Ŋikis. 16:11 - Ebaibul

¹¹ Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 16:11 Iomraidhean Croise

Awos. 20:24

Emaikina iyes kitiyaut a ŋalup Namuroet aŋuna kaŋ, ido inanakis ŋainakineta kus neni kaŋ a nen, ŋainakineta kus ŋuna a ŋamesekin ka ŋimoŋin ŋuna epeyo ka ŋuna ke ekisil. Abuni ayoŋ akiterereŋ iyes anakibois a daadaŋ a ŋina akainakini ayoŋ iyes akilipya ayoŋ.

Isa. 64:5

Ibunene iyoŋ akiŋaranakin ŋulu itiyaete ŋuna iyookino, ŋulu etamunito akiwuapit ŋakiro kon. Nai ibu iyoŋ toŋo, ido aponi isua tosecae, aŋuna ibunio iyoŋ kiwua ereet kon, aponi isua tobilae ŋikisila.

Yoel 1:16

Nyirikara mono akimuj yok ikite iwon a? Nyelemara mono alelyan ka alakara alo Kai ka Akuj yok a?

Abak. 3:18

arubakini ayoŋ alelyani ka alakara, anerae Ekapolon Akuj kaŋ iŋes erae ekaiunan kaŋ.

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

2 Ŋikor. 1:24

Nyikicamit isua akitiŋakin iyes ŋuna itemokino tonupa; ikiyeni isua atemar icasito iyes ananupit kus. Akilo ŋun, ikitiyae isua kaapei ka iyes aŋuna ka alakara kus.

Ŋikis. 12:12

Tosodi ilelyanete iyes alokiŋaren Ekapolon, iyes kaapei ka ŋidwe kus ŋulusapa ka ŋulupesur, ŋipi ka ŋapi kus ka ŋilepi ŋulu iboiyete alotaunio kus ŋulu emam akwap ekorakinitae ikes, kori eruwor ŋina kec.

Ŋikis. 12:18

Emaikina iyes tonyama ŋul alokiŋaren Ekapolon Akuj kus anakibois a ŋina eseuni Ekapolon Akuj kus. Imujete iyes kaapei ka ŋidwe kus ŋulusapa ka ŋulupesur, ŋipi kus ka ŋapi kus ka ŋilepi ŋulu iboiyete alotaunio kus; ilelyanete iyes alokiŋaren Ekapolon Akuj kus aŋuna a ŋakiro a daadaŋ a ŋuna ipotu iyes kitiyata.

Ŋikis. 12:5

Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 12:7

Tosodi imujete iyes a nen aneni eyai Ekapolon Akuj kus, imujete iyes a nen kaapei ka ŋituŋa a ŋikalya kus, ilakara aŋuna a ŋakiro a daadaŋ a ŋuna itiyata iyes aŋuna ikiterereŋio Ekapolon iyes.

Ŋikis. 14:29

ikotere ŋilepi ikwapei nyeryamunitotor ikes akwap ŋina ekorakinitae ikes ŋina eruwor ŋina kec eryamunete akimuj ŋina itemokino kaapei ka ŋigelae, ŋikokyok ka ŋapuseru ŋituŋa ŋul ŋulu eya lotaunio kus, ikiterereŋi iyes Ekapolon Akuj kus aloticisyo a daadaŋ a ŋulu itiyaete iyes.

Ŋikis. 16:10

Tosodi, kinumunuma ŋasuban ŋuna a ŋisabito aŋuna a Ekapolon a Akuj kus, iyaununut ŋainakineta ŋuna ka acamit kus alotyae a ŋolo ka arereŋu a ŋina ipotu iyes toryamut aneni ke Ekapolon Akuj kus.

Ŋikis. 16:14

Tolelyana anasuban kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi, ŋigelaanotin, ŋikokyok ka ŋapuseru, ŋituŋa ŋulu iboiyete alotaunio kus.

Ŋikis. 26:11

Ekaku itiyaete iyes ŋasuban, iyes kaapei ka ŋilepi ka ŋigelaanotin ŋulu iboiyete ka iyes, imujete akimuj daadaŋ ŋina ikiinak iyes Ekapolon Akuj kus ka lotuŋa a ŋikalya kus.

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!