Ŋikis. 17:2 - Ebaibul

² Ani keryamun aneni kus idiotuŋanan ekile, kori aberu alotaun kus a edio a ŋulu ikiinakini iyes Ekapolon Akuj kus, ŋini itiyae ŋuna aronok alokiŋaren Ekapolon Akuj kus ka nyiricak ŋuna ka acamunet,

Ŋikis. 17:2 Iomraidhean Croise

2 Ŋirw. 18:12

Etiyakinosi ŋakiro ŋun, anerae apotu Ŋisirael towout akiirar ŋakiro ke Ekapolon Akuj kec. Toŋero akiwap acamunet keŋ. Ŋakiro daadaŋ ŋuna aris Moses eketiyan ŋolo ke Ekapolon kicikak ikes, apotu ikes towout akiirar, kori akiwuap.

2 Ŋirw. 21:3

Abu iŋes toduku nabo ŋakiboisyo nenimukur ŋuna koloŋ abwaŋabwaŋaari papa keŋ Esekia, ŋuna arae ŋakilipet ŋakujo. Toduku iŋes ŋamuroeta ŋuna ilipere Baal. Kitiyau iŋes etorube a akuj a ŋinaberu a ŋina anyaritae Asera, lopite ŋolo koloŋ etiyaa erwosit Aab ŋolo a Ŋisirael. Kilip Manase tari neni a ŋikacer ka abu kitiya aŋuna kec.

Yob 31:28

erae ŋun daŋ asecit ŋina emaikina ŋikatubok ekesicaniata ayoŋ, anerae itoodiunito ŋun atemar abu ayoŋ oŋer Akuj ŋina eyai kidiama.

Awos. 22:19

“Ituŋanan daadaŋ ŋini elosi akiryamanakin ka ŋibaren, emaikina toarae.

Awos. 22:20

“Ituŋanan daadaŋ ŋini einakini amuronot keŋ neni ka akuj ka ace akilo Ekapolon bon, emaikina toarae.

Yer. 31:32

Nyikwaanikin acamunet ŋin ka ŋina ikicamunor ayoŋ ka atapapaa kec apaki ŋina arikunio ayoŋ ikes a akan kaŋ anakwap a Ijipit, acamunet ŋina apotu ikes toŋero tari ŋina araakar ayoŋ Ekapolon kec.

Yer. 34:18

Ani eruwor ŋulu apotu toŋero acamunet kaŋ ka nyiwuapa ŋakiro ŋuna ka acamunet a ŋina apotu ikes tocamunotor alokiŋaren kaŋ, esikwaanikini ayoŋ ikes ka itaok ŋini etubete ikes alokidiŋ, ido kitoro ikes kidiŋ ŋatutubeta a etaok a ŋin,

Esek. 16:38

Akatubokini ayoŋ iyoŋ lopite ŋolo etubonokinere ŋaberu ŋuna elomito ka ŋuna adaut akiar ŋituŋa. Ayauni ayoŋ ananyunyura ka analilit kaŋ anyaŋan neni kon okoar iyoŋ.

Osea 6:7

Nai apotu ikes toŋero Acamunet kaŋ alo Adam, apotu ikes kitiyata neni kaŋ a nen emam akikinyoma.

Osea 8:1

Iyes ŋulu iyokiyete ŋituŋa a Ekapolon, tokutakisi ŋabureryaŋae. Abu emoit lotuŋa ŋulu ke Ekapolon iuwuauna esibit egole, anerae nyiwuapa ikes Acamunet kaŋ ka ikes, ka abila ŋikisila kaŋ.

Ŋilep. 20:2

“Tolimok Ŋisirael ebe, ‘Esiraelit daadaŋ, kori igelaanot daadaŋ ŋini iboiyete ka Ŋisirael ŋini einakini ikoku keŋ idio neni a akuj a ŋina enyaritae Molek, emaikina ituŋanan ŋin toarae. Emaikina ŋituŋa daadaŋ tocaka iŋes a ŋamoru.’ ”

Ŋilep. 26:15

ka ani pa kiwuap iyes ŋakiro kaŋ ŋuna atubunit ayoŋ ka kiŋero ŋikisila kaŋ, ido tojoŋoto akiwuapit ŋakiciketa kaŋ daadaŋ, ka toŋero acamunet kaŋ,

Ŋilep. 26:25

Emyekini ayoŋ ŋimoe kus itoar iyes aŋuna imyekiniata iyes acamunet kaŋ ka iyes. Ani kiema iyes tolomasi lotaunio kus, ayauni ayoŋ edeke neni kus, kitiditeu ekimar kus ikilout ŋimoe kus.

Ŋikis. 17:5

emaikina nai iyes yaut ekile ŋol, kori aberu ŋin ŋina itiyat ŋakiro ŋuna eŋerit Akuj ŋun lopuke a etaun kus, tosodi emaikina iyes tocaka ekile ŋol, kori aberu ŋin a ŋamoru tari ŋina etwania.

Ŋikis. 29:18

Acepaki eyai kidiŋ kus ekile, kori aberu, kori ekal, kori ekabila, ŋolo ebatar etau keŋ anakiwuapit Ekapolon Akuj yok aŋuna ka akitiyanakin ŋakujo a ŋituŋa a ŋul. Nyemaikina eyai kidiŋ kus ituŋanan ŋini ikokini ekitoe ŋolo eyai adwaris, ido yau ŋican.

Ŋikis. 29:25

Iboŋokinete ikes ŋakiŋiseta ŋun temasi, ‘Erae ŋun anerae apotu ikes toŋero acamunet ŋina ke Ekapolon Akuj atapapaa kec, acamunet ŋina abu iŋes tocamunotor ka ikes apaki ŋina ayaunia iŋes ikes anakwap a Ijipit.

Ŋikis. 31:20

Ani kadau ayoŋ ayaun ikes nakwap ŋina eleleata ŋakile ka ao, nakwap ŋina abu ayoŋ eik anakikoŋ neni atapapaa kec ka ani kedaut ikes akimuj kimwoko ka totuma, akaŋerete ikes ayoŋ, ido kitiyanakis ŋakujo ŋace, okojamuwasi ayoŋ ka nyiwuapa acamunet kaŋ.

Ŋikis. 4:23

Aŋun, tocoikinito nai, nyikimuryak acamunet ŋina ipotu iyes tocamunotor ka Ekapolon, nyitiyaut aŋuna kus etorube a akuj eyakar ŋasima a idiobore, awou Ekapolon Akuj kus iyes akitiya ŋun,

Ŋibur. 10:28

Ituŋanan daadaŋ ŋini abil Ŋikisila a Moses, earyo emam akisyon, erae kelimut ŋisuudae ŋiarei kori ŋiuni atemar esecit iŋes.

Yos. 23:16

Ani kiŋero iyes Acamunet ŋina a Ekapolon a ŋolo erae Akuj kus, Acamunet ŋina adau iŋes alimokin iyes akiwuap, kori kitiyanakis iyes ŋakujo ŋace, toryediko kilipa neni kec, ikiŋoikini nai iyes Ekapolon, itomunya iyes anakwap a na a ŋina ajokan a ŋina adau iŋes ainakin iyes.”

Yos. 7:11

Aseca Ŋisirael! Abila ikes ŋuna abu ayoŋ ecik ikes atemar, kirica. Alemasi ikes ŋiboro ŋice ŋulu amaikina kinyasunae. Akokoiyasi ikes ŋiboro ŋul, nabo emunoniasi emorikis ka ŋiboro kec.

Yos. 7:15

Ani nai ŋini eseunio toryamunae eyakar ŋiboro ŋulu icenen, eponio akicunyakin iŋes ka ŋiboro keŋ daadaŋ kaapei ka ŋituŋa keŋ, anerae abil iŋes Acamunet ŋina ke Ekapolon ka nabo etiya ŋuna a ŋileec nooi alo Isirael.”

Ŋikat. 2:20

Aŋun, abu Ekapolon toŋoik ikes, tosodi tema, “Aŋuna aŋeryoto ŋituŋa lu acamunet kaŋ ŋina abu ayoŋ ecik atapapaa kec akiwuap ka aŋuna aŋeryoto akiwuap ŋakiro kaŋ,

Ŋikat. 6:31

Nai tolimok Yoas ŋituŋa ŋulu acunakina ŋulu aŋoikinito iŋes tema, “Iriito mono iyes neni a Baal a? Icamito iyes aikin iŋes a? Ituŋanan daadaŋ ŋini eriit neni a Baal, emaikina toarae iŋes eriŋa nyiwalara akwap. Ani kerae iŋes akuj kimyekisi iŋes toiun bon aŋuna amunaarere namuroet keŋ.”