Ŋikis. 16:10 - Ebaibul

¹⁰ Tosodi, kinumunuma ŋasuban ŋuna a ŋisabito aŋuna a Ekapolon a Akuj kus, iyaununut ŋainakineta ŋuna ka acamit kus alotyae a ŋolo ka arereŋu a ŋina ipotu iyes toryamut aneni ke Ekapolon Akuj kus.

Ŋikis. 16:10 Iomraidhean Croise

1 Ŋakiro a ŋirwa 29:14

“Emam ibore ŋini erae ŋini kosi, ŋini ikiini ayoŋ ka ŋituŋa kaŋ iyoŋ, anerae erae ibore daadaŋ ainakinet aneni kon, ido ikiinak isua neni kon ibore ŋini sek erae ŋini kon.

2 Ŋakiro a ŋirwa 31:14

Aponi Kore lokoku a Imina a Elepait a ŋolo ete epuke ka Akai ka Akuj ŋolo enyaritae epuke ŋolo alo Kide kiwuakinae akijaunun ŋainakineta ŋuna eyaunite ŋituŋa anacamit kec neni ke Ekapolon ka akoranar ŋainakineta ŋun ta ŋuna etaletoi.

Awos. 35:29

Apotu Ŋisirael daadaŋ ŋikilyok ka ŋaberu, ŋulu acamito alotai kec akitiya ŋuna abu Moses kicik ikes akitiya, yaut ŋainakineta kec neni ke Ekapolon emam akitiŋakinit.

Ŋakit. 10:22

Erae akiterereŋiet ŋina ke Ekapolon itabari ituŋanan, emam akiyaloloŋ iatakini Ekapolon narereŋu ŋin.

Yoel 2:14

Ŋae eyeni? Acepaki epedori Ekapolon Akuj kus akilocokin ŋatameta keŋ, ikiterereŋ iyes nooi ikiinak ŋikinyom ka ŋimaten; topedosi nai iyes ainakin iŋes ŋikinyom ka ŋimaten.

Ŋilep. 12:8

Ani pa kepedori aberu ŋin aryamun imesek, emaikina iŋes ya ŋakuryo ŋaarei, kori ŋatemeleudi ŋaarei, apei erae ainakinet ŋina epeyo ka ŋinace erae ainakinet aŋuna ka asecit, ido nai tomooku esacaradoti iŋes, toruwor ŋina italeuno.’ ”

Ŋilep. 23:15

“‘Ameun akoloŋit ŋina esyaunan kelunyar Sabato, akoloŋit ŋina iauniata iyes ŋainakineta ŋuna ikyaaryo, emaikina iyes kimarasi ŋisabito ŋikanikaarei tolunyar.

Ŋilep. 25:26

Ani kemamukatar ituŋanan ŋin iyenet ŋini elakuni ibore ŋin aŋuna keŋ, ido tobar iŋes ekaku toryamu ibore ŋini elakunia ŋalup keŋ,

Ŋilep. 5:7

Nai ani pa kepedori iŋes alemun amesek, emaikina iŋes yau neni ke Ekapolon ikwapei ainakinet aŋuna ka asecit keŋ ŋakuryo ŋaarei, kori ŋatemeleudi ŋaarei, apei erae ainakinet aŋuna ka asecit ka ŋinace erae ainakinet ŋina epeyo.

Ekim. 28:26

Akoloŋit ŋina iyauniata iyes ŋaraito ŋuna eŋarenok, apaki ŋina iyauniata iyes neni ke Ekapolon ainakinet ŋina a ŋikinyom aŋuna a ŋasuban a ŋisabito, emaikina iyes tocunakinos kilipa, nyilot loticisyo kus kitiyata.

Ekim. 31:28

Alotooma ŋulu ekorakinio ŋikilyok ŋulu alosito lojie, totyaka ŋice erae ainakinet neni ke Ekapolon, totyaka atutubet apei alotooma ŋamiae ŋakan a ŋinibore ekorakinio ikes, kerae a ŋituŋa, kori a ŋimoŋin, kori a ŋisigirya, kori a ŋamesekin, kori a ŋamee.

Ekim. 31:37

ido aponi inakinae neni ke Ekapolon ŋakinei ŋalipyo ŋakanikapei ka ŋatomonikanikaarei ka ŋakan.

1 Ŋikor. 16:2

A ŋinakoloŋit a Esabit, itemokino ŋinituŋanan kus toseta nawae ŋisiliŋa ŋidi lotyae ŋolo ke ebari keŋ, kidiatakinos, ikotere ani abuni ayoŋ, nyecuni nabo ŋice.

2 Ŋikor. 8:10

Anakiro a nu, atami ayoŋ atemar ejok iyes akirikakin etic ŋolo ipotu iyes ekaru ŋolo ŋoon kisyakis. Iyes ipotu toruworos ŋulu ke ekiŋaren akitiya etic ŋol, meere akitiya bon, nai acamit akitiya daŋ.

2 Ŋikor. 8:12

Ani kiitanito iyes ainanakin, ecamuni Akuj ainakinet kus alotyae a ŋolo iyakatar iyes ŋiboro kus, meere alotyae a ŋolo nyiyakatar.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 16:9

Kimarasi ŋisabito ŋikanikaarei, togeutu akimarari ŋisabito ŋikanikaarei ŋul akoloŋit ŋina isyakinere akilem ŋikinyom.