Ŋikis. 15:11 - Ebaibul

¹¹ Ikwapei nyemamukaunotor anakwap ŋituŋa ŋulu iitanito akiŋarakino, ekeciki tokona ayoŋ iyes ebe, “Toŋaarito ŋakan kus neni a ŋikulyak ka neni a ikidunyet kus a ŋini eyakar iitanit anakwap kus.”

Ŋikis. 15:11 Iomraidhean Croise

Awos. 23:11

ani edoli ekaru ŋolo a ŋikanikaarei, emaikina kimyekinae kieŋut nyitae. Nen nai elemuniata ŋituŋa kus ŋulu a ŋican akimuj ŋina elomuni bon a nen, ido ŋina imyekinete ŋul, toryamut ŋityaŋ tonyama. Kitiyata ŋakiro ŋun tari alomanikorin kus a ŋulu ke epiini ka alomanikorin kus a ŋulu a ŋikito a akimyet.

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Ŋakit. 22:2

Erae nu ŋuna eyakatar ŋikabarak ka ŋikulyak: Ekapolon iŋes erae ekasuban kec a daadaŋ.

Ŋakit. 31:20

Einanakini ŋiboro keŋ neni a ŋikulyak, iŋaranakini ŋulu iitanito akiŋarakino.

Esek. 18:7

ani pa kedemanari iŋes ŋuluce ŋiboro kec ka ketaci ibore ŋini idenit iŋes, kori pa kekokoi, ido inanakini ŋulu enyamit akoro ibore ŋininyamat, inanakini ŋulu elerete ibore ŋininapat,

Mat. 26:11

Anerae irukito iyes ka ŋikulyak jwi jwi, nai nyikiruki iyes ka ayoŋ jwi jwi.

Mat. 5:42

Ani kikilip iyoŋ ituŋanan ibore, inak iŋes. Ani kecamit ituŋanan akideniyor idiobore aneni kon, nyimik iŋes.

Mar. 14:7

Anerae irukito iyes ka ŋikulyak ŋirwa daadaŋ. Ipedorete akiŋarakin ikes apaki daadaŋ ŋina icamitotor. Nai nyikiruki iwon ŋirwa daadaŋ.

Luk. 12:33

Togyelasi ŋikusiboro daadaŋ, inakis ŋisiliŋa lokulyak. Kitiyautu ŋicweei ŋulu emam nyenyamunosi. Kiwuaa ekusibari anakuj, aneni nyediteunia tari iwadio cici, anerae emam ekokolan eapiyari nen, nabo emam esipiran ŋolo inyasuni iŋes.

Yoa. 12:8

Irukito iyes ka ŋikulyak jwi jwi, nai nyikiruki ayoŋ ka iyes jwi jwi.”

Ŋitic. 2:45

Agyelanarete ikes ebari ka ŋiboro kec, tokorakis ŋisiliŋa neni a ŋinituŋanan lopite ŋolo eitanitor iŋes.

Ŋikis. 15:7

Ani keyai alokidiŋ kus ituŋanan ŋini iitanit idiobore, ituŋanan idio alotooma atukot kus, alotaun kus ka anakwap a ŋina ikiinakini iyes Ekapolon Akuj kus, nyiraakasi ŋituŋa ŋulu imini, kori ibunito ŋakan aneni a ikidunyet kus a ŋini eyakar akiitanit.

Ŋikis. 15:8

Nai emaikina iyes torae ŋulu eŋaara ŋakan, ido kidenikis ituŋanan ŋin anapatanu a etau ibore daadaŋ ŋini iitanit iŋes.