Ŋikis. 12:5 - Ebaibul

⁵ Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 12:5 Iomraidhean Croise

1 Ŋirw. 12:27

erae kerubakis ŋituŋa lu eayeneneete ŋamuronisya kec kai a Ekapolon Yerusalem, ido eriyete nabo ke ekapolon kec Reoboam erwosit ŋolo a Yudaya ka epedorete akiar ayoŋ, ido toboŋosi kipuka Reoboam erwosit ŋolo a Yudaya.”

1 Ŋirw. 14:21

Apaki ŋin arae Reoboam lokoku a Solomon epukat Yudaya. Arae ŋikaru a Reoboam ŋatomoniomwon ka epei apaki ŋina esyakinia akipuka Yudaya, ido abu iŋes kipuka Yudaya alo Yerusalem ŋikaru ŋitomon ka ŋikanikaarei. Kipuka iŋes Yudaya alotaun a ŋolo abu Ekapolon toseu toyakaun ekiro keŋ alotaunio a daadaŋ a ŋulu a ŋikabilae a Ŋisirael. Arae ekiro a toto a Reoboam Naama, arae iŋes Amonait.

1 Ŋirw. 8:16

‘Ameun akoloŋit ŋina ayaunia ayoŋ ŋituŋa kaŋ Ŋisirael anakwap a Ijipit, mam etaun edio ŋolo aseu ayoŋ alokabila ke edio a ŋolo a Ŋisirael, ŋolo emaikina todukokinae Akai ikotere ekiro kaŋ eyakaun nen; nai abu ayoŋ oseu Daudi akipuka ŋituŋa kaŋ Ŋisirael.’

1 Ŋirw. 8:20

Esiyook tokona Ekapolon ŋakiro ŋuna abu kiik; anerae elunyokin tokona ayoŋ napukan a papa kaŋ a Daudi, eboikin lokicoloŋ ŋolokipukaet Ŋisirael, lopite ŋolo eikinitor Ekapolon, ido adau ayoŋ adukun Akai aŋuna a ekiro ke Ekapolon Akuj ŋina a Ŋisirael.

1 Ŋirw. 8:27

“Nai ipedori mono kire iyoŋ Akuj akiboi alokwap ka ŋituŋa a? Ŋina nyelolomya tari nakuj daadaŋ akiboiyo iyoŋ, ikokini nai Akai ka Akuj ŋina aduku ayoŋ epedori akitemokin iyoŋ akiboiyo ai?

1 Ŋirw. 8:29

Elipi kite iyoŋ Akai na nakwaare ka naparan, kite akibois na ŋina ibu iyoŋ tolimu a ŋuna keŋ ebe, ‘Neni eyakaun ekiro kaŋ ne,’ ikotere nai iirari iyoŋ eketiyan kon ilipi neni kon iŋoliunit nakibois na.

2 Ŋirw. 18:22

Ani nabo kitemasi iyes ayoŋ imecakinito iyes neni ke Ekapolon Akuj kus, meere mono ŋakiboisyo ŋuna eya nenimukur ka ŋamuroeta keŋ abu Esekia tobwaŋabwaŋa a? Pa abu iŋes kicikak ŋituŋa a Yudaya ka Yerusalem akilipenen a Namuroet a ŋina eyai Yerusalem a?

1 Ŋakiro a ŋirwa 22:1

Tema nai Daudi, “Emaikina Akai ke Ekapolon ka Akuj min ne, kaapei ka Amuroet ŋina icunyere ŋainakineta ŋuna a Ŋisirael.”

2 Ŋakiro a ŋirwa 7:12

totakanu Ekapolon neni a Solomon nakwaare. Tema neni a Solomon, “Adau ayoŋ akiirar akilip kon, adau ayoŋ aseun akibois na aŋuna kaŋ ka ikwapei Akai ŋina itiyaere ŋamuronisya.

Esir 3:2

togeut nai Yesua lokoku a Yeosadak kaapei ka ŋisacaradotin ŋuluce ka Serubabel lokoku a Sealtiel ta ŋiyeneta keŋ adukokin Namuroet ŋina ka Akuj a Isirael ikotere einanakinete ŋainakineta ŋuna epeyo alokidiama Namuroet ŋin, lopite ŋolo elimunitere alokisila a Moses a ŋolo arae ituŋanan ŋini ka Akuj.

Esir 6:12

Elipi Akuj ŋina adau aseun Yerusalem aruwor akibois ŋina ilipere iŋes, tolema anapukan erwosit daadaŋ ka ŋituŋa daadaŋ ŋulu ikatakinete akilocokin ŋakiro nu, kori ŋini inyasuni Akai ka Akuj na alo Yerusalem. Ayoŋ, Darius atub ŋakiro ŋun, emaikina kiwuapae emam apegakinet.”

Esir 7:17

Emaikina iyoŋ kisitiya ŋisiliŋa ŋul agyelya ŋimoŋin, ŋimeesekin, ŋikaalei ŋulumesekin ka ŋainakineta ŋuna a ŋikinyom ta ŋainakineta ŋuna a ŋimaten, emaikina iyoŋ inak ikes neni ke Ekapolon a Namuroet a ŋina ka Akai ka Akuj kon alo Yerusalem.

Neem. 1:9

nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Ŋikiru. 78:68

nai abu toseu ekabila a Yuda, toseu emoru Sion ŋolo abu iŋes tominak nooi.

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Awos. 20:24

Emaikina iyes kitiyaut a ŋalup Namuroet aŋuna kaŋ, ido inanakis ŋainakineta kus neni kaŋ a nen, ŋainakineta kus ŋuna a ŋamesekin ka ŋimoŋin ŋuna epeyo ka ŋuna ke ekisil. Abuni ayoŋ akiterereŋ iyes anakibois a daadaŋ a ŋina akainakini ayoŋ iyes akilipya ayoŋ.

Awos. 25:22

Ikiryamun iwon nen, ido alokidiama akibois ŋina ka akisyonio ŋin, ŋina eyai kidiŋ Ŋisubuna ŋul ŋiarei ŋulu eya kidiama Asaduku ŋina ka Acamunet, akainakini ayoŋ iyoŋ Ŋakiciketa kaŋ daadaŋ aŋuna a Ŋisirael.”

Yer. 26:2

tolimok Yeremia tema, “Towo analapatu a ŋina alokiŋaren Akai ke Ekapolon, ido kirwor neni a ŋituŋa a daadaŋ a ŋulu iboiyete alotaunio a Yudaya, ŋituŋa ŋulu eponeneete akilip alo Kai ke Ekapolon, tolimok ikes daadaŋ ŋakiro ŋuna ekeciki ayoŋ iyoŋ, nyimunon ŋakiro ŋadi.

Yer. 7:12

Toloto tokona nakibois kaŋ ŋina koloŋ ayai Silo, neni abu ayoŋ ewuak toyakaun ekiro kaŋ apaki ŋina esyaunan, ido kiŋolikis ŋuna abu ayoŋ etiya nen aŋuna ka aronis a ŋituŋa kaŋ a Ŋisirael.

Yer. 7:14

aŋun etiyae ayoŋ ŋuna abu etiya Silo neni ka Akai a ŋina enyaritere a ekiro kaŋ, a ŋina ikinyomito iyes ka akibois ŋina abu ayoŋ okoinak iyes ka neni atapapaa kus.

Ŋilep. 17:4

akilo iŋes ayaun lopuke ke eema a ŋolo ilipere, inak neni ke Ekapolon alokiŋaren eema keŋ erae ainakinet, emaikina ituŋanan ŋin toruwor ŋini esecit aŋuna abukorya ŋaokot, ikwapei abukorya iŋes ŋaokot, emaikina iŋes kiritarae alotuŋa keŋ.

Ekim. 7:89

Apaki ŋina alomarya Moses loeema ŋolokilipet akirwor ke Ekapolon, abu iŋes kiira etoil irworo neni keŋ alokidiama akibois ŋina ka akisyonio ŋina ayai kidiama Asaduku ŋina ka Acamunet, abunit etoil ŋol alokidiŋ Ŋisubuna ŋulu a ŋabebenuk ŋuluarei kirwor neni keŋ.

Ŋikis. 12:11

emaikina nai iyes yaut ŋiboro daadaŋ ŋulu adau ayoŋ alimokin iyes nakibois ŋina eseuni Ekapolon Akuj kus akiboiyo, iyaunete iyes nen ŋainakineta kus ŋuna epeyo, ŋamuronisya kus atutubet apei alotooma ŋitomon a ŋiboro kus, ŋainakineta kus ka ŋainakineta kus daadaŋ ŋuna ajokak ŋuna ipotu iyes kikoŋo ainakin neni ke Ekapolon.

Ŋikis. 12:13

Tocoito iinakinete ŋainakineta kus ŋuna epeyo anakibois a adio a ŋina iŋolikinete iyes.

Ŋikis. 12:18

Emaikina iyes tonyama ŋul alokiŋaren Ekapolon Akuj kus anakibois a ŋina eseuni Ekapolon Akuj kus. Imujete iyes kaapei ka ŋidwe kus ŋulusapa ka ŋulupesur, ŋipi kus ka ŋapi kus ka ŋilepi ŋulu iboiyete alotaunio kus; ilelyanete iyes alokiŋaren Ekapolon Akuj kus aŋuna a ŋakiro a daadaŋ a ŋuna ipotu iyes kitiyata.

Ŋikis. 12:4

Nyemaikina iyes kilipa neni ke Ekapolon a Akuj kus lopite ŋolo ilipyata ŋituŋa ŋul neni a ŋakujo kec.

Ŋikis. 14:23

Tonyama atutubet apei alotooma ŋitomon a ŋikinyom kus, a epiini kus, a akimyet kus kaapei ka ŋikiyae a ŋaatuk ka a ŋamesekin kus, tonyama ikes alokiŋaren Ekapolon Akuj kus, anakibois a ŋina ebuni iŋes aseun aruwor neni ilipere enyaritae ekiro keŋ, kitiyata ŋun ikotere iyenuniata akitopoloorit Ekapolon Akuj kus jwi jwi.

Ŋikis. 14:24

Nai ani ikiterereŋi iyes Ekapolon Akuj kus, eoya nooi erot ka nyipedorete iyes akiwuok ŋatutubeta ŋun, anerae elwana nooi aneni iyakasi iyes akibois ŋina eseuni Ekapolon Akuj kus toyakaun ekiro keŋ,

Ŋikis. 15:20

Inyamete iyes ikes a ŋolokaru kaapei ka ŋituŋa a ŋikalya kus, alokiŋaren Ekapolon Akuj kus anakibois a ŋina eseuni iŋes.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 16:15

kitiyata ŋasuban ŋun ŋirwa ŋikanikaarei aŋuna ke Ekapolon Akuj kus, anakibois a ŋina eseuni Ekapolon, anerae ikiterereŋi iyes Ekapolon Akuj kus a ŋaraito a daadaŋ a ŋuna iryamunete iyes ka aloticisyo kus a daadaŋ a ŋulu itiyaete iyes, ido ilelyanete iyes nooi.

Ŋikis. 16:2

Emaikina iyes inakis neni ke Ekapolon Akuj kus amuronot ŋina a Paska, anamesekin ka anaatuk kus, kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 16:6

Nai inakisi anakibois a ŋina eseuni Ekapolon erae akibois ŋina ilipere enyaritae ekiro keŋ; nen ikicamakinitae iyes ainakinia amuronot ŋina a Paska eboŋ edoiyori akoloŋ, esaa ŋolo paaran irotokinioto iyes alo Ijipit.

Ŋikis. 16:7

Kipoto ka tonyama iŋes anakibois a ŋina eseuni Ekapolon Akuj kus; ido taparacu keŋ ipedorete aboŋor loeemae kus.

Ŋikis. 17:8

Ani keyakaun ŋakiro ŋuna ikityonikinit iyes akitub, kerae ŋuna earitor ituŋanan ŋinice, kori kemaryaete ŋituŋa ŋiboro, kori kewanit ituŋanan ŋinice, ani eyai ebura a ŋakiro a ŋuna ikote ŋun alotaunio kus, emaikina iyes toloto atipei kitipeiyosi nakibois ŋina eseuni Ekapolon Akuj kus,

Ŋikis. 18:6

Ani kimyek Elepait etaun kus edio neni sek iboiyo iŋes alo Isirael, todolu nakibois ŋina eseuni Ekapolon (epedori iŋes abunore nen apaki daadaŋ ŋina ecamitor),

Ŋikis. 26:2

emaikina iyes tolemut alokinyom a daadaŋ ŋaraito ŋuna esyaunak ŋadi ŋuna itaunete iyes anakwap a ŋina ikiini iyes Ekapolon Akuj kus, kiwuakis lobukit, yaasi nakibois ŋina eseuni Ekapolon Akuj kus aruwor neni ilipere iŋes.

Ŋikis. 31:11

apaki ŋina eponiata Ŋisirael daadaŋ kiŋaren Ekapolon Akuj kus nakibois ŋina eseuni iŋes, emaikina iyes tosyoma ŋikisila ŋul alokiŋaren Ŋisirael daadaŋ epupete ikes.

Ŋikol. 2:9

Anerae eyai akujuwuanut daadaŋ ŋina ka Akuj Papa neni a Kristo alokuwane keŋ

Ŋibur. 12:22

Nai ipotu iyes lomoru ŋolo enyaritae Sion, lotaun ŋolo apolon ŋolo ka Akuj a ŋina eyari, Yerusalem ŋolo anakuj, ŋolo eya ŋimalaikan ŋulu alalak.

Yos. 18:1

Kedaut Ŋisirael akikamar akwap ŋin daadaŋ, apotu totukokinos Silo, kigurokis nen Eema ŋolokilipet.

Yos. 22:11

Ani iirarete Ŋisirael ŋuluce atemar adukokis ŋikabilae a Ruben ka Gad Namuroet lomukura a Kanaan neni enyaritae Gelilos alodiyete Yorodan, alowae a ŋolo ka akwap a Ŋisirael,

Yos. 9:27

Akoloŋit ŋinapei, kituruwo Yosua ikes ŋikayepak ŋakito ka ŋikaokok ŋakipi aŋuna a Ŋisirael ka Namuroet ŋina ke Ekapolon. Tari tokona eriŋa ikes itiyaete etic ŋol anakibois a ŋina aseu Ekapolon kilipyata ŋituŋa keŋ iŋes.

Akis. 14:1

Abu eŋolik oanyuwa Imesek ewuoi alomoru a ŋolo enyaritae Sion; arukito ka ŋituŋa ŋalipyo amiat ka ŋatomoniomwon ka ŋiomwon, ŋulu egiritae ekiro a Imesek ka ŋolo a Papa keŋ loreetin kec.