades-Barinea kenyou alo Oreb).

Ŋikis. 1:46

Ani kidaut iyes akiboi alo Kades ŋirwa daadaŋ ŋulu ipotu iyes kiboiyoto a nen,

Ŋikis. 2:13

“Toloto tokona kiŋaren, todoka ayonae Sered.” Aŋun, aponi iwon todokae ayonae Sered,

Ŋikis. 2:16

Apaki ŋina amunyarotor ŋikajiok daadaŋ alotuŋa,

Ŋikis. 2:7

Kire jik, ikiterereŋ Ekapolon Akuj kus iyes anakiro a daadaŋ a ŋuna itiyata iyes, eyeni iŋes alosit kus ŋina ilosyoto iyes analoŋisat na a ŋina apolon nooi. Ŋikaru ŋatomoniomwon lu daadaŋ irukito iyes ka Ekapolon Akuj kus, mam ibore ipotu iyes kicanakin.’ ”

Yos. 24:7

Nai apotu atapapaa kus kikaloikis Ekapolon akiŋarakin ikes, tosodi abu Ekapolon kiwuak akiryonut kidiŋ ŋisigarya a Ijipit ka iyes, tomunya Ŋijipitian a ŋakipi a ŋuna ka anam. Iyenete iyes ŋilopeyek ŋuna abu ayoŋ etiya lotuŋa a Ijipit. Ekaku, ipotu iyes kiboiyoto apaki ŋina aoyan analoŋisat.

Yos. 5:4

Ŋakiro ŋuna eleŋerya Yosua Ŋisirael ikes nuta: Aris ŋikilyok daadaŋ ŋulu awotunete alo Ijipit, ŋulu apedorete ajiore daadaŋ kemunyarosi analoŋisat epote alo Ijipit.

Yos. 5:6

Arae ŋun aŋuna awosyata Ŋisirael analoŋisat ŋikaru ŋatomoniomwon tari ŋina amunyaror anyamet daadaŋ ŋina a ŋikilyok a ŋulu apedorito ejie a ŋulu sek awotunete alo Ijipit. Apotu ŋikilyok ŋul daadaŋ tomunyaros, anerae apotu toŋero akiwuap ŋakiro ŋuna a Ekapolon Akuj. Aŋun abu Ekapolon Akuj kikoŋ atemar nyiŋolikinete ikes akwap ŋina koloŋ ekoŋit iŋes neni atapapaa kec ainakin iwon. Erae akwap ŋin ŋina eleleata ŋakile ka akimyet ŋina ka ao.

Yud. 1:5

Acamit tokona akitatamun iyes, tari sek daŋ kikiteyenikinitae daadaŋ, atemar abu Ekapolon, kedau aiun ŋituŋa keŋ ŋulu a Isirael anakwap a Ijipit, tomunya ekaku ŋulu pa anupito.