Ŋikis. 17:18 - Ebaibul

¹⁸ Ani isiboikinio iŋes lokicoloŋ akipuka, emaikina iŋes toyakar ekitaabo ŋolo igiritae ŋikisila ŋulu kigiryo aŋuna keŋ toyakas ŋisacaradotin ŋulu erae ŋilepi.

Ŋikis. 17:18 Iomraidhean Croise

1 Ŋirw. 2:3

kiwuap ŋuna ikicik Ekapolon Akuj kon, tolosi alorotin keŋ ka kiwuap ŋikisila keŋ, ŋakiciketa keŋ ka ŋuna etubunit iŋes ka ŋakiteyenikineta keŋ, lopite ŋolo igiritere Lokisila a Moses, ikotere nai irereŋier iyoŋ anakiro a daadaŋ a ŋuna itiyae iyoŋ ka aneni daadaŋ ilosi iyoŋ.

2 Ŋirw. 11:12

Yau nai Yeoida esacaradoti, lokoku a erwosit kiŋa, kitanap ebokot, inak ŋakiro ŋuna ka acamunet aruwor erwosit, temasi ŋituŋa, “ Erae iŋes erwosit, ” Kedaut alimun kiosae Yoas a akimyet. Toramakis ŋituŋa ŋakan kec, tocelut temasi, “Ikigasi isua torubak erwosit eyari!”

2 Ŋirw. 22:8

Abu Ilikia esacaradoti ŋolo apolon nooi tolimok Sapan ekegirigiran tema, “Arukau ayoŋ Ekitaabo ŋolo a Ŋikisila alotooma Akai ka Akuj.” Ani einakini Ilikia ekitaabo ŋol neni a Sapan, abu Sapan tosyom iŋes.

2 Ŋakiro a ŋirwa 34:15

Tema Ilikia neni a Sapan a ekegirigiran, “Arukau ayoŋ ekitaabo ŋolo a Ŋikisila alotooma Akai ka Akuj.” Inak Ilikia ekitaabo ŋol neni a Sapan.

Ŋikis. 31:9

Abu nai Moses kigir ŋikisila ŋul, ido inak neni a ŋisacaradotin, neni a ŋidwe a Lepi a ŋulu aryoŋito Asaduku ŋina ka Acamunet ke Ekapolon ka neni a ŋikasikou a Ŋisirael daadaŋ.

Yos. 1:8

Kiricakinite asyomenen apaki ŋina ilipyata iyes ŋuna igiritae lokitaabo ŋolo a Ŋikisila, toruwor ikes itami iyoŋ apaaran ka akuwar, ikotere imukekini akiwuapit ŋuna daadaŋ igiritae lokitaabo ŋol. Alopite a ŋol, erereŋior erot kon, topedo akitiya ŋuna ilosikinit.