Ŋikis. 17:5 - Ebaibul

⁵ emaikina nai iyes yaut ekile ŋol, kori aberu ŋin ŋina itiyat ŋakiro ŋuna eŋerit Akuj ŋun lopuke a etaun kus, tosodi emaikina iyes tocaka ekile ŋol, kori aberu ŋin a ŋamoru tari ŋina etwania.

Ŋikis. 17:5 Iomraidhean Croise

Yob 31:28

erae ŋun daŋ asecit ŋina emaikina ŋikatubok ekesicaniata ayoŋ, anerae itoodiunito ŋun atemar abu ayoŋ oŋer Akuj ŋina eyai kidiama.

Awos. 22:19

“Ituŋanan daadaŋ ŋini elosi akiryamanakin ka ŋibaren, emaikina toarae.

Ŋilep. 20:2

“Tolimok Ŋisirael ebe, ‘Esiraelit daadaŋ, kori igelaanot daadaŋ ŋini iboiyete ka Ŋisirael ŋini einakini ikoku keŋ idio neni a akuj a ŋina enyaritae Molek, emaikina ituŋanan ŋin toarae. Emaikina ŋituŋa daadaŋ tocaka iŋes a ŋamoru.’ ”

Ŋilep. 24:14

“Ya ekeyanyan ŋol kiŋa alomar; kimyek ŋituŋa daadaŋ ŋulu apupete ŋiyany keŋ kidokokis ŋakan kec nakou keŋ, ido ekaku, tocaka ŋituŋa daadaŋ ekile ŋol a ŋamoru.

Ŋilep. 24:16

Ituŋanan daadaŋ ŋini iyanyi ekiro ŋolo ke Ekapolon, emaikina toarae. Emaikina ŋituŋa daadaŋ tocaka iŋes a ŋamoru. Ituŋanan daadaŋ, kerae iŋes igelaanot, kori Esiraelit, ani kiyany iŋes ekiro ŋolo ke Ekapolon, emaikina toarae.

Ŋikis. 13:5

Nai emaikina toarae ŋikadwarak ka ŋikerujak ŋul ŋulu edwarete ŋakiro ŋuna eponito ŋul aŋuna erworotor ŋakiro ŋuna ka akiteŋer iyes Ekapolon Akuj kus ŋina ikiyauni iyes anakwap a Ijipit a ŋina ikilakunia iyes anapitoonut. Aŋun ilemarete iyes aronis alokidiŋ kus.

Ŋikis. 17:4

tosodi ani kikilimokin iyes, kori kiirasi iyes ŋakiro ŋun, kimimaut iyes ejok ŋakiro ŋun toryamut atemar itiyatae kire alo Isirael ŋakiro ŋuna eŋerit Akuj,

Ŋikis. 21:21

Ecakete nai ŋikilyok a etaun a ŋol iŋes a ŋamoru totwan. Aŋun, ilemarete iyes aronis alokidiŋ kus, ido iirarete Ŋisirael daadaŋ ŋakiro ŋun, tobul.

Ŋikis. 22:21

emaikina yaarae apese ŋin kiŋa epuke ŋolo a akai a papa keŋ, tosodi tocaka ŋikilyok a etaun iŋes a ŋamoru toara, anerae etiya iŋes ŋakiro ŋuna a ŋileec alo Isirael aŋuna abunio kiryamakinotor ka ekile eriŋa nyiita. Aŋun, ilemarete iyes aronis alotuŋa kus.

Ŋikis. 22:24

emaikina iyes yaut ikes daadaŋ ŋiarei lopuke ŋolo ke etaun a ŋol, tocaka ikes a ŋamoru toara. Earyo apese, anerae abu iŋes nyiworou ikotere eiunete iŋes ŋituŋa a ŋulu ke etaun, earyo ekile, anerae abu iŋes kiryamakinos ka apese a ekidunyet keŋ. Aŋun, ilemarete iyes aronis alokidiŋ kus.

Yos. 7:25

Abu Yosua tema, “Kaanukiro ikiinakinia iyoŋ isua ŋican? Ikisicani Ekapolon Akuj iyoŋ nakoloŋit na.” Kiruwakis Ŋisirael daadaŋ Akan ka ŋituŋa keŋ a ŋamoru, tocakae ikes ka ŋibaren kec, tosodi kicunyakinae.

Ŋikat. 6:31

Nai tolimok Yoas ŋituŋa ŋulu acunakina ŋulu aŋoikinito iŋes tema, “Iriito mono iyes neni a Baal a? Icamito iyes aikin iŋes a? Ituŋanan daadaŋ ŋini eriit neni a Baal, emaikina toarae iŋes eriŋa nyiwalara akwap. Ani kerae iŋes akuj kimyekisi iŋes toiun bon aŋuna amunaarere namuroet keŋ.”