Ŋikis. 15:10 - Ebaibul

¹⁰ Inak ikidunyet kon ibore ŋini iitanit, inak iŋes emam akitiŋakinet ka emam apodo, anerae ikiterereŋi iyoŋ Ekapolon a ŋakiro a ŋun alotooma ŋiticisyo kon daadaŋ ŋulu itiyae iyoŋ.

Ŋikis. 15:10 Iomraidhean Croise

Ŋakit. 22:9

Eryamuni ituŋanan ŋini emorete ka ŋuluce ŋiboro ŋulu eyakar arereŋu, anerae emorete iŋes ka ŋikulyakanotin akimuj keŋ.

Ekal. 11:1

Togyelanasi ŋikinyom kus a ŋisiliŋa a ŋulu erae meere ŋulu anakwap kus, anerae iryamunete iyes ŋisiliŋa ŋulu alalak alotooma apaki ŋina euruwuana.

Isa. 32:8

Nai eyeete ŋikapolok ŋakiro ŋuna apolok, ido anakiro aŋuna apolok a ŋun, erubakinete ikes erae ŋikapolok.

Isa. 58:10

ani kiinakis iyes akimuj kus neni a ŋini enyamit akoro, ido kiŋarakis ŋulu iteryamunitae ŋican, etakanuni nai ajokis kus ŋina sek nyetakani, edaun akiyaloloŋ kus ileereuni ajokis kus ikwa akoloŋ kidiŋ apaaran.

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Ŋitic. 20:35

Eketoodik ayoŋ iyes alopitesyo a daadaŋ atemar itemokino ŋinituŋanan kitiya ka agogoŋu, ikotere epedori akiŋarakin ŋulu epalag anatamunit ŋakiro ŋuna abala Ekapolon Yesu, ‘Eyai arereŋu nooi nainanakin akilo naryamunun.’ ”

Ŋirom. 12:8

Ani kerae akisimukekin ŋuluce, itemokino iwon esimukekisi. Ituŋanan daadaŋ ŋini ipotonori ka arimao neni a ŋuluce, itemokino kitiya ka alakara. Ituŋanan daadaŋ ŋini erae ekarikon, itemokino kitiya ka alelakinit.

Ŋikis. 14:19

Itoroniyaritae aneni kus ŋiboorei daadaŋ ŋulu cicik ŋulu eyakatar ŋabebenuk, nyinyama ikes.

Ŋikis. 14:29

ikotere ŋilepi ikwapei nyeryamunitotor ikes akwap ŋina ekorakinitae ikes ŋina eruwor ŋina kec eryamunete akimuj ŋina itemokino kaapei ka ŋigelae, ŋikokyok ka ŋapuseru ŋituŋa ŋul ŋulu eya lotaunio kus, ikiterereŋi iyes Ekapolon Akuj kus aloticisyo a daadaŋ a ŋulu itiyaete iyes.

Ŋikis. 15:18

Nyemaikina ikinomorit iyes akimyekin epito, kori apito kus tolot, anerae abu iŋes ikitiyanak iyoŋ alotooma ŋikaru ŋikanikapei, eriyan etic ŋolo etiya iŋes, alotooma ŋikaru ŋul ka etic ŋolo itiyaete ŋiketiyak ŋiarei ŋulu ipaŋgatae, ido ikiterereŋi iyes Ekapolon aloticisyo a daadaŋ a ŋulu itiyaete iyes.

Ŋikis. 15:4

Kikote neni daŋ nyemaikina eyai kidiŋ kus ituŋanan ŋini ekulyakana, anerae kire jik ebuni Ekapolon Akuj kus akiterereŋ iyes anakwap a ŋina ikiinakini iŋes iyes aruwor ŋina kus kiboiyoto.

Ŋikis. 23:20

Nai ipedorete akiitan aneni a egelaanot kiyatak ibore ice neni a ibore a ŋini ideniyorit iŋes, nai meere aneni a Esiraelit a ŋoloce, ikotere ikiterereŋi Ekapolon Akuj kus iyes alotooma ŋiticisyo kus daadaŋ ŋulu itiyaete iyes anakwap a ŋina eapi iyes alomar ka akituruwor ŋina kus.

Ŋikis. 24:19

Ani ilemunete iyes ŋikinyom kus ŋulu itakinito iyes lomanikorin kus, ido ikimuryak iyes atukot a ŋikinyom a ŋulu aris iyes kilemut, nyiboŋosi alemun ikes. Emaikina kimyekinae aŋuna a ŋigelaanotin, a ŋikokyok ka a ŋapuseru, ikotere ikiterereŋi Ekapolon Akuj kus iyes aloticisyo kus a daadaŋ a ŋulu itiyaete iyes.

Ŋikis. 28:8

Iterereŋi Ekapolon ŋikito kus ka ŋiticisyo kus daadaŋ ŋulu itiyaete iyes; ikiterereŋi iyes Ekapolon Akuj kus anakwap a ŋina ikiinit iŋes iyes.

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.