Ŋikis. 18:20 - Ebaibul

²⁰ Nai ekadwaran ŋolo irworo alokiro a ŋakujo, kori ŋolo elimuni alokiro kaŋ ŋakiro ŋuna pa alimokinit ayoŋ iŋes akirwor, emaikina ekadwaran ŋol totwan.”

Ŋikis. 18:20 Iomraidhean Croise

1 Ŋirw. 13:19

Aŋun, abu ekile ŋolo arae ituŋanan ŋini ka Akuj ŋol toboŋosi ka ekadwaran ŋol, kimuj ka tomat ŋakipi alo kai a ekadwaran a ŋol.

1 Ŋirw. 18:19

Aŋun nai, tonyarau tokona ŋituŋa alo Isirael daadaŋ eryamunos ka ayoŋ lomoru Karimel. Yautu daŋ ŋikadwarak a Baal daadaŋ ŋulu erae ŋamiae ŋaomwon ka ŋatomonikan ka ŋikadwarak ka Asera daadaŋ ŋulu erae ŋamiae ŋaomwon, ŋulu eriito ka Yesebel.”

1 Ŋirw. 18:27

Ani edoli kidiŋ apaaran, tokyenar Eliya ikes tema, “Tocelutu nooi! Kire jik erae iŋes akuj; acepaki etamatamae iŋes, kori elalakinit etic, kori elosit iwace, kori acepaki ejotoe, ido emaikina kitekyenyunae.”

1 Ŋirw. 18:40

Tema Eliya neni a ŋituŋa, “Kikamutu ŋikadwarak a Baal, nyimyekis epei daŋ ebucar.” Kikamut nai ŋituŋa ikes; yau Eliya ŋikadwarak ŋul totiyaaror nayonae Kison, ido toar ikes a nen.

Yer. 2:8

Nyetemara ŋisacaradotin ebe, ‘Ai eyai Ekapolon?’ Pa akayenete ayoŋ ŋulu atubete ŋakiro; apotu ŋikepukak okoŋero ayoŋ, apotu ŋikadwarak todwara ŋuna a Baal, ido kiwuapa ŋakiro ŋuna emam ibore iryamunia.

Yer. 23:30

Aŋun, topupokisi, etidiŋit ayoŋ ŋikadwarak ŋulu ekokoiyanarete akirot kaŋ aneni a ŋinice.

Yer. 23:31

Kiirasi, etidiŋit ayoŋ ŋikadwarak ŋulu irworosi ŋakiro kec ebasi, ‘Ebala Ekapolon.’

Yer. 26:11

Temasi nai ŋisacaradotin ka ŋikadwarak neni a ŋikapolok ka ŋituŋa daadaŋ, “Emaikina ekile lo totubokinae atwanare, anerae adau iŋes akidwar ŋuna aronok aŋuna a etaun a lo, lopite ŋolo iiraryata iyes a ŋaki kus.”

Yer. 27:15

Nyiyakuuna ayoŋ ikes, nai edwarete ikes ŋuna ka alyokonu alokiro kaŋ ecamito atemar ekerita ayoŋ iyes, ido tomunyaros iyes kaapei ka ŋikadwarak ŋulu edwareneete neni kus.”

Esek. 13:6

Erae ŋakitoodyanakineta kec ŋuna ka alyokonu ka erae ŋuna edwarete ikes amodiyo. Ebasi ikes, ‘Alimu Ekapolon ŋakiro nu,’ nai nyiyakiyara Ekapolon ikes, ido idarito ikes kisiyookinoe ŋakiro kec.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

Sakar 13:3

Ani ketakanu nabo ekadwaran ece, etemarete atapapa kec ka atatoto kec neni kec ebe, ‘Emainina iyoŋ totwan, anerae ikilimokini iyoŋ isua alyokonu alokiro ke Ekapolon.’ Ani kedwar iŋes icumete ŋikauruunak keŋ iŋes toara.

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

Ŋikis. 13:6

Ani kikicocoya iyoŋ ituŋanan anakimunono, tari kerae lokaato kon kori lokoku a toto kon, kori lokaapa kon, kori lokoku kon, kori nakoku kon, kori aberu kon ŋina imina iyoŋ nooi, kori ekone kon ŋolo imina iyoŋ nooi, ikilimok iyoŋ tema, “Oloto elipa neni a ŋakujo,” (ŋakujo ŋuna nyeyenuna iyoŋ, kori atapapaa kon,

Ŋikis. 17:12

Ani ŋini nyecamuni akitiya ŋuna etubuni esacaradoti ŋolo eseunitae akitiya neni ke Ekapolon a Akuj kus, kori ŋuna a ekatubon ŋakiro, emaikina ituŋanan ŋin toarae. Aŋun, ilemarete iyes aronis alo Isirael.

Ŋikis. 18:21

Acepaki itemarete iyes neni kus make, “Ikiyenuni isua ikwaani akirot ŋina nyelimunit Ekapolon?”

Ŋikis. 18:22

Ani kirwor ekadwaran alokiro ke Ekapolon nai nyitiyakin, kori nyiyookin ŋuna alimunit iŋes, iŋes atemar nyelimunit Ekapolon akirot ŋin; irworo ekadwaran ŋol ŋakiro ŋuna pa alimokinit ayoŋ iŋes, nyikibul aŋuna a ŋakiro keŋ.

2 Pet. 2:12

Irworosi ŋituŋa lu iyanyete ibore ŋini nyeyenete ikes apolou keŋ. Ikote ikes ŋityaŋ ŋulu ka ariet, ŋulu nyetamete, ŋulu euruunitae kisurumae, tomunyarae. Ikwapei ŋityaŋ ŋul, emunyarosi ikes daŋ.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Ŋikat. 2:15

Apaki daadaŋ ŋina elosyoto ŋajorei a Isirael lojie, aremokino Ekapolon ikes, ido acamanakini kitiyakin neni kec ŋuna aronok, lopite ŋolo sek alimokinitor ka ekoŋitor Ekapolon neni kec, ido apotu Ŋisirael kiyaloloŋo nooi.