Ŋikis. 13:15 - Ebaibul

¹⁵ emaikina iyes toara ŋituŋa ŋulu iboiyete alotaun a ŋol daadaŋ, tomunaasi etaun ŋol jik ka ibore daadaŋ ŋini eyai tooma keŋ, toara a ekileŋ tari ŋaatuk ŋuna eya lotaun ŋol.

Ŋikis. 13:15 Iomraidhean Croise

Esir 10:16

Apotu nai Ŋisirael ŋulu aboŋunete anakwap a ŋina arikoritae kitiyata ŋun. Abu Esira esacaradoti toseu ŋikilyok ŋulu arae ŋikapolokinitok a ŋatekerin, ido aponi kigirae ŋirorwa kec. Ani edoli ŋirwa ke elap epei, elap ŋolo a ŋitomon apotu ikes kiboikinos aanyun ŋakiro; nun.

Awos. 22:20

“Ituŋanan daadaŋ ŋini einakini amuronot keŋ neni ka akuj ka ace akilo Ekapolon bon, emaikina toarae.

Awos. 23:24

nyemaikina iyes toryediko alokiŋaren ŋakujo kec, kori kilipa neni kec, kori kiwuapa ŋuna itiyao aŋuna kec. Emaikina iyes kinyasut ŋakujo ŋun, tobwaŋabwaŋaasi ŋipirin ŋul ŋulu italetoe erae ŋakujo kec.

Ŋilep. 27:28

“‘Nai ibore daadaŋ ŋini ayakar ituŋanan, ŋini adau ituŋanan akitaleikin neni ke Ekapolon, kerae ituŋanan, ibarasit, kori ŋalup ŋadi ŋuna a ekal keŋ, nyemaikina togyelarae, kori tolakunae. Eseg ibore daadaŋ ŋini italeiyoritae neni ke Ekapolon.

Ŋikis. 13:14

Emaikina iyes kiŋitut ejok ŋakiro ŋun ka kimimaut ejok. Ani keyenun atemar itiyatae ŋakiro ŋuna ka asiilyo ŋun alokidiŋ kus,

Ŋikis. 13:5

Nai emaikina toarae ŋikadwarak ka ŋikerujak ŋul ŋulu edwarete ŋakiro ŋuna eponito ŋul aŋuna erworotor ŋakiro ŋuna ka akiteŋer iyes Ekapolon Akuj kus ŋina ikiyauni iyes anakwap a Ijipit a ŋina ikilakunia iyes anapitoonut. Aŋun ilemarete iyes aronis alokidiŋ kus.

Ŋikis. 17:4

tosodi ani kikilimokin iyes, kori kiirasi iyes ŋakiro ŋun, kimimaut iyes ejok ŋakiro ŋun toryamut atemar itiyatae kire alo Isirael ŋakiro ŋuna eŋerit Akuj,

Ŋikis. 2:34

Apaki ŋin, aponi iwon kikamarae ŋitaunio keŋ daadaŋ ka alotooma ŋolotaun, aponi iwon tomunyarae ŋikilyok, ŋaberu ka ŋidwe. Nyimyekina iwon ituŋanan keŋ ipei daŋ eyari.

Ŋikis. 7:16

Imunyarete iyes ŋituŋa daadaŋ ŋulu ikipotok Ekapolon iyes, nyisyoniyete iyes ikes nyitiyanakis ŋakujo kec, anerae eruwor ŋun ibore ŋini ikiteŋeri iyes akiwuap ŋakiro ŋuna ka Akuj.

Ŋikis. 7:2

ka ani ikipotokini iyes Ekapolon Akuj kus ikes, ido kilout iyes ikes, emaikina iyes tomunyasi ikes jik. Nyicamunosi ka ikes ka nyisyonioto ikes.

Yos. 6:24

Kicunyakis ikes etaun ka ibore daadaŋ ŋini keyai tooma, mati bon ŋiboro lu: Esilipa ka egolid ta Ŋiboro ŋulu etiyaunitae a eburonis ka a ŋasuwa. Aponi ŋul yaarae kiŋadakinae nakibois ŋina elipyata Ŋisirael Ekapolon.

Akis. 17:16

Ŋamomwar ŋatomon ŋuna ibu iyoŋ toanyuwa, eremokinosi ikes kaapei ka etyaŋ eŋerete amalaat; elemarete ikes ibore daadaŋ ŋini eyakar iŋes, kimyekis eleri, irikarete ikes iŋes ka kicunyasi.

Ŋikat. 20:3

(Kiirasi ŋituŋa a ekabila a Benjamin atemar etipeiyosi Ŋisirael daadaŋ Misipa.) Kiŋita nai Ŋisirael Elepait temasi, “Tolimokinae isua epite ŋolo etiyakinotor ŋakiro ŋuna aronok nu.”

Ŋikat. 20:48

Apaki ŋin, toboŋosi Ŋisirael neni aya ŋituŋa a ekabila a Benjamin, toara a ekileŋ ŋituŋa ŋulu eboiyete alotaun, ŋibaren ka ibore daadaŋ ŋini edoŋit, kicunyakis tari ŋitaunio ŋulu ariŋa nyicunya.