Ŋikis. 13:5 - Ebaibul

⁵ Nai emaikina toarae ŋikadwarak ka ŋikerujak ŋul ŋulu edwarete ŋakiro ŋuna eponito ŋul aŋuna erworotor ŋakiro ŋuna ka akiteŋer iyes Ekapolon Akuj kus ŋina ikiyauni iyes anakwap a Ijipit a ŋina ikilakunia iyes anapitoonut. Aŋun ilemarete iyes aronis alokidiŋ kus.

Ŋikis. 13:5 Iomraidhean Croise

1 Ŋirw. 13:19

Aŋun, abu ekile ŋolo arae ituŋanan ŋini ka Akuj ŋol toboŋosi ka ekadwaran ŋol, kimuj ka tomat ŋakipi alo kai a ekadwaran a ŋol.

1 Ŋirw. 18:40

Tema Eliya neni a ŋituŋa, “Kikamutu ŋikadwarak a Baal, nyimyekis epei daŋ ebucar.” Kikamut nai ŋituŋa ikes; yau Eliya ŋikadwarak ŋul totiyaaror nayonae Kison, ido toar ikes a nen.

2 Ŋakiro a ŋirwa 34:31

Towo erwosit Yosia anakibois a ŋina sek iboiyonokin iŋes, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol.

Yer. 14:15

Aŋun irworo Ekapolon aŋuna a ŋikadwarak a ŋulu edwarete enyarito ekiro kaŋ atemar tari ŋina pa eyakitor ayoŋ ikes ŋulu ebasi, “Nyikiaryo a ekileŋ ka nyebuni eron nakwap na.” Earyo ŋikadwarak ŋul a ekileŋ ka etwakete aŋuna a eron.

Yer. 29:32

a ŋakiro a ŋun, alosi ayoŋ akisican Semaia ŋolo a Neelam ka ŋiletok keŋ, mam ituŋanan keŋ erubakini eyari alotuŋa a lu, ŋini iŋolikini ajokis ŋina alosi ayoŋ akitiya neni a ŋituŋa kaŋ, anerae adau iŋes alimokin ŋituŋa akiŋer Ekapolon.’ ”

Yer. 50:6

“Apotu ŋituŋa kaŋ towoliyosi ikwa ŋamesekin ŋuna eoliyorito, etooliyosi ŋikeyokok kec ikes, ayaasi ikes kidiama ŋimoru, aloseneneete ikes alomoru tari lokamukumukui, emuryak ikes neni sek eperete.

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Sakar 13:3

Ani ketakanu nabo ekadwaran ece, etemarete atapapa kec ka atatoto kec neni kec ebe, ‘Emainina iyoŋ totwan, anerae ikilimokini iyoŋ isua alyokonu alokiro ke Ekapolon.’ Ani kedwar iŋes icumete ŋikauruunak keŋ iŋes toara.

Ŋitic. 13:8

Nai abu ekekukujan Elimas (epite ŋol anyaritotor Ŋigirik Ba-Yesu ŋol), ŋolo acamit akitooliyor ekepukan ananupit ŋakiro ŋuna ka Akuj, kitepeg ikes.

Ŋikis. 13:10

Tocaka iŋes a ŋamoru toara aŋuna acamitor akiteŋer iyoŋ Ekapolon Akuj kon ŋina ikiyauni iyoŋ anakwap a Ijipit anakwap a ŋina ka apitoonut.

Ŋikis. 13:15

emaikina iyes toara ŋituŋa ŋulu iboiyete alotaun a ŋol daadaŋ, tomunaasi etaun ŋol jik ka ibore daadaŋ ŋini eyai tooma keŋ, toara a ekileŋ tari ŋaatuk ŋuna eya lotaun ŋol.

Ŋikis. 13:9

Emaikina ituŋanan ŋini icocoyaryo kisyau akitereŋun ituŋanan ŋin, idio todoto ŋituŋa ŋuluce.

Ŋikis. 17:5

emaikina nai iyes yaut ekile ŋol, kori aberu ŋin ŋina itiyat ŋakiro ŋuna eŋerit Akuj ŋun lopuke a etaun kus, tosodi emaikina iyes tocaka ekile ŋol, kori aberu ŋin a ŋamoru tari ŋina etwania.

Ŋikis. 17:7

Ŋisuudae ikes egeunete akicak ituŋanan ŋini etubokinitae atwanare, ani ekaku tocaka ŋituŋa ŋuluce daadaŋ. Aŋun ilemarete iyes aronis alokidiŋ kus.

Ŋikis. 18:20

Nai ekadwaran ŋolo irworo alokiro a ŋakujo, kori ŋolo elimuni alokiro kaŋ ŋakiro ŋuna pa alimokinit ayoŋ iŋes akirwor, emaikina ekadwaran ŋol totwan.”

Ŋikis. 19:19

emaikina iyes kitiyata neni a ŋolo esitakinit ŋoloce a ŋakiro aŋuna nyiyookino ŋuna sek acamit iŋes kitiyae neni a ŋolo esitakinit iŋes. Aŋun, ilemarete iyes aronis alokidiŋ kus.

Ŋikis. 22:21

emaikina yaarae apese ŋin kiŋa epuke ŋolo a akai a papa keŋ, tosodi tocaka ŋikilyok a etaun iŋes a ŋamoru toara, anerae etiya iŋes ŋakiro ŋuna a ŋileec alo Isirael aŋuna abunio kiryamakinotor ka ekile eriŋa nyiita. Aŋun, ilemarete iyes aronis alotuŋa kus.

Ŋikis. 22:24

emaikina iyes yaut ikes daadaŋ ŋiarei lopuke ŋolo ke etaun a ŋol, tocaka ikes a ŋamoru toara. Earyo apese, anerae abu iŋes nyiworou ikotere eiunete iŋes ŋituŋa a ŋulu ke etaun, earyo ekile, anerae abu iŋes kiryamakinos ka apese a ekidunyet keŋ. Aŋun, ilemarete iyes aronis alokidiŋ kus.

Ŋikis. 24:7

Ani kikamun ituŋanan ŋini ekokoiyarit ituŋanan ŋini erae Esiraelit, akituruwor iŋes epito, kori agyelar, emaikina ituŋanan ŋini ekokoiyarit ŋinice toarae. Aŋun, ilemarete iyes aronis alokidiŋ kus.

Ŋikis. 26:14

Nyenyama isua adio a atutubet a ŋina italeoritae, nyinyama isua ikes, apaki ŋina egworore, nyelemara isua ikes apaki ŋina ikitoroniyaritere, nyeinakina isua ikes adio erae ainakinet neni a ŋikatwak. Ewuapi isua ŋakiro ŋuna ke Ekapolon Akuj kosi, etiyae daadaŋ ŋuna ikicik iŋes isua akitiya.

Ŋikis. 4:19

Tosodi ani ireorete iyes kidiama kiŋolikis akoloŋ, elap ka ŋikacer ka ŋiboorei daadaŋ ŋulu eyakasi kidiama, tocoito ioliyorete ikisyakis akilip neni kec ka kitiyanakis ikes, erae ŋul ŋiboorei ŋulu akoraki Akuj ŋituŋa daadaŋ ŋulu a ŋakwapin a daadaŋ.

Ŋikis. 6:13

Kitopoloorito Ekapolon Akuj kus, kitiyanakinete iŋes ka kikoŋo a ekiro keŋ bon.

Ŋikis. 7:4

anerae epedorete ŋun akiteŋer ŋidwe kus akiwuapit ŋakiro kaŋ, tosodi kitiyanakis ŋakujo ŋace. Ebuni nai Ekapolon aŋoikin iyes nooi, ido ikimunyari iŋes iyes atipei.

Yos. 23:8

Nai kikinyoma Ekapolon ŋolo erae Akuj kus lopite ŋolopei sek iponiata kikinyometa akitodol tari tokona.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Ŋikat. 20:13

Aŋun, yautu tokona ŋikesyaak ŋulu a Gibea, ikotere toarae isua ikes, tolemarere aronis alo Isirael.” Nai apotu ŋituŋa a ekabila a Benjamin nyecamut ŋakiro ŋuna a ŋiyeneta kec a Ŋisirael a ŋuluce.

1 Sam. 12:14

Ani kitopoloosi iyes Ekapolon, kitiyanakis iŋes, topupo ŋuna ebala iŋes, ido nyiŋero ŋakiciketa keŋ ka ani kiwuapa iyes ke erwosit ŋolo ikipukat iyes Ekapolon Akuj kus, ejokyata ŋakiro aneni kus.