Ŋikis. 17:20 - Ebaibul

²⁰ nyitopoloor bon alokiŋaren ŋituŋa ŋuluce, kori nyeŋer akiwuapit ŋakiciketa ŋuna ke Ekapolon, ikotere nai iŋes ka ŋiletok keŋ ipukaete apaki ŋina aoyan alo Isirael.

Ŋikis. 17:20 Iomraidhean Croise

2 Sam. 22:23

Ewuapit ayoŋ ŋikisila keŋ daadaŋ, mam nyimyekina ayoŋ ŋakiro ŋuna atubunit iŋes.

1 Ŋirw. 11:34

Kikote neni daŋ, nyalemari ayoŋ apukan daadaŋ anakan keŋ, nai emyekini ayoŋ iŋes kipuka ŋirwa daadaŋ ŋulu eyarya iŋes. Itiyakin ŋun ŋuna a eketiyan kaŋ a Daudi a ŋolo abu ayoŋ oseu, ido abu kiwuap ŋakiciketa kaŋ ka ŋuna atubunit ayoŋ.

1 Ŋirw. 11:36

Nai ainakini ayoŋ lokoku keŋ, ekabila epei, ikotere nai erubakinete ŋituŋa a eketiyan kaŋ a Daudi eyakasi kiŋaren kaŋ alo Yerusalem, alotaun a ŋolo aseu ayoŋ toyakaun ekiro kaŋ.

1 Ŋirw. 15:3

Abu Abiyam kitiya aronis daadaŋ ŋina sek etiyato papa keŋ pa eyookino etau keŋ aneni ke Ekapolon ka Akuj keŋ, pa ekoni etau keŋ ŋolo a Daudi a papaa keŋ.

1 Ŋirw. 15:5

Arae ŋun aŋuna abunio Daudi toruwor ŋolo eyookino alokiŋaren Ekapolon, ido nyimyekina iŋes akiwuap adio a ŋakiciketa ke Ekapolon ŋirwa daadaŋ ŋulu ka akiyar keŋ, mati ŋuna ka atwanare a Uria bon a ŋolo arae Eitait.

1 Ŋirw. 2:3

kiwuap ŋuna ikicik Ekapolon Akuj kon, tolosi alorotin keŋ ka kiwuap ŋikisila keŋ, ŋakiciketa keŋ ka ŋuna etubunit iŋes ka ŋakiteyenikineta keŋ, lopite ŋolo igiritere Lokisila a Moses, ikotere nai irereŋier iyoŋ anakiro a daadaŋ a ŋuna itiyae iyoŋ ka aneni daadaŋ ilosi iyoŋ.

2 Ŋirw. 10:30

Abu Ekapolon tolimok Yeu tema, “Aŋuna itiyakinia iyoŋ ŋuna ajokak aneni kaŋ, aŋuna ibunio toarya ŋidwe ka Aab ŋulusapa lopite ŋolo ekecikitor ayoŋ iyoŋ, eruworosi ŋiletok kon ŋikepukak a Isirael akitodol anyamet ŋina a ŋaomwon.”

2 Ŋirw. 14:10

Idau kire iyoŋ akiloun ŋituŋa a Edom, ido iturokin. Kimomwor aŋuna ilounia iyoŋ, nai kiboikin lore kon! Kaanukiro iwaritor iyoŋ egurigur ŋolo ikicakari iyoŋ kaapei ka ŋituŋa kon alo Yudaya?”

2 Ŋakiro a ŋirwa 25:19

Itami iyoŋ alotau kon ebe, ‘Kiŋolikinae ayoŋ, adau ayoŋ akiloun ŋituŋa a Edom,’ ido iturokin. Kiboikin lore kon! Kaanukiro iwaritor iyoŋ egurigur ŋolo ikicakari iyoŋ kaapei ka ŋituŋa kon alo Yudaya?”

2 Ŋakiro a ŋirwa 26:16

Ani eyenuni Usia atemar agogoŋior, abu kiturokin, ido abu akiturokin keŋ inak iŋes aruwor ekoŋinait. Abu iŋes toŋer akikinyomit neni ke Ekapolon Akuj keŋ, abu toloma Kai ka Akuj akicuny ekinyate a Namuroet a ŋina ecunyeneneere ekinyate.

2 Ŋakiro a ŋirwa 33:12

Ani eyakaun Manase locan ŋul, abu kiwar ajokis ŋina a Ekapolon Akuj keŋ, kitiditeun bon nooi aneni ka Akuj atapapaa keŋ.

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

2 Ŋakiro a ŋirwa 33:23

Abu Amon nyitiditeun bon aneni ke Ekapolon ikwa papa keŋ, abu kitalala asecit keŋ.

2 Ŋakiro a ŋirwa 34:27

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

Ŋikiru. 119:102

Nyimyekina ayoŋ ŋikisila kon, anerae iyoŋ elope idau akitatam ayoŋ.

Ŋikiru. 132:12

Ani kiwuap ŋidwe kon ŋulusapa acamunet kaŋ ka ŋakiro kaŋ ŋuna alosi ayoŋ akitatam ikes, ŋidwe kec daŋ ŋulusapa ipukaete erae ŋirwosi ŋikaru ka ŋikaru.”

Ŋikiru. 19:11

Akainakinito ikes ayoŋ eketiyan kon acoikinit ŋakiro; aryamuni ayoŋ eropit ŋolo apolon nooi anakiwuapit ikes.

Ŋakit. 10:27

Kitopoloorite Ekapolon, ido itooyaryo ŋirwa ŋulu ka akiyar kon, nai euruwuakunete ŋirwa ŋulu ka akiyar a ituŋanan a ŋini aronon.

Ŋakit. 27:24

anerae nyerae ebari ŋolo a ŋikaru ka ŋikaru, ido nyerubakini ebokot ŋolo ikitopolooritere iyoŋ eyai ŋanyameta ka ŋanyameta.

Ekal. 8:13

Nai nyejoketa ŋakiro aneni a ŋulu aronok, nyepedorete ikes tari akiyatakin ŋirwa ŋulu ka akiyar kec lopite ŋolo epedorya etolim aoyaar. Erae ŋun aŋuna nyitopolooritotor ikes Akuj.

Isa. 2:12

Eyakar Ekapolon ŋolo etiron akoloŋit aŋuna a ŋulu iturosi ka aŋuna a ŋulu itopolooro; ta aŋuna a ŋinibore a daadaŋ ituritoe,

Abak. 2:4

Ŋakiro ŋun ikes nu, ‘Nyeyarete ŋulu itiyaete aronis, nai eyarete ŋulu iyookino, anerae ikinyomito Akuj.’ ”

2 Ŋikor. 12:7

Aŋuna ka akiretakin ayoŋ nyeturo, aŋuna ka alalau a ŋakitoodikineta, aponi okoinakin ayoŋ apipilu ŋina ikoni aremot ŋina ke ekukwae, apipilu ŋina erae Satan iyakuunit, akisican ka akiretakin ayoŋ nyeturo.

Ŋikis. 12:25

Nyinyama jik ŋaokot, ikotere iyakaunosi emam ŋace, iyes kaapei ka ŋidwe kus ŋulu epote ekaku kus, anerae ipotu iyes kitiyata ŋuna iyookino alokiŋaren Ekapolon.

Ŋikis. 12:28

Tocoikisi akiwuap ŋakiro ŋun daadaŋ ŋuna adau ayoŋ alimokin iyes, ikotere emamukaun ŋace ŋikaru ka ŋikaru aneni kus ka aneni a ŋidwe kus a ŋulu epote ekaku kus, anerae ipotu iyes kitiyata ŋuna ajokak ŋuna iyookino alokiŋaren Ekapolon Akuj kus.

Ŋikis. 12:32

Emaikina iyes kiwuapa ejok ŋakiro daadaŋ ŋuna ekecik ayoŋ iyes akitiya, nyiyatakis akirot adio nakiro ŋun, kori nyilemasi adio.

Ŋikis. 17:11

Emaikina iyes kiwuapa ŋakiro daadaŋ ŋuna a ekisil ŋuna ikisileerekinete ikes iyes, kori ŋakiro daadaŋ ŋuna ikilimokinete ikes iyes akitiya, nyiesikis akitiya ŋuna ikilimokinete ikes iyes.

Ŋikis. 4:2

Nyemaikina iyes kiyatakis ŋakiro ŋadi nakiro ŋuna ekecik ayoŋ iyes, kori tolemasi ŋakiro ŋadi anakiro a ŋun, nai kiwuapa ŋakiciketa a Ekapolon Akuj kus, ŋuna tokona ekeciki ayoŋ iyes.

Ŋikis. 5:32

Aŋun, emaikina iyes pa iŋayaŋayato, kitiya lopite ŋolo adaunia Ekapolon Akuj kus alimun, nyimyekis akitiya ŋuna iyookino alokiŋaren Ekapolon.

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”

1 Sam. 10:25

Tolimok nai Samuel ŋituŋa ŋakiro ka arwosiyo ŋuna itemokino kiwuapae ka kitiyae. Kigirak Samuel ŋakiro ŋun lokitaabo, ido ya ekitaabo kiwuak neni etaletoi. Tolimok nai ŋituŋa daadaŋ toboŋosi lorerya kec.

1 Sam. 15:23

anerae ikwaan akiŋer Ekapolon ka asecit ŋina ka akikukuja. Ikwaan akituro ka aronis ŋina ilipere neni a ŋakujo. Aŋuna iŋerio iyoŋ akirot a Ekapolon, ikiŋer daŋ iŋes iyoŋ anaraakau erwosit.”