Ŋikis. 16:19 - Ebaibul

¹⁹ Tocoito ilocete ŋakiro ŋuna iyookino, totubete ŋakiro anakiyookino emam ariit ka ice, nyicamut ŋakaluŋuluŋui, anerae iteesikini akaluŋuluŋut ŋikaosok akitiya ŋuna iyookino ka iloci ŋakiro a ŋulu iyookino.

Ŋikis. 16:19 Iomraidhean Croise

Ŋikiru. 15:5

Ikes ŋulu nyiasete ŋisiliŋa kec ŋulu ideniyorit ituŋanan ŋinice, ikes ŋulu nyijaete ŋakaluŋuluŋui akisitakinia ŋini emam ŋuna aronok itiyat. Ŋituŋa ŋulu itiyaete ŋakiro ŋun, erubakinete iboiyete emam ŋace.

Awos. 18:21

Nai toseu alokidiŋ kec ŋikilyok ŋulu epedorete akitiya, ŋulu itopoloorito Akuj, ŋikilyok ŋulu ikinyoma ŋulu nyecamito akitiya ŋuna aronok. Toseu ikes toruwor ŋikapolok a ŋituŋa a ŋulu erae ŋalipulipui, ŋamiamiae, ŋatomonikanikani ka ŋitomotomoe.

Awos. 23:2

Kimyekisi akiwuapit ŋasepico a ŋituŋa a ŋulu ecamito akitiya aronis. Ani ilimorete iyes ŋakiro kus aloikiiko, nyimunono ŋuna iyookino, ido nyirworo alyokonu iriito ka ŋikalalak.

Awos. 23:3

Nyitoodiut daŋ atemar iikinito iyes aloikiiko ekulyakit ŋolo esecit.

Ŋakit. 15:27

Epedori ituŋanan ŋini erorokana ayaun ŋican lotuŋa a ekal keŋ, nai eyari ituŋanan ŋini nyecamit ŋakaluŋuluŋui.

Ŋakit. 17:23

Ecamununui ituŋanan ŋini aronon akaluŋuluŋut anakimunono, ikotere edaun epite ŋolo itiyaere ŋakiro iyookino.

Ŋakit. 18:5

Nyiyookino ariit ka ŋituŋa ŋulu iilit aŋuna ka asecit, kori akitukuruwor ituŋanan ŋini emam aronis itiyat aryamun akiyookino.

Ŋakit. 24:23

Erae nu daŋ ŋakiro ŋuna a ŋikaosok, ŋuna itoodiunito amamukau ariit ka ituŋanan ipei itubi ŋakiro.

Ŋakit. 24:28

Nyiruwor esuuda ŋolo irworo imanit ikidunyet kon emam ŋakiro iŋoitotor ka iŋes, nyirwor neni keŋ ŋakiro ŋuna erae alyokonu.

Ŋakit. 31:5

anerae epedorete ikes amerakin kimuryakis ŋakiro ŋuna a ŋikisila, ido kimyekis akiŋaranakin ŋituŋa ŋulu emaikina kiŋarakinae.

Ekal. 7:7

Kire jik, kelomakis ŋikaosok amodyanakin ŋuluce, eruwor ŋibaŋaanotin, epedori ituŋanan aruwor icaryoit anaryamun ŋakaluŋuluŋui.

Isa. 1:17

“Toyenutu akitiya ŋuna ajokak, kiwara akiyookino, toiutu ŋulu isicanitae, kiŋarakisi ŋikokyok, kirworo aŋuna a ŋapuseru.”

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 33:15

Ŋulu itiyaete ŋuna iyookino kirworos ŋakiro ŋuna a kire ŋulu nyejoikinit aryamun ibore anademun ŋuluce ŋiboro kec, ŋulu eŋerito akijaunun ŋakaluŋuluŋui, ŋulu nyecamito akiirar ŋakiro ŋuna earere ŋuluce ka ŋulu nyecamito akitere ŋuna aronok.

Yer. 5:28

atuma ikes ka amalimal ŋawat kec, itiyaete ikes aronis jik; nyetubete ikes ŋakiro a ŋikokyok anakiyookino, ikotere kilout ŋikokyok ŋini isitakinit ikes ka nyiŋarakinito ikes ŋituŋa ŋulu a ŋican toiun.

Esek. 18:8

ani pa kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak ka keŋerit iŋes akitiya aronis, totubi aloikiiko a ŋolo iburatotor ŋituŋa ŋakiro ŋuna nyeikinitor epei a ŋul,

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Ŋilep. 19:15

“‘Kitiyata ŋuna iyookino apaki ŋina itubioto ŋakiro, nyikisyonioto ŋulu a ŋican apaki ŋin, kori nyiwara akitojoka aneni a ŋulu erae ŋikabarak, nai totubonokisi ŋikidunyetkus alotooma akiyookino.

Mika 7:3

Ayenikis ŋakan kec nooi akitiya aronis; iŋitasi ŋikapolok ka ŋikatubok ŋakiro ŋakaluŋuluŋui, ereanakinete ŋulu eyakatar apedor ŋuluce akitiya ŋuna ecamito ikes; aŋun, aoliyosi ikes daadaŋ anakiyookino.

Abak. 1:4

Aŋun, nyeriŋa emisitae ŋuna ebasi ŋikisila, emam ŋuna iyookino ŋuna itopolooritae, irikaete ŋulu aronok ŋulu iyookino. Aŋun, emanar akiyookino kaku.

Ŋitic. 10:34

Togeu Petero erwor tema, “Tokona ayenu ayoŋ kire atemar nyetyakatyakat Akuj ŋituŋa;

Ŋitic. 16:37

Nai tolimok Paulo ikes tema, “Aponi ikibuŋae isua alokiŋaren ŋituŋa pa ikitubokinitae--isua ŋituŋa ŋulu a Roma! Apotu ikes ikiwuakis isua mabus. Ecamito nai tokona ikes alacakin isua pa eyenete ŋituŋa a? Nyepedor jik! Itemokino potu ikes pei ŋilopeyek ikilacakis isua.”

Ŋitic. 23:3

Tolimok Paulo iŋes tema, “Ikibapi kire jik Akuj iyoŋ--iyoŋ ŋolo ikoni arwatata ŋina iwositae eraŋgi ŋolo akwaŋan! Iboi iyoŋ a nen atubokin ayoŋ alotooma Ŋikisila ŋulu ka Akuj, nai tobilite bo iyoŋ Ŋikisila aŋuna ilimokinia ikes akibap ayoŋ!”

Ŋikis. 10:17

anerae erae Ekapolon Akuj kus Akuj a ŋakujo, Ekapolon a ŋikapolok, Akuj ŋina apolon, ŋina etiron ka ŋina etubulon, ŋina etubi ŋakiro iyookino ka eŋerit akaluŋuluŋut,

Ŋikis. 16:18

Emaikina iyes toseut ŋikatubok ŋakiro ka ŋikapolok alokabilae kus a daadaŋ, alotaunio kus a daadaŋ a ŋulu ikiini Ekapolon Akuj kus iyes, ikotere etubete ŋakiro a ŋituŋa anakiyookino.

Ŋikis. 24:17

Emaikina iyes totubo ŋakiro a ŋigelaanotin, kori ŋikokyok anakiyookino; nyiyaasi elou a apuserut erae ibore ŋini ekodaritae aŋuna ka amica.

Ŋikis. 27:19

“‘Ilamam ituŋanan daadaŋ ŋini nyetubi anakiyookino ŋakiro a igelaanot, a ikoki ka apuserut.’ “Eboŋokinete ŋituŋa daadaŋ temasi, ‘Kiyookin ŋun.’

Ŋikis. 27:25

“‘Ilamam ituŋanan daadaŋ ŋini ijaari akaluŋuluŋut aarya ituŋanan ŋini emam ibore esecit.’ “Eboŋokinete nai ŋituŋa daadaŋ temasi, ‘Kiyookin ŋun.’

1 Sam. 12:3

Ayoŋ lo! Tolimutu alokiŋaren Ekapolon ka alokiŋaren eseuna keŋ ŋakiro ŋuna etiyat ayoŋ ŋuna aronok. Ŋae abu ayoŋ odema emoŋ? Ŋae abu ayoŋ odema esigirya? Ŋae idio abu ayoŋ omodiya ibore idio? Ŋae abu ayoŋ otiŋ ka aronis? Ŋae idio abu ayoŋ ocamu akainakini ayoŋ akaluŋuluŋut, ikotere emyek iŋes? Ani ketiyat ayoŋ ŋun ŋadi, tolimokinae ayoŋ, ikotere okotacak ayoŋ iyes.”

1 Sam. 8:1

Ani emojoŋi Samuel, abu kituruwo ŋidwe keŋ ŋulusapa ŋikapolokinitok Ŋisirael.

1 Sam. 8:3

Nai apotu ŋidwe a Samuel ŋul nyiwuapa ŋipitesyo a Samuel, apotu ikes tooliyosi alopitesyo a papa kec, kiwara aryamun ebari ŋolo kitunauna. Apotu ikes tocamut akijare ŋakaluŋuluŋui, toŋero ŋakiro ŋuna ka akiyookino.