Ŋikis. 17:19 - Ebaibul

¹⁹ Idoŋi ekitaabo ŋol neni keŋ, tosyomenene iŋes ŋirwa daadaŋ ŋulu ka akiyar keŋ, ikotere eyenuni akitopoloorit Ekapolon Akuj keŋ, iwuapit ejok ŋikisila ŋul ka ŋakiro ŋuna etubunitoe,

Ŋikis. 17:19 Iomraidhean Croise

2 Ŋirw. 22:10

Tolimok nai Sapan ekegirigiran erwosit tema, “Akainaki ayoŋ esacaradoti Ilikia ŋolo apolon ekitaabo.” Tosyom nai Sapan ekitaabo ŋol alokiŋaren erwosit.

Ŋikiru. 1:2

akilo ŋun, elelyanete ikes anakiwuapit ŋikisila ŋulu ke Ekapolon, ido etamatamaete ikes ŋikisila ŋul naparan ka nakwaare.

Yoa. 5:39

Isyomete iyes Ŋakigireta ibasi kori iryamunete akiyar ŋina nyedaun alotooma kec, torae bo ŋakiro ŋuna akayenunere ayoŋ ikes igiritae Nakigireta ŋunapei ŋun!

Ŋikis. 11:18

Emaikina iyes kirica ŋakiro kaŋ ŋun alotai kus ka anakiyar kus, emaikina iyes tonapa ikes alokeperin kus erae emacar ka toenianakis loreetin kus.

Ŋikis. 4:10

Totamunito epite ŋolo koloŋ iwuatar iyes alokiŋaren Ekapolon Akuj kus alo Oreb, apaki ŋina akalimokinia iŋes ayoŋ ebe, “Tocunak ŋituŋa aŋuna kaŋ, olimok ayoŋ ikes ŋakiro kaŋ, ikotere ayenunete akitopoloorit ayoŋ ŋirwa daadaŋ ŋulu eyariata ikes anakwap ka topedosi akitatam ŋidwe kec ŋakiro ŋun.”

Ŋikis. 4:9

Nai tocoikinito ka kiricunito akiyar kus, ikotere ŋuna iŋolikis iyes a ŋakonyen kus, nyikimuryakis, kori nyebucar anatameta kus ŋirwa daadaŋ ŋulu ka akiyar kus, kiteyenikisi ŋidwe kus ka ŋidwe a ŋidwe kus.

Ŋikis. 5:1

Tonyarau Moses Ŋisirael daadaŋ, tosodi tolimok ikes tema, “Okoe Ŋisirael kiirasi ŋakiro ŋuna etubunitoe ka ŋikisila ŋulu akalimokini ayoŋ iyes nakoloŋit na, emaikina iyes toyenut ka kiwuapa ejok inakina.

Yos. 1:8

Kiricakinite asyomenen apaki ŋina ilipyata iyes ŋuna igiritae lokitaabo ŋolo a Ŋikisila, toruwor ikes itami iyoŋ apaaran ka akuwar, ikotere imukekini akiwuapit ŋuna daadaŋ igiritae lokitaabo ŋol. Alopite a ŋol, erereŋior erot kon, topedo akitiya ŋuna ilosikinit.