Ŋikis. 13:17 - Ebaibul

¹⁷ Nyiridasi a ŋakan kus idiobore ŋini emaikina tomunaarae, ikotere ejoŋoe Ekapolon aŋoikinit iyes, ikisyon iyes, ido anakisyon keŋ, ikitiput iyes lopite ŋolo ekoŋitor neni atapapaa kus.

Ŋikis. 13:17 Iomraidhean Croise

Akisy. 26:24

Nakwaare akoloŋit ŋinapei alomya Isaka nakwap ŋin, totakanu Ekapolon neni a Isaka tema, “Arae ayoŋ Akuj a papa kon Aburaam, nyikuryaniar, anerae ikiruki ayoŋ ka iyoŋ, eketerereŋi ayoŋ iyoŋ ka etalalauni ŋiletok kon nooi aŋuna a eketiyan kaŋ Aburaam.”

Akisy. 26:4

Etipituni ŋiletok kon tolalata ikwa ŋikacer, ainakini ikes akwap na daadaŋ. Eryamunete ŋituŋa a ŋakwapin a daadaŋ ŋarereŋisyo aloletok kon

Akisy. 28:14

elalata ŋiletok kon ikwa apuwa ŋina a ŋalup; ilaparosi lowae ŋolo alo Kwap, alo Kide, alo Kuju ka ŋolo alo To; ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon.

Ŋikiru. 78:38

Nai arae Akuj ŋina esyonon; abu kisyoni aronis kec, ido abu nyemunya ikes; abu a ŋinapaki kililiŋia aŋoit keŋ, ido abu nyenyunyurikin ŋituŋa keŋ.

Ŋikiru. 85:3

Idau iyoŋ ajoŋore anyunyura neni a ŋituŋa kon; ijoŋo iyoŋ aŋoikinit ŋituŋa kon a adedeŋu.

Awos. 20:6

nai etoodikini amina kaŋ ŋina nyiryaŋiryaŋa nanyamet ŋina ka aliput a ŋulu akaminasi ayoŋ, ido kiricito ŋakiciketa kaŋ.

Awos. 32:12

Kaanukiro irworotor Ŋijipitian ebe, ‘Arae akitiya ŋuna aronok neni kec, iŋes ayaunia iŋes ikes lomukura lu, ikotere emunyari ikes anakwap a daadaŋ’? Kimyek aŋoit kon ŋin ŋina ka anyunyura; kilocok ŋatameta kon, ido nyisican ŋituŋa kon.

Aum. 3:32

Epedori Ekapolon ayaun aryeba neni yok, nai ikisyoni iŋes iwon anamina keŋ a ŋina nyiryaŋiryaŋa.

Esek. 37:26

Ewuakini ayoŋ acamunet kaŋ ka ikes ŋina a ekisil, eruwor acamunet kaŋ ŋin ka ikes ŋina a ŋikaru ka ŋikaru, eterereŋi ayoŋ ikes ka etipituni, ido ewuakini ayoŋ akibois kaŋ ŋina asegan neni kec ŋikaru ka ŋikaru.

Osea 11:9

Nyekesicani ayoŋ iyes anaŋoit kaŋ a ŋina a dedeŋan, nyamunyari nabo ayoŋ ŋituŋa a Epuraim, anerae arae ayoŋ Akuj, meere ituŋanan. arae ayoŋ Akuj ŋina Asegan ŋina ayai kidiŋ kus, nyabuni ayoŋ neni kus anyunyura.

Ekim. 25:4

Tolimok Ekapolon Moses tema, “Tocunak ŋikarikok a ŋituŋa daadaŋ, toar ikes daadaŋ naparan alokiŋaren Ekapolon, ikotere ejoŋoe Ekapolon aŋoikinit Ŋisirael.”

1 Ŋikor. 16:22

Ani pa kemina ituŋanan Ekapolon, itemokino iŋes kicenoi. Ekapolon kosi, bua!

Ŋikis. 13:18

Itiyakinosi ŋun erae kiwuapa iyes ŋakiro ŋuna elimuni Ekapolon aŋuna iwuapyata ŋakiciketa keŋ ŋuna ekecik ayoŋ iyes akiwuap nakoloŋit na ka torubak itiyaete ŋuna iyookino alokiŋaren Ekapolon Akuj kus,

Ŋikis. 30:3

ebuni nai Ekapolon akinyakakin iyes ŋarereŋisyo kus ka ikisyon iyes, ikicunu nabo iyes anakwapin a ŋuna aris iŋes kikiela iyes.

Ŋikis. 30:5

ikiyauni iyes Ekapolon Akuj kus nakwap ŋina erae ŋina atapapaa kus ka eruwor akwap ŋin ŋina kus, ikitabari iŋes iyes ilounete ka akilo atapapaa kus,

Ŋikis. 7:13

ikiminakini iŋes iyes, ikiterereŋi iŋes iyes ka ikitipituni iŋes iyes; iterereŋi iŋes ŋidwe kus ka ŋinyomen a ŋimanikorin kus lu: Ŋikinyom, epiini ka akimyet; ikiterereŋi iŋes iyes ikitabar a ŋaatuk ka ŋamesekin anakwap a ŋina abu iŋes kikoŋ neni a atapapaa kus atemar ikiinakini iyes.

Ŋikis. 7:26

Nyiyaut ŋiboro ŋulu eŋerit Akuj nakais kus, kitiyata iyes ŋun, ikityakaryo iyes daŋ toruworos ŋulu ikimunyaryo ikwa ikes. Emaikina iyes toŋerito jik ka tojamuwarito ikes, anerae erae ikes ŋulu etyakaritae aŋuna ka akinyasuno.

Yos. 22:20

Ani mono apaki ŋina asecia Akani lokoku a Sera ŋolo abu kinunaa ŋiboro ŋulu alimunit Ekapolon atemar emaikina tomunaarae, pa mono abu anyunyura a Ekapolon bu neni a Ŋisirael daadaŋ a? Nabo meere Akani bon abu totwan apaki ŋin aŋuna ka asecit keŋ.’”

Yos. 6:18

Nai iyes, kiuryasi, nyetapa idiotuŋanan ŋiboro ŋulu ilamitae ŋul, ikotere apaki ŋina imunyaryata iyes ikes, nyikodut ŋiboro ŋulu ilamam, yaut nalomari ŋina a Ŋisirael, ido kituruwosi ŋina ilamam, ŋina akodakin ŋican.

Yos. 6:24

Kicunyakis ikes etaun ka ibore daadaŋ ŋini keyai tooma, mati bon ŋiboro lu: Esilipa ka egolid ta Ŋiboro ŋulu etiyaunitae a eburonis ka a ŋasuwa. Aponi ŋul yaarae kiŋadakinae nakibois ŋina elipyata Ŋisirael Ekapolon.

Yos. 6:26

Apaki ŋin, abu Yosua kikoŋ tema, “Icenen alokiŋaren Akuj ituŋanan ŋini ikatakini akiduk etaun lo ŋolo a Yeriko. Ani kedukoki akisyakinet, etaci a ikiyae keŋ; ani kedukoki ŋikekya, etaci a iŋoorit keŋ.”

Yos. 7:1

Nai apotu Ŋisirael nyiwuapa ŋuna ecikit Ekapolon ikes ebala nyelemasi alo Yeriko idiobore. Abu ekile ŋolo anyaritae Akan tolemu ŋiboro ŋulu sek abookoi nyilemut, ido abu Ekapolon toŋoik Ŋisirael nooi. (Arae Akan lokoku a Karami a ŋolo arae Lokoku a Sabadi, a ŋolo arae lokoku a Sera a ŋolo alokabila a Yuda.)

Yos. 7:26

Totukokinae kidiama Akan ŋamoru ŋuna alalak ŋuna eya tari tokona. Tojoŋo nai Ekapolon aŋoikinit Ŋisirael. Ŋakiro ŋun iŋes enyaritere akibois ŋin akadipaalat ŋina ka Akor tari tokona.

Yos. 8:28

Kicunyak nai Yosua Ai, kituruwo ereŋorot ŋoloruba ka neni asilon tari tokona.