Ŋikis. 15:23 - Ebaibul

²³ Nyemaikina nai iyes tonyama ŋaokot kec, tobukokisi nalup ikwa ŋakipi.

Ŋikis. 15:23 Iomraidhean Croise

Akisy. 9:4

Nai nyinyama akiriŋ eyakasi ŋaokot, nyiira ŋaokot tari anakiriŋ.

Esek. 33:25

Aŋun, tolimok ikes ebe, ‘Alimu Ekapolon Akuj atemar, inyamete iyes akiriŋ eyakasi ŋaokot, ido erae neni a ŋakujo ikinyomito iyes ka iarete ŋuluce; ipedorete kire iyes aryamun akwap ŋina eruwor ŋina kus a?

Ŋilep. 17:10

“‘Ani kenyam Esiraelit edio ŋaokot kori igelaanot ŋini iboiyete ka ikes, etoroniyari ayoŋ ituŋanan ŋin eŋolikini, ido eritari iŋes alotuŋa kaŋ;

Ŋilep. 19:26

“‘Nyinyama akiriŋ a ityaŋ, kori a ibarasit a ŋini nyeŋolitae toitasi ŋaokot. Nyemaikina iyes toruworos ŋimurok, kori ŋikekukujak.

Ŋilep. 7:26

Nyemaikina iyes jik kimuja ŋaokot, kerae ŋuna a ikyenyit, kori ŋuna ke etyaŋ aneni daadaŋ ilomete iyes.

Ŋitic. 15:20

Nai itemokino akigirakin ikes abaruwa, ikotere toesikis akinyam ŋamuja ŋuna nyitesegunitae, anerae einakinitae sek nakujo; toesikis daŋ amalao ka nyenyamete ediotyaŋ ŋolo emyeditae kori ŋaokot.

Ŋikis. 12:15

Kikote neni daŋ apaki daadaŋ ŋina icamitotor iyes, ipedorete akiŋol ŋibaren kus, ido tonyama akiriŋ alotaunio kus a edio, lopite ŋolo ikiinakinitor iyes Ekapolon Akuj kus ikiterereŋit; epedorete ŋulu itoroniyaritae ka ŋulu nyitoroniyaritae akinyam akiriŋ ŋin, ikwaŋina enyamyata akiriŋ a agete, kori a atili.

Ŋikis. 12:16

Nai nyemaikina iyes tonyama ŋaokot, tobukokisi ikes nalup ikwa ŋakipi.

Ŋikis. 12:23

Nai tocoito inyamete ŋaokot, anerae erae ŋaokot ibore ŋini kiteyari, akiyar, tosodi nyemaikina iyes tonyama ibore ŋini ikiteyari kaapei ka akiriŋ.

Ŋikis. 12:24

Nyinyama jik ŋaokot, emaikina iyes tobukokis kwap ikwa ŋakipi.

1 Sam. 14:32

Aŋun, apotu ŋajorei a Ŋisirael toemakin loboro ŋulu aŋatunito, tomyaasi ŋamesekin, ŋimoŋin ka ŋitak. Toarakis Ŋisirael ŋibaren ŋul daadaŋ kwap, tonyama akiriŋ eyakasi ŋaokot.

1 Sam. 14:33

Aponi nai tolimokinae Saul ebe, “Kiira, aseca ŋituŋa aneni ke Ekapolon aŋuna anyamyata akiriŋ eyakasi ŋaokot.” Tema nai Saul, “Itiyata iyes ŋuna nyikicamakinitae. Kikokoriutu tokona amoru ŋina aburon ne.”