Ŋikis. 15:6 - Ebaibul

⁶ Ani ikiterereŋi iyes Ekapolon Akuj kus, lopite ŋolo ikiikinia iyes, idenionokinete iyes neni a ŋituŋa a ŋakwapin aŋuna alalak, nai nyideniyorete iyes idiobore aneni kec, ipukaete iyes ŋituŋa a ŋakwapin, nai nyikipukaete ikes iyes.

Ŋikis. 15:6 Iomraidhean Croise

1 Ŋirw. 4:21

Arae Solomon apolokinit ŋakwapin ŋun daadaŋ anyoun anaŋolol a ŋina enyaritae Eupurate akitodol nakwap ŋina a Ŋipilistin, kiropo lokukor ŋolo a Ijipit. Atacete ŋakwapin ŋun ocur neni Solomon ka etiyanakinete ŋakwapin ŋun Solomon ŋirwa ŋulu a akiyar keŋ daadaŋ.

1 Ŋirw. 4:24

Epukat Solomon akwap daadaŋ ŋina alo To aŋolol ŋina enyaritae Eupurate ameun aneni enyaritae Tipisa tari Gasa, arae iŋes apolokinit ŋirwosi daadaŋ ŋulu alo To aŋolol Eupurate, esilito iŋes ka ŋikidunyet keŋ daadaŋ.

1 Ŋakiro a ŋirwa 17:27

Elipi tolakar iyoŋ kiterereŋ ekal a eketiyan kon, ikotere erubakinete erae ŋulu kon, anerae iyoŋ okoe Ekapolon, idau akiterereŋ ikes ka erereŋioto ikes ŋikaru ka ŋikaru.”

2 Ŋakiro a ŋirwa 9:26

Abu Solomon kipuka ŋirwosi ŋuluce daadaŋ ameun anaŋolol a ŋina enyaritae Eupurate tari nakwap a Ŋipilistin akitodol lokukoru a Ijipit.

Esir 4:20

Ayakar Yerusalem ŋirwosi ŋulu agogoŋok ŋulu epukato akwap daadaŋ ŋina alokekwaye aŋolol Eupurate, ido alemenakinio ikes ocur ka etacit ŋolo alemununyete ŋituŋa aloboro a ŋulu ayakatar ikes, kori a ŋulu agyelanarete.

Neem. 9:27

Aŋun, ibu iyoŋ kipotok ikes napedor a ŋimoe kec, ŋulu apotu kiteryamut ikes ŋican. Tosodi anapaki a ŋina ayakatar ikes locan, apotu ikes ikigworokis iyoŋ ka ibu iyoŋ kiira akigworo kec anakuj, alotooma akisyon kon ŋina apolon, ibu iyoŋ inak ikes ŋikaiunak ŋulu apotu toiut ikes anapedor a ŋimoe kec.

Ŋikiru. 112:5

Ebuni ajokis neni a ŋulu ajokak, neni a ŋulu ipotonorete ŋiboro kec emam akitac ka neni a ŋulu itiyaete ŋiticisyo kec anakiyookino.

Ŋikiru. 37:21

Eminasi ŋulu aronok akiden, ido nyetaceneneete, nai ipotonorete ŋulu iyookino ŋiboro kec, ido erubakinito ipotonorete;

Ŋikiru. 37:26

Ipotonokinete ka idenionokinete ŋuluce ŋiboro kec jwi jwi, eruwor ŋidwe arereŋu kec.

Ŋakit. 22:7

Epolokinito ŋikabarak ŋikulyakanotin, ido erae ŋikedeniok ŋiboro ŋipi a ŋulu ideniyoto ikes ŋiboro.

Luk. 6:35

Nai tominas ŋikusimoe, tojokak aneni kec ka kipotonorete tomam akiitanit atacanot. Epoloor nai eropit kus ka iruworosi ŋidwe ŋulu ka Akuj a ŋina alokidiama nooi, anerae erimaana iŋes neni a ŋulu nyelakanarosi neni keŋ ka ŋulu aronok.

Ŋikis. 15:5

Itiyakin ŋun erae kiwuapa iyes ejok ŋakiro a Ekapolon Akuj kus anakiwuapit ŋakiciketa nu ŋuna ekecik ayoŋ iyes nakoloŋit na.

Ŋikis. 28:44

Ikidenikinete ikes iyes ŋiboro, kec nai nyidenikinete iyes ikes, iruworosi iyes ŋulu ikipolokinitoe, meere ŋulu ipolokinito ŋuluce.