Ŋikis. 15:19 - Ebaibul

¹⁹ Emaikina iyes kitaleiyosi aŋuna ke Ekapolon ŋikiyae ŋulumoŋin a ŋamesekin kus, kori a ŋamee kus, nyisitiyata emoŋ kus ŋolokiyae aŋuna a etic adio, kori nyitubo ŋajul a ŋikiyae a ŋamesekin kus.

Ŋikis. 15:19 Iomraidhean Croise

Awos. 13:12

emaikina iyes totyakasi aŋuna ke Ekapolon, ŋikiyae daadaŋ ŋulu a ŋibaren kus ŋulu erae ŋimoŋin, emaikina ŋul toruwor ŋulu ke Ekapolon.

Awos. 13:2

“Kitaleu ŋikiyae ŋulusapa neni kaŋ. Isapat daadaŋ ŋini aŋaari akook a Asiraelit, kori ibarasit ŋini kiyae alobaren kus erae ŋini kaŋ.”

Awos. 22:29

“Nyiŋero ainakin Akuj ŋainakineta ŋuna a ŋikinyom kus, kori ŋamyeta ŋuna icuyete iyes. Emaikina iyes ikiinakis ayoŋ ŋidwe kus ŋulusapa ŋulu kiyae.

Awos. 22:30

Kitiyata ŋun anaatuk ka anamesekin daŋ. Kimyekisi ŋitak ka ŋikaalei toruko ka atatoto kec ŋirwa ŋikanikaarei bon, ido ikiinakis ayoŋ edolete ŋirwa kec ŋikanikauni.

Awos. 34:19

Ŋikiyae kus daadaŋ, erae ŋulu kaŋ, ŋikiyae a ŋibaren kus a daadaŋ, ŋulu a ŋaatuk ka ŋulu a ŋamesekin, erae ŋulu kaŋ.

Ŋilep. 27:26

“‘Emam ituŋanan emaikina yau ibarasit ŋinikiyae kitaleik neni ke Ekapolon, anerae erae sek ŋibaren ŋulukiyae ŋulu ke Ekapolon; kerae aate, kori amesek, erae ŋulu ke Ekapolon.

Ekim. 18:15

Ikiyae daadaŋ, kerae ŋini a ituŋanan, kori ŋini a etyaŋ, ŋini einakinitae neni a Ekapolon, eruwor ŋin kon, nai emaikina iyoŋ ikilokonyu ikiyae a ituŋanan ka ikiyae a ibarasit a ŋini itoroniyaritae daŋ emaikina iyoŋ ikilokonyu.

Ekim. 18:17

Nai ikiyae ŋini ka ate, kori a amesek, kori a ameot, nyilokonyunio, erae ikes ŋulu asegak. Emaikina iyoŋ towuatak ŋaokot kec namuroet ka kicuny ŋasepwa kec erae ainakinet ŋina epeyo ŋina ebob eure keŋ aneni ka a Ekapolon,

Ekim. 3:13

anerae erae ŋidwe ŋulu ŋikiyae daadaŋ ŋulu kaŋ; apaki ŋina aarya ayoŋ ŋidwe ŋulu ŋikiyae daadaŋ anakwap a Ijipit, abu ayoŋ eturuwo ŋidwe ŋulukiyae a Ŋisirael daadaŋ, ŋulu a ŋityaŋ ka ŋulu a ŋituŋa ŋulu kaŋ, eruworosi ikes daadaŋ ŋulu kaŋ. Arae ayoŋ Ekapolon!”

Ŋirom. 8:29

Abu Akuj keseu ŋituŋa ŋulu sek aris ketyaka nawae toyakaunos ikwaŋina eyakar Lokoku keŋ, ikotere nai Lokoku keŋ eruwor ŋolo eŋarenon alokidiŋ ŋikaitotoi ŋulu alalak.

Ŋikis. 12:11

emaikina nai iyes yaut ŋiboro daadaŋ ŋulu adau ayoŋ alimokin iyes nakibois ŋina eseuni Ekapolon Akuj kus akiboiyo, iyaunete iyes nen ŋainakineta kus ŋuna epeyo, ŋamuronisya kus atutubet apei alotooma ŋitomon a ŋiboro kus, ŋainakineta kus ka ŋainakineta kus daadaŋ ŋuna ajokak ŋuna ipotu iyes kikoŋo ainakin neni ke Ekapolon.

Ŋikis. 12:17

Nyemaikina daŋ iyes tonyama alotaunio kus atutubet apei alotooma ŋitomon a ŋikinyom kus, a epiini kus, a akimyet kus, a ŋikiyae a ŋaatuk kus ka ŋamesekin kus, ŋainakineta daadaŋ ŋuna ikoŋito iyes ainakin neni ka Akuj, ŋainakineta kus ŋuna iyaunete iyes ka acamit kus, kori ŋainakineta kus ca daadaŋ.

Ŋikis. 14:23

Tonyama atutubet apei alotooma ŋitomon a ŋikinyom kus, a epiini kus, a akimyet kus kaapei ka ŋikiyae a ŋaatuk ka a ŋamesekin kus, tonyama ikes alokiŋaren Ekapolon Akuj kus, anakibois a ŋina ebuni iŋes aseun aruwor neni ilipere enyaritae ekiro keŋ, kitiyata ŋun ikotere iyenuniata akitopoloorit Ekapolon Akuj kus jwi jwi.

Ŋikis. 15:18

Nyemaikina ikinomorit iyes akimyekin epito, kori apito kus tolot, anerae abu iŋes ikitiyanak iyoŋ alotooma ŋikaru ŋikanikapei, eriyan etic ŋolo etiya iŋes, alotooma ŋikaru ŋul ka etic ŋolo itiyaete ŋiketiyak ŋiarei ŋulu ipaŋgatae, ido ikiterereŋi iyes Ekapolon aloticisyo a daadaŋ a ŋulu itiyaete iyes.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 16:14

Tolelyana anasuban kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi, ŋigelaanotin, ŋikokyok ka ŋapuseru, ŋituŋa ŋulu iboiyete alotaunio kus.

Ŋibur. 12:23

Ipotu iyes nacunakina ŋina ka alakara ŋina a ŋidwe a ŋulu ka Akuj a ŋulu kiyae, a ŋulu igiritae ŋirorwa kec nakuj. Ipotu iyes neni ka Akuj a ŋina erae akatubon a ŋituŋa a daadaŋ ka neni a ŋitai a ŋituŋa a ŋulu iyookino, a ŋulu aponi kituruworoe ŋulu asegak jik.