Ŋikis. 16:16 - Ebaibul

¹⁶ Ŋarwa ŋauni alotooma ekaru emaikina ŋisapa kus daadaŋ potu kiŋaren Ekapolon Akuj kus nakibois ŋina ebuni Ekapolon aseun; ŋarwa ŋun ikes nu: Ŋarwa ŋuna a ŋasuban a ŋuna emam ŋakinyalet, ŋarwa ŋuna a ŋasuban a ŋuna a ŋisabito ka ŋarwa ŋuna a ŋasuban a ŋuna a ŋisakaitei, nyemaikina ikes potu neni a Ekapolon eororete ŋakan, emaikina ikes yaut idiobore.

Ŋikis. 16:16 Iomraidhean Croise

1 Ŋirw. 9:25

Aŋolokaru ayenene Solomon ŋainakineta ŋuna epeyo ŋuna a ekisil ŋayayet ŋauni Namuroet ŋina abu iŋes toduk a ŋuna ke Ekapolon. Ecunyanakini iŋes ekinyate ka ŋainakineta ŋun alokiŋaren Ekapolon. Aŋun, abu Solomon kirikak akitiya ŋuna amaikina kitiya Kai ka Akuj.

2 Ŋakiro a ŋirwa 8:13

Etiyae iŋes ŋun ikwapei etic ŋolo amaikina iŋes kitiya a ŋinakoloŋit, lopite ŋolo ecikitor Moses ainanakin edoli akoloŋit ŋina a Sabato, ŋina elomunia elap ka ŋapakio ŋuna a ŋasuban a ŋunauni a ŋuna a ŋolokaru. Ŋasuban ŋun ikes nu: Ŋasuban ŋuna a ŋamugati a ŋuna emam ŋakinyalet, ŋasuban ŋuna a ŋikinyom a ŋulukitet ka ŋasuban ŋuna edukere ŋisakaitei.

Esir 3:1

Ani edoli elap ŋolo a ŋikanikaarei iboiyete Ŋisirael alotaunio kec, apotu ŋituŋa tocunakinos Yerusalem,

Neem. 8:15

ka atemar emaikina ikes kigira ka kiserata alotaunio kec a daadaŋ ka alo Yerusalem ŋakiro nu, “Toloto lokamukumukui, yaut ŋaten ŋuna a ŋikito ka olipa, ŋuna a ŋikito ka olipa a ŋulu ka ariet, ŋaten a ŋiŋolya, a ŋikito a ŋulu ikwaan ka ŋikamurya ka a ŋikito ca a daadaŋ a ŋulu eya ŋakwii aŋuna ka adukokinia ŋisakaitei, lopite ŋolo igiritere.”

Ŋikiru. 122:4

Lotaun ŋol iŋes itipeete ŋikabilae, iŋes itipeete ŋikabilae ŋulu ke Ekapolon, akipuro Ekapolon ikwapei ecikitor Ekapolon Ŋisirael.

Ŋikiru. 84:7

Iyata agogoŋu neni kec apaki ŋina elosyoto; iŋolikinete ikes alo Sion Akuj ŋina iloit ŋakujo daadaŋ.

Ŋikiru. 84:8

Okoe Ekapolon Akuj ŋina a ŋajoresyo, kiira akilip kaŋ; topupokinae, okoe Akuj a Yakob.

Ŋikiru. 96:8

Kipuro iŋes aŋuna ka apolou a ŋina emaikina ipurore ekiro keŋ; yautu ŋainakineta, ido potu Kai keŋ.

Awos. 34:20

Kilokonyikinae ayoŋ ikale ŋinimesek anikiyae ke esigirya, ani pa kilokonyut, tobila isigirya ŋin emosiriŋ. Kilokonyikinae ayoŋ ibore ice aŋuna a ŋikiyae kus a ŋulusapa. “Mam ituŋanan emaikina bu neni kaŋ emam ibore eyaunit ainakin ayoŋ.

Awos. 34:24

anerae eritari ayoŋ alokiŋaren kus ŋituŋa a ŋakwapin, ido eyatakini ayoŋ akwap kus, mam ituŋanan ikatakini ademar iyes akwap kus erae kiloto iyes a ŋolokaru kitoodiyaros kiŋaren Ekapolon Akuj kus ŋalosyet ŋauni a ŋolokaru.

Isa. 23:18

Italeikinio neni ke Ekapolon ŋiboro keŋ ŋulu egyelanari iŋes ka ŋisiliŋa ŋulu eryamununui iŋes anagyelanar, nyiŋadaaryo ŋiboro ŋulu eryamuni iŋes anagyelanar, kori nyituruworete ikes ŋulu kec, nai eryamunete ŋulu itopoloorito Ekapolon akimuj kec ŋina alalan ka ŋilowi kec aloboro a ŋulu a Tiro.

Isa. 33:20

Kiŋolikisi Sion, etaun ŋolo ikisekinitae iwon akitiya ŋasuban yok. Iŋolikinete iyes Yerusalem, a akibois akwap ŋina ajokan akiboiyo, ikwaan Yerusalem ka eema ŋolo nyelemaryo aneni edupakinitae, ŋolo nyeditaryo ŋases keŋ, ŋolo nyeŋedeŋedeo ŋaunoi keŋ.

Esek. 36:38

Tolalaar nooi ikwa ekimar a ŋamesekin a ŋuna eramaryo erae ŋainakineta, tolalaar nooi ikwa ekimar a ŋamesekin a ŋuna eramanaryo Yerusalem ŋapakio ŋuna eyakatar ŋasuban. Ilelebun ŋituŋa lotaunio ŋulu emunaara ŋul lopite ŋolo ilelebununotor ŋamesekin Yerusalem. Eyenunete nai ŋituŋa ŋul atemar arae ayoŋ Ekapolon.”

Ŋilep. 23:34

“Tolimok Ŋisirael ebe, ‘Ani edoli ŋirwa ke elap ŋitomon ka ŋikan, elap ŋolo a ŋikanikaarei, emaikina kisyakinae akitiya ŋasuban ŋuna ke Ekapolon ŋuna a ŋisakaitei, ido emaikina kitiyae ŋirwa ŋikanikaarei.

Agai 1:9

Ayoŋ Ekapolon ŋolo Etiron abala nen, ipotu iyes kiwara aryamun akimuj ŋina alalan, nai kiŋolikisi, abu toruwor ŋina edit, ani iyaunete iyes akimuj ŋin lore, abu ayoŋ okuta akimuj ŋin nariet. Kaanukiro? Erae aŋuna eriŋaakar Akai kaŋ eritakina, ido itiŋiyara iyes daadaŋ aŋuna a ŋakais kus a ŋikulepek.

Mat. 2:11

Tolomasi ikes kai, kiŋolikis ikoku ka toto keŋ Maria, toryediko ikes alokiŋaren keŋ, tomaa, toŋaasi nai ŋicweei kec, tolemikis iŋes ŋainakineta nu: egolid, eminae ŋolo ke ekinyate ka eceminae ŋolo akukunyon nooi.

Mar. 12:3

Kikamut ŋiketeok epito ŋol, kibuŋata, kitoboŋosi emam epiini.

Yoa. 7:2

Aapuunit apaki ŋina a ŋasuban a Ŋiyudayan ŋina adukere ŋitogoi.

Ŋikis. 16:15

kitiyata ŋasuban ŋun ŋirwa ŋikanikaarei aŋuna ke Ekapolon Akuj kus, anakibois a ŋina eseuni Ekapolon, anerae ikiterereŋi iyes Ekapolon Akuj kus a ŋaraito a daadaŋ a ŋuna iryamunete iyes ka aloticisyo kus a daadaŋ a ŋulu itiyaete iyes, ido ilelyanete iyes nooi.

Ŋikis. 16:17

Emaikina ikes daadaŋ inakis idiobore lotyae ŋolo epedoritotor ikes ka alopite a ŋolo iterereŋitor Ekapolon Akuj kus ikes.

Ŋikis. 31:11

apaki ŋina eponiata Ŋisirael daadaŋ kiŋaren Ekapolon Akuj kus nakibois ŋina eseuni iŋes, emaikina iyes tosyoma ŋikisila ŋul alokiŋaren Ŋisirael daadaŋ epupete ikes.

1 Sam. 1:3

Amina ekile ŋol akitipeiyonor Silo alotaun keŋ a ŋolokaru akilip ka ainakin amuronot neni ke Ekapolon a ŋolo a ŋajoresyo; etiyae iŋes ŋun alo Silo aneni ayakasi Opini ka Pineas ŋidwe a Eli ŋulusapa ŋulu arae ŋisacaradotin ŋulu a Ekapolon.

1 Sam. 6:3

Toboŋokis ikes temasi, “Ani kinyakarete iyes Asaduku ŋina ka Akuj a Ŋisirael, nyinyakasi emam ibore iyaete kaapei ka iŋes, nai ŋuna itemokino iyes kitiyata jik iŋes ainakin Akuj ainakinet adio aŋuna ke ekaile a ŋolo ka asecit kus. Ikotere nai ikitaŋaleunio ka ikilakunio, ido iyenunete ŋakiro ŋuna abunio Akuj torubakinia ikitiŋit iyes erono nooi.”