Ŋikis. 14:22 - Ebaibul

²² Totyakasi atutubet apei alotooma ŋitomon a ŋaraito a ŋikinyom kus a daadaŋ a ŋulu elemununiyete iyes a ŋolokaru alomanikorin kus.

Ŋikis. 14:22 Iomraidhean Croise

Akisy. 28:22

Tosodi eruwor amoru na ŋina etowoik ayoŋ ne neni ilipere Akuj; ibore daadaŋ ŋini ikiinakini iyoŋ ayoŋ Akuj, akainakini ayoŋ iyoŋ atutubet apei anatomon.”

Akisy. 47:24

Ani edoli apaki ŋina ilemyata iyes, itemokino inakis Parao atutubet apei alotooma ŋakan, kidoŋo ŋatutubeta ŋaomwon alotooma ŋakan neni kus ikwapei ŋikinyom ŋulu eekinio ka akimuj ŋina inyamete iyes ka ŋikalya kus ta ŋidwe kus ŋulu cicik.”

Akisy. 47:26

Aŋun, abu Yosepu kituruwo ŋakiro ŋun ekisil a akwap a Ijipit, ido eriŋa tari tokona eyai ekisil ŋol ebe, atutubet apei alotooma ŋakan alokinyom a daadaŋ, erae ŋina a Parao. Ŋalup a ŋisacaradotin bon apotu nyeruwor ŋuna a Parao.

Neem. 10:37

Eyaununuyo daŋ isua amurat kosi ŋina esyaunan ka ŋainakineta kosi, ŋaraito ŋuna a ŋikito a daadaŋ ŋuna esyaunak a epiini ka akimyet. Eyaununio isua ŋul neni a ŋisacaradotin ka nagulei ŋuna iŋadao ŋiboro alo Kai ka Akuj kosi, acamun daŋ isua ayaunun neni a ŋilepi atutubet apei alotooma ŋitomon a ŋiboro a ŋulu itaunio isua, anerae ŋilepi ikes iriraete atutubet apei alotooma ŋitomon a ŋiboro alotaunio kosi a ŋulu cicik a daadaŋ.

Neem. 10:38

Emaikina ŋisacaradotin, ikes ŋiletok ka Aron toyakas kaapei ka ŋilepi apaki ŋina ijauniata ŋilepi ŋatutubeta ŋapeipei alotooma ŋitomotomoe a ŋiboro a ŋituŋa, ido ŋilepi ikes eyaunete atutubet apei alotooma ŋitomon a ŋiboro a ŋul Kai ka Akuj kosi, nagulei ŋuna ka akai a ŋina iŋadao ŋiboro.

Mal. 3:10

Yautu atututbet apei alotooma ŋatomon aloboro kus Kai ka Akuj, ikotere tolalaar akimuj a nen. Kikatakisi mono iyes akitiya ŋun neni kaŋ, iŋolikinete iyes aŋauni ayoŋ ajokis daadaŋ ŋina anakuj, ido obuk neni kus ŋiboro daadaŋ ŋulu ajokak.

Ekim. 15:20

Anamuret a ŋakirya a ŋuna igeunete iyes amurakin, emaikina iyes inakis Ekapolon abopulo ŋina esyaunan. Iinakinete iyes iŋes lopite ŋolo einakinere ainakinet ŋina a ŋikinyom a ŋulu isyaunio aramun analos.

Ekim. 18:21

“Ainak ayoŋ ŋilepi atutubet apei alotooma ŋitomon a ŋinibore daadaŋ alo Isirael aruwor ŋini kec totacere ikes aŋuna ke etic a ŋolo itiyaete ikes alotooma eema ŋolokilipet.

Ekim. 18:31

Ipedorete iyes akimuj ŋiboro ŋul aneni daadaŋ icamitotor, iyes kaapei ka ŋituŋa a ŋikalya kus, anerae erae eropit kus aŋuna a ŋiticisyo a ŋulu itiyaete iyes aloeema a ŋolokilipet.

Ŋikis. 12:17

Nyemaikina daŋ iyes tonyama alotaunio kus atutubet apei alotooma ŋitomon a ŋikinyom kus, a epiini kus, a akimyet kus, a ŋikiyae a ŋaatuk kus ka ŋamesekin kus, ŋainakineta daadaŋ ŋuna ikoŋito iyes ainakin neni ka Akuj, ŋainakineta kus ŋuna iyaunete iyes ka acamit kus, kori ŋainakineta kus ca daadaŋ.

Ŋikis. 12:6

yaanasi nen ŋainakineta kus ŋuna epeyo ka ŋamuronisya kus, atutubet apei alotooma ŋitomon a ŋiboro kus ka ŋainanakineta kus, ŋainakineta ŋuna ikoŋit ituŋanan ainakin neni ke Ekapolon, ŋainanakineta ŋuna eyauni ituŋanan a acamit keŋ, ŋikiyae a ŋaatuk kus ka a ŋamesekin kus.