Ŋikis. 18:15 - Ebaibul

¹⁵ Ebuni Ekapolon Akuj kus aseun aŋuna kus alotuŋa kus ekadwaran ece ŋolo ikikwaan ka ayoŋ, emaikina iyes kiwuapa ŋakiro a ekadwaran a ŋol.

Ŋikis. 18:15 Iomraidhean Croise

Osea 12:14

Etiyata ŋituŋa a Epuraim aronis ŋina ailiilon nooi, aŋun, ebuni Ekapolon kec akisican ikes aŋuna a ŋituŋa a ŋulu apotu ikes toara, isicani Ekapolon ikes aŋuna a ŋiyany kec.

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Ekim. 12:8

Erworo ayoŋ neni keŋ iteoi ŋireetin, ileerete ŋakiro, meere a ŋakitadapeta, ekete iŋes ayoŋ. “Kaanukiro nai pa ikeritotor iyes akirwor itoroniarito eketiyan kaŋ Moses?”

Mat. 17:5

Ani eriŋa Petero irworo, bu edou ŋolo akwaŋan kya, torapuwa ikes aribo kirworik etoil alodou ebala, “Erae lo Lokoku kaŋ ŋolo minat, ŋolo alelyania ayoŋ, topupo iŋes!”

Mat. 21:11

Toboŋokis ŋasepico a ŋituŋa temasi, “Erae ŋol ekadwaran, Yesu ŋolo a Nasaret anakwap a ŋina a Galileya.”

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Luk. 2:25

Ayai Yerusalem ekile ŋolo anyaritae Simeon. Arae iŋes ekile ŋolo eyookino ŋolo ainakina neni ka Akuj; edarit iŋes akoloŋit ŋina eiunere Isirael, nabo ayai Etau ŋolo Asegan neni keŋ.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Luk. 24:19

Tema Yesu iŋisi ikes, “Anukiro?” Toboŋokis ikes temasi, “Ŋakiro ŋuna etiyakin neni a Yesu a ŋolo a Nasaret. Arae iŋes kire ekadwaran ŋolo ka Akuj, ŋolo etiyae ŋakujuwuanisya, nabo etatami ŋakiro ŋuna apolok alokiŋaren Akuj ka alokiŋaren ŋituŋa.

Luk. 7:16

Totaaŋaŋa ŋituŋa daadaŋ kitopoloosi Akuj temasi alokabule kec, “Kedolu ekadwaran ŋolo apolon kidiŋ yok. Abu Akuj aiun ŋituŋa keŋ!”

Luk. 9:35

Kirworik etoil alodou tema, “Erae lo Lokoku kaŋ ŋoloseuna; topupo iŋes!”

Yoa. 1:21

Kiŋita nai ikes iŋes temasi, “Ŋae nai iyoŋ? Eliya a?” Toboŋok Yoana ikes tema, “Meere.” Kiŋita nabo temasi, “Irae iyoŋ ekadwaran a?” Toboŋok iŋes tema, “Meere.”

Yoa. 1:25

“Kaanukiro nai ibatisaa iyoŋ ŋituŋa, erae pa kirae iyoŋ Kristo, Eliya kori ekadwaran?”

Yoa. 1:45

Kiryamunos nai Pilipo ka Nasaniel, tolimok Pilipo iŋes tema, “Ikiryamu isua iŋes ŋolo egirit Moses ŋakiro keŋ Lokisila, ŋolo daŋ igirito ŋikadwarak ŋakiro keŋ. Erae iŋes Yesu ŋolo a Nasaret, lokoku a Yosepu.”

Yoa. 4:19

Tolimok aberu iŋes tema, “Ekapolon, aanyu ayoŋ atemar irae iyoŋ ekadwaran.

Yoa. 6:29

Toboŋok nai Yesu ikes tema, “Etic ŋolo ka Akuj iŋes lo: itemokino tonupa ŋolo iyakuunit iŋes.”

Yoa. 9:17

Kiŋita nabo Ŋiparisayon ekile ŋol temasi, “Itami tokona iyoŋ atemar ŋae ekile ŋolo ikitekienyuni iyoŋ?” Toboŋok iŋes tema, “Erae iŋes ekadwaran.”

Ŋitic. 7:37

Arae lo Moses ŋolo alimokini Ŋisirael tema, ‘Iyakuuni Akuj neni kus ekadwaran ŋolo ikoni ayoŋ, ebuni iŋes alokidiŋ kus pei.’

Ŋikis. 34:10

Mam nabo apaki ace ŋina ayakar ekadwaran Isirael ŋolo ekoni Moses ŋolo abu kirworo ka Ekapolon iteosi.

Ŋikis. 5:5

(Apaki ŋin awoi ayoŋ alokidiŋ Ekapolon ka iyes alimokin iyes ŋakiro ŋuna erworo Ekapolon, anerae ikuryaka iyes aŋuna ka arira ka nyeloto iyes kidiama emoru.”) Tolimu Ekapolon tema,

1 Tim. 2:5

Anerae eyai Akuj apei bon ka eyai epei bon ŋolo erae ekemorikinan Akuj ka ŋituŋa; ituŋanan ŋin, iŋes Yesu Kristo.

1 Yoa. 3:23

Akiciket ŋina ka Akuj iŋes na ebe, itemokino iwon onupa alokiro a Lokoku keŋ, Yesu Kristo ka ominin make, ikwapei ikicikakinitor iŋes iwon.