Ŋikis. 18:10 - Ebaibul

¹⁰ Nyeryamun alokidiŋ kus ituŋanan ŋini eari lokoku keŋ, kori nakoku keŋ erae amuronot ŋina epeyo, kori nyeyakaun kidiŋ kus ŋimurok, ŋikadwarak ŋakiro, kori ŋikelamak, kori ŋikekukujak,

Ŋikis. 18:10 Iomraidhean Croise

Akisy. 44:5

Meere mono ekopo emasya ekapolon kaŋ lo a? Meere iŋes isitiyae ekapolon adwarya ŋakiro a? Etiyae iyes ŋuna nyiyookino aŋuna itiyaata nu.’ ”

2 Ŋirw. 16:3

nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋirw. 17:15

Apotu tojamuwasi ŋikisila a Ekapolon ka acamunet ŋina acamunotor iŋes ka atapapaa kec ta ŋakiyayanakineta ŋuna aris kisiirar ikes. Kiwuapa ikes ŋakujo ŋuna koŋinae toruworos ikes ŋikoŋinae. Kiwuapa ikes ŋipitesyo a ŋituŋa a ŋulu ebakito ka ikes, a ŋulu aris Ekapolon Akuj kicik ikes nyiwuap ŋipitesyo kec.

2 Ŋirw. 17:17

Esitoreneneete ikes ŋisapa kec ka ŋapesur kidiŋ akim. Elamilamete ikes ka ekukujaete, nabo agyelanarosi aŋuna ka akitiya aronis alo kiŋaren Ekapolon, aŋun apotu ikes kitoŋoa Ekapolon.

2 Ŋirw. 21:6

Toar lokoku keŋ tope erae amuronot. Adwarenene iŋes, nabo torae emuron; alosenene lomurok ka lolilae. Tosec iŋes nooi aneni ke Ekapolon kitoŋo iŋes Ekapolon.

2 Ŋirw. 23:24

Abu Yosia tolema ŋimurok, ŋikapilak, ŋakujo ŋuna a ŋikalya ŋuna ayeunitae ta asiilio daadaŋ ŋina ayai nakwap a Yudaya ka Yerusalem. Abu Yosia kitiya ŋun, ikotere isiyookini ŋuna a ŋikisila a ŋulu egiritae lokitaabo ŋolo abu Ilikia esacaradoti torukau alotooma Akai ke Ekapolon.

1 Ŋakiro a ŋirwa 10:13

Abu Saul totwana, anerae pa ekinyomit iŋes Akuj; pa ewuapit iŋes ŋakiro ŋuna ke Ekapolon, abu daŋ tolot neni a ŋimurok aanyun ŋuna kitiyakina.

2 Ŋakiro a ŋirwa 28:3

ya tope ŋainakineta a nakadipaalat aŋina enyaritae ŋina alokoku a Inom. Abu tari kisitor ŋidwe keŋ ŋulusapa kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋakiro a ŋirwa 33:6

Abu Manase kimasak nakim lokoku keŋ erae amuronot anakadipaalat a ŋina a Ben-Inom. Adwarenene iŋes, nabo torae ekekukujan, ekapilan ka eeki ŋililae. Tosec iŋes nooi neni ke Ekapolon, kitoŋo Ekapolon.

Awos. 22:17

Nai ani keŋer papa ka apese a ŋin ituŋanan ŋin, emaikina ituŋanan ŋin tolemu ibore ŋinipei sek etya ŋini iisere ŋapesur.

Awos. 22:18

“Nyemaikina iyes kimyekis ŋakekukujak eyarete.

Isa. 47:13

Ikiup iyes akiŋitanar ŋakiro ŋuna emaikina kitiyata, emaikina ŋulu eyenete epite ŋolo eyakatar ŋisubuna ŋulu alokidiama towua aŋuna ka iun iyes, emaikina ŋulu eripiripiyete epite ŋolo eyakatar ŋikacer ka ŋolo eyakar ŋololap elomuni todwara aŋuna kus ŋuna itiyakin neni kus.

Yer. 27:10

anerae edwarete ikes alyokonu neni kus, ŋuna ikilemarete iyes anakwap kus, ekeritari ayoŋ iyes anakwap kus, ido tomunyaros.

Yer. 27:9

Aŋun, nyemaikina iyes kiirasi ŋakiro ŋuna irworosi ŋikadwarak kus, ŋimurok kus, ŋikerujak kus, ŋituŋa kus ŋulu irworosi ŋuna eponito, ŋikekukujak kus ŋulu ebasi neni kus ebe ‘Nyitiyanakis erwosit a Babilon,’

Yer. 32:35

Apotu ikes toduko ŋakiboisyo ŋuna aoyak ŋuna ilipere neni a Baal nakadipaalat alokoku a Inom, ikotere einanakiniata ŋidwe kec ŋulusapa ka ŋulupesur neni a Molek, tari daŋ pa kalimokinit ayoŋ ikes akitiya ŋun, nyepena tari ŋakiro ŋun natameta kaŋ atemar kitiyata ikes ŋiticisyo ŋulu ka asiilyo ŋul, ŋulu apotu kiteseca ŋituŋa a Yudaya.

Yer. 7:31

Tosodi erubakinito ikes edukete namuroet ŋina enyaritae Topes ŋina eyai nakadipaalat a lokoku a Inom, aŋuna ka apeyo ŋidwe kec ŋulusapa ka ŋulupesur anakim, erae ŋun ŋakiro ŋuna pa ecikit ayoŋ ikes akitiya, kori amam jik ŋakiro ŋun anatameta kaŋ.

Ŋilep. 19:26

“‘Nyinyama akiriŋ a ityaŋ, kori a ibarasit a ŋini nyeŋolitae toitasi ŋaokot. Nyemaikina iyes toruworos ŋimurok, kori ŋikekukujak.

Ŋilep. 19:31

“‘Nyilot neni a ŋimurok kori nyiwara ŋililae aŋuna ka akitumunaar ikes. Arae ayoŋ Ekapolon Akuj kus.

Ŋilep. 20:6

“‘Ani kelot ituŋanan idio neni a ŋimurok ka neni a ŋililae amalaaniyar akiwuap ikes, aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ.

Mika 5:12

Amunaari ayoŋ ŋiboorei ŋulu inapito iyes itisibito eyakatar apedor, ekemyek iyes imamukatar ŋimurok.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Ŋitic. 19:19

Yaut ŋikalalak ŋulu sek arae ŋikekukujak ŋikitaaboi kec iwapei kicunyakis alokiŋaren ŋituŋa daadaŋ. Kimoriut ikes ebei ŋolo a ŋikitaaboi, todol daadaŋ ŋisilipae ŋalipyo ŋatomonikan.

Ŋitic. 8:9

Ayai lotaun ŋol ekile ŋolo anyaritae Simoni, ŋolo sek kitiyae ŋakikukujaeta, ŋolo kebu kituumok ŋituŋa ŋulu ka akwap a Samaria, etusubuna iŋes idiotuŋanan ŋini apolon.

Ŋigal. 5:20

akilip neni a ŋakujo, akikukuja, aremo, ebura, arorokanut, aŋoit, amarya, atyakatyaka aŋuna ka agelegelya a ŋatameta, atyakatyaka aŋuna a ŋatukon,

Ŋikis. 12:31

Nyemaikina iyes kitiyata ŋun neni ke Ekapolon a Akuj kus, anerae apotu ikes kitiyata neni a ŋakujo kec asiilyo daadaŋ ŋina eŋerit Ekapolon. Ewuanakinete ikes tari ŋidwe kec ŋulupesur ka ŋulusapa nakim aŋuna a ŋakujo kec.

1 Sam. 15:23

anerae ikwaan akiŋer Ekapolon ka asecit ŋina ka akikukuja. Ikwaan akituro ka aronis ŋina ilipere neni a ŋakujo. Aŋuna iŋerio iyoŋ akirot a Ekapolon, ikiŋer daŋ iŋes iyoŋ anaraakau erwosit.”

1 Sam. 28:3

Ani nai etwani Samuel, apotu Ŋisirael daadaŋ kigworo aŋuna keŋ, ido tonuka iŋes Rama, lotaun keŋ ke elope. Apaki ŋin, aris Saul kirita ŋimurok ka ŋulu a ŋililae anakwap a Isirael.

1 Sam. 28:7

Tema nai Saul neni a ŋiketiyak keŋ, “Kiwarakinae ayoŋ amuron adio, ikotere ayoŋ olot neni keŋ eŋit iŋes ŋuna emaikina ayoŋ etiya.” Temasi ŋiketiyak keŋ neni a Saul, “Eyai amuron En-Dor.”

1 Sam. 28:8

Aŋun, abu Saul kitusubun meere erwosit, ido tonap ŋilowi ŋice, tolot En-Dor. Torukosi ka ŋikilyok ŋiarei. Todolut ikes nakwaare neni ayai amuron ŋin. Tema Saul neni ka amuron, “Kiŋit ŋililae itolimokis iyoŋ ŋadikiro aŋuna kaŋ, ido bu neni kaŋ ituŋanan ŋini akalimokini ayoŋ iyoŋ.”

1 Sam. 28:9

Tema aberu ŋin neni keŋ, “Kire jik, iyeni iyoŋ ŋuna abu Saul kitiya, epite ŋolo abunio iŋes kiritarya ŋimurok ka ŋulu a ŋililae anakwap a Isirael. Kaanukiro ikilokunitor iyoŋ ayoŋ icamitor ayaun atwanare neni kaŋ?”