Ŋikis. 12:6 - Ebaibul

⁶ yaanasi nen ŋainakineta kus ŋuna epeyo ka ŋamuronisya kus, atutubet apei alotooma ŋitomon a ŋiboro kus ka ŋainanakineta kus, ŋainakineta ŋuna ikoŋit ituŋanan ainakin neni ke Ekapolon, ŋainanakineta ŋuna eyauni ituŋanan a acamit keŋ, ŋikiyae a ŋaatuk kus ka a ŋamesekin kus.

Ŋikis. 12:6 Iomraidhean Croise

2 Ŋakiro a ŋirwa 31:14

Aponi Kore lokoku a Imina a Elepait a ŋolo ete epuke ka Akai ka Akuj ŋolo enyaritae epuke ŋolo alo Kide kiwuakinae akijaunun ŋainakineta ŋuna eyaunite ŋituŋa anacamit kec neni ke Ekapolon ka akoranar ŋainakineta ŋun ta ŋuna etaletoi.

2 Ŋakiro a ŋirwa 7:12

totakanu Ekapolon neni a Solomon nakwaare. Tema neni a Solomon, “Adau ayoŋ akiirar akilip kon, adau ayoŋ aseun akibois na aŋuna kaŋ ka ikwapei Akai ŋina itiyaere ŋamuronisya.

Esir 3:2

togeut nai Yesua lokoku a Yeosadak kaapei ka ŋisacaradotin ŋuluce ka Serubabel lokoku a Sealtiel ta ŋiyeneta keŋ adukokin Namuroet ŋina ka Akuj a Isirael ikotere einanakinete ŋainakineta ŋuna epeyo alokidiama Namuroet ŋin, lopite ŋolo elimunitere alokisila a Moses a ŋolo arae ituŋanan ŋini ka Akuj.

Neem. 10:36

Ikicamu daŋ isua ayaunun ŋidwe kosi ŋulusapa ŋulu kiyae ka ŋikiyae a ŋaatuk kosi lopite ŋolo igiritere lokisila ka ŋikiyae a ŋamesekin kosi Kai ka Akuj kosi ka neni a ŋisacaradotin a ŋulu itiyaete nen.

Neem. 10:39

Emaikina Ŋisirael kaapei ka ŋilepi yaanasi ŋainakineta kec ŋuna a ŋikinyom, ŋuna a epiini, a akimyet nagulei ŋuna iŋadao ŋiboro, neni eya ŋiboro ŋulu isitiyao anakibois a ŋina asegan ka neni eya ŋisacaradotin ŋulu itiyanakinete Ekapolon ka neni eya ŋiketeok ŋipukei ta ŋikaeok. Nyikijamakini isua Akai ka Akuj kosi.

Ŋikiru. 116:17

Ayauni ayoŋ neni kon amuronot ŋina ka alakara, ido onyara ekiro kon okoe Ekapolon.

Esek. 20:40

“‘Anerae alokidiama emoru kaŋ ŋolo asegan, emoru ŋolo eoya alo Isirael, epote Ŋisirael daadaŋ akitiyanakin ayoŋ ka acamuni ayoŋ ikes a nen, ido a nen, eiitani ayoŋ aneni kus ŋamuronisya, ŋainakineta ŋuna ajokak ka ŋiboro kus daadaŋ ŋulu italeunitoe

Ŋilep. 1:3

Ani kerae ainakinet ŋin ŋina epeyo ŋina elemunitae alosipan a ŋibaren, emaikina iŋes tolemu etaok ŋolo ajokan ŋolo emam neni eŋwalit; yau lopuke ŋolo ke eema a ŋolo ilipere, ikotere Ekapolon ecamuni aŋuna keŋ ibarasit ŋin.

Mal. 3:10

Yautu atututbet apei alotooma ŋatomon aloboro kus Kai ka Akuj, ikotere tolalaar akimuj a nen. Kikatakisi mono iyes akitiya ŋun neni kaŋ, iŋolikinete iyes aŋauni ayoŋ ajokis daadaŋ ŋina anakuj, ido obuk neni kus ŋiboro daadaŋ ŋulu ajokak.

Mal. 3:8

“Ekeŋisit ayoŋ iyes ebe, ‘Ejok mono ituŋanan akoko Akuj a?’ Mam nyejok, nai ikikokoyete iyes ayoŋ, ido iŋitasi ibasi, ‘Alipite ikikokoya isua iyoŋ?’ Ikikokoyete iyes ayoŋ aŋuna nyiyaununiyata atutubet apei alotooma ŋatomon aloboro kus ka aŋuna nyikiinanakiniata ayoŋ ŋainakineta.

Luk. 11:42

“Ekaŋ iyes Ŋiparisayon! Ilemyanakinete iyes Akuj alemikinet apei anatomon a ŋikito a ŋulu itoboboete akimuj, nai ijamakinito iyes ŋakiro ŋuna iriyan ŋuna ka Akuj ka amina keŋ. Itemokino iyes akitiya nu tomam ajamakinit ŋunace.

Luk. 18:12

Aroneene ayoŋ ŋaroniet ŋaarei a ŋolosabit, nabo akalemianakini iyoŋ atutubet apei ŋina kitomonet a ŋinibore a daadaŋ aryamuni ayoŋ.’

Ŋikis. 12:17

Nyemaikina daŋ iyes tonyama alotaunio kus atutubet apei alotooma ŋitomon a ŋikinyom kus, a epiini kus, a akimyet kus, a ŋikiyae a ŋaatuk kus ka ŋamesekin kus, ŋainakineta daadaŋ ŋuna ikoŋito iyes ainakin neni ka Akuj, ŋainakineta kus ŋuna iyaunete iyes ka acamit kus, kori ŋainakineta kus ca daadaŋ.

Ŋikis. 26:2

emaikina iyes tolemut alokinyom a daadaŋ ŋaraito ŋuna esyaunak ŋadi ŋuna itaunete iyes anakwap a ŋina ikiini iyes Ekapolon Akuj kus, kiwuakis lobukit, yaasi nakibois ŋina eseuni Ekapolon Akuj kus aruwor neni ilipere iŋes.

Yos. 22:27

Nai erae iŋes esuuda kosi ka iyes ka ŋolo a ŋiletok yok, esuuda ŋolo itoodiuni atemar erubakinio isua ilipyo neni ke Ekapolon anakibois a ŋina Asegan a na ka erubakinio einanakinio ŋainakineta ŋuna epeyo, ŋamuronisya ka ŋainakineta ŋuna ke ekisil; ikotere nai manan nyetemasi ŋiletok kus neni a ŋiletok kosi, ‘Nyiraakasi iyes ŋituŋa ŋulu ke Ekapolon.’ Ani ketemasi ikes nen neni a ŋiletok kosi, eboŋokinete ikes etemarete, kiŋolikisi etorube lo ŋolo a Namuroet a ŋina

1 Sam. 1:21

Apaki ŋina edounere Samuel, apotu Elkana ka ŋituŋa a ekal keŋ kitipeiyosi Silo akiya neni ke Ekapolon ŋamuronisya kec ŋuna a ekaru a ŋol ka akisiyookin ŋuna kebu iŋes kikoŋ neni ke Ekapolon.

1 Sam. 1:24

Ani ejoŋoe ikoku akinak, abu Ana ya ikoku keŋ Kai a Ekapolon ŋina ayai Silo, tomyaa emoŋ ŋolo arae apolou ŋikaru ŋiuni, ya ŋakirya ŋakiloi ŋatomoniarei ka ŋaarei ka ebur ŋolo etiyaunitae alolou a ibarasit ŋolo eturitae epiini.