Ŋikis. 17:12 - Ebaibul

¹² Ani ŋini nyecamuni akitiya ŋuna etubuni esacaradoti ŋolo eseunitae akitiya neni ke Ekapolon a Akuj kus, kori ŋuna a ekatubon ŋakiro, emaikina ituŋanan ŋin toarae. Aŋun, ilemarete iyes aronis alo Isirael.

Ŋikis. 17:12 Iomraidhean Croise

Esir 10:8

ka atemar ituŋanan ŋini nyebuni Yerusalem alotooma ŋirwa ŋiuni, lopite ŋolo atubunitotor ŋikapolok ka ŋikasikou emaikina todemarae iŋes ŋiboro keŋ daadaŋ, ido nyimarakinio nabo iŋes lotuŋa ŋulu aboŋunete aneni arikoritae.

Ŋikiru. 19:13

Kiuryarae daŋ ayoŋ eketiyan kon anakiredanakin asecenen; ekelipit kiurya nyekepukata ayoŋ ŋasecisya; ikotere oruwor ayoŋ ŋolo emam ŋuna eketoronitere, ŋolo nyabilit ŋikisila ŋulu alalak nooi.

Ŋakit. 21:11

Ani isicanio ituŋanan ŋini sek ejamuwarit ŋuluce, eosyokioto ŋibaŋaanotin ejoŋoete akitiya ŋuna ka abaŋao, ani kitatami ituŋanan ŋini sek eos, iatakin aosou aneni keŋ.

Osea 4:4

Kikote neni daŋ nyemaikina idiotuŋanan yau asitan, nyisitak idiotuŋanan ŋinice, anerae ekesitakinit ayoŋ iyes, okoe ŋisacaradotin.

Sakar 3:7

“Ŋakiro ŋuna ebala Ekapolon ŋolo Etiron ikes nu ebe, ‘Ani kiwuap iyoŋ ŋikisila kaŋ, ido kitiya ŋiticisyo ŋulu akainak ayoŋ iyoŋ, ipedori iyoŋ apolokin akai kaŋ ka ŋalapatui ŋuna alo kiŋa akai kaŋ, akainakini ayoŋ iyoŋ apedor ŋina irukyoto kaapei ka ŋulu ewuasi a ne.

Ekim. 15:30

Nai ituŋanan daadaŋ ŋini iredakini akisec, kerae Esiraelit, kori igelaanot, adau akiyany Ekapolon, aŋun etyakaryo iŋes alotuŋa.

Ekim. 15:31

Aŋuna ajamuwarya iŋes akirot ke Ekapolon ka aŋuna aŋeryo akiwuap akiciket keŋ, emaikina ituŋanan ŋin totyakarae jik alotuŋa, ido kidaŋidaŋ iŋes ekaile aŋuna ka asecit keŋ.’”

Mat. 10:14

Ani kemam ituŋanan ŋini ikijauni kori ŋini iirari ŋakiro kus, totwakisi apuwa ŋina a ŋakejen kus nen, apaki ŋina irotokinioto iyes alokai a ŋin kori alotaun a ŋol.

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Yoa. 12:48

Ŋinituŋanan akaŋeri ayoŋ, nyecamu ŋakiro kaŋ, eyakar iŋes ekatubon. Ŋakiro ŋuna erworo ayoŋ, ikes eruworosi ekatubon keŋ Akoloŋit ŋina esidyon.

Yoa. 20:23

Ituŋanan daadaŋ ŋini isyoniyete iyes ŋasecisya keŋ, isyoniyo, ituŋanan daadaŋ ŋini nyisyoniyete iyes ŋasecisya keŋ, nyisyoniyo.”

Ŋikis. 1:43

Tari ŋina akalimokinitor ayoŋ iyes ŋakiro ŋun, ipotu iyes nyicamut. Ipotu iyes toŋero ŋakiro ŋuna kicikit Ekapolon, ido ipotu toloto aŋuna kus, kitipeiyosi nakwap ŋina a ŋikamukumukui.

Ŋikis. 10:8

Apaki ŋin abu Ekapolon totyaka ekabila a Lepi aŋuna ke etic a ŋolo ka adakit Asaduku ŋina ka Acamunet ke Ekapolon ka aŋuna ke etic ŋolo ka akiwo alokiŋaren Ekapolon akitiyanakin iŋes ta aŋuna ke etic ŋolo ka akiterereŋ ŋituŋa alokiro ke Ekapolon. Tari tokona ŋiticisyo a ŋilepi ikes ŋul.

Ŋikis. 13:11

Iirarete nai Ŋisirael daadaŋ ŋakiro ŋun, ido tobul ka nyitiyae nabo ituŋanan ice aronis ŋina ikoni ŋin.

Ŋikis. 13:5

Nai emaikina toarae ŋikadwarak ka ŋikerujak ŋul ŋulu edwarete ŋakiro ŋuna eponito ŋul aŋuna erworotor ŋakiro ŋuna ka akiteŋer iyes Ekapolon Akuj kus ŋina ikiyauni iyes anakwap a Ijipit a ŋina ikilakunia iyes anapitoonut. Aŋun ilemarete iyes aronis alokidiŋ kus.

Ŋikis. 13:6

Ani kikicocoya iyoŋ ituŋanan anakimunono, tari kerae lokaato kon kori lokoku a toto kon, kori lokaapa kon, kori lokoku kon, kori nakoku kon, kori aberu kon ŋina imina iyoŋ nooi, kori ekone kon ŋolo imina iyoŋ nooi, ikilimok iyoŋ tema, “Oloto elipa neni a ŋakujo,” (ŋakujo ŋuna nyeyenuna iyoŋ, kori atapapaa kon,

Ŋikis. 17:13

Iirarete ŋituŋa daadaŋ ŋakiro ŋun tobul, tosodi nyitiyaete nabo ikes ŋakiro ŋun iredakinito.

Ŋikis. 17:7

Ŋisuudae ikes egeunete akicak ituŋanan ŋini etubokinitae atwanare, ani ekaku tocaka ŋituŋa ŋuluce daadaŋ. Aŋun ilemarete iyes aronis alokidiŋ kus.

Ŋikis. 18:20

Nai ekadwaran ŋolo irworo alokiro a ŋakujo, kori ŋolo elimuni alokiro kaŋ ŋakiro ŋuna pa alimokinit ayoŋ iŋes akirwor, emaikina ekadwaran ŋol totwan.”

Ŋikis. 18:5

anerae abu Ekapolon Akuj kus toseu ŋituŋa a ekabila a Lepi alotuŋa a ŋikabilae a Ŋisirael daadaŋ akiwo ka akitiya alokiro ke Ekapolon, iŋes kaapei ka ŋidwe keŋ ŋulusapa ŋikaru ka ŋikaru.

Ŋikis. 18:7

epedori iŋes akitiya alokiro ke Ekapolon Akuj keŋ, lopite ŋolo itiyaata ŋikaitotoi keŋ, ŋilepi ŋuluce, ŋulu ewuasi akitiya anakibois a ŋin alokiŋaren Ekapolon.

1 Ŋites. 4:2

Anerae iyenete iyes ŋuna aponi isua itolimokin iyes alokiro ke Ekapolon Yesu.

1 Ŋites. 4:8

Aŋun nai, ŋini ewouni ŋakiro ŋun ŋuna ikilimonokini isua, nyerae ituŋanan eŋerit iŋes, nai Akuj, ŋina adau ainakin iyes Etau ŋolo Asegan.

1 Tim. 5:20

Kisibura iteete ŋituŋa daadaŋ ŋulu eseceneneete, ikotere ekerete ŋuluce akitiya ŋun.

Yos. 1:18

Ituŋanan daadaŋ ŋini eŋeri ŋakiro kon, kori nyiwuapi ŋuna ilimu iyoŋ, earyo, nai togogoŋior iyoŋ ka totitinyor.”

Ŋikat. 20:13

Aŋun, yautu tokona ŋikesyaak ŋulu a Gibea, ikotere toarae isua ikes, tolemarere aronis alo Isirael.” Nai apotu ŋituŋa a ekabila a Benjamin nyecamut ŋakiro ŋuna a ŋiyeneta kec a Ŋisirael a ŋuluce.

1 Sam. 3:13

Adau ayoŋ alimokin iŋes atemar esicani ayoŋ ekal keŋ ŋikaru ka ŋikaru aŋuna ka asecit a ŋina ayeni tari iŋes; apotu ŋidwe keŋ ŋulusapa yaut ŋilam nawat kec anakiyany Akuj, ido abu iŋes nyiretak ikes akitiya ŋun.