Ŋikis. 12:32 - Ebaibul

³² Emaikina iyes kiwuapa ejok ŋakiro daadaŋ ŋuna ekecik ayoŋ iyes akitiya, nyiyatakis akirot adio nakiro ŋun, kori nyilemasi adio.

Ŋikis. 12:32 Iomraidhean Croise

2 Ŋirw. 17:37

Kiricito jwi jwi ŋikisila ka ŋakiciketa ŋuna abu iŋes kigir aŋuna kus. Nyilipeneneete ŋakujo ŋace.

Ŋakit. 30:6

Nyiatak ŋakiro ŋace nakiro nu; ani kiatak ituŋanan, epedori Akuj akitoŋo iŋes kisileereu alyokonu a ituŋanan a ŋin.

Esek. 44:5

Tema Ekapolon neni kaŋ, “Lokoku a ituŋanan, kiŋolik ejok ibore daadaŋ ŋini ite iyoŋ a ne ka topupok ejok ŋakiro daadaŋ ŋuna ipupi iyoŋ a ne. Alosi tokona ayoŋ alimokin iyoŋ ŋakiro daadaŋ ŋuna etubunitoe akitiya a ne alo Kai a Ekapolon ka ŋikisila daadaŋ ŋulu iwuapitae a ne alo Kai a Ekapolon. Emaikina iyoŋ toyeni ŋituŋa ŋulu ecamakinitae tolomasi Kai ka Akuj ka ŋulu nyecamakinitae tolomasi nakibois ŋina asegan.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Ŋikis. 13:18

Itiyakinosi ŋun erae kiwuapa iyes ŋakiro ŋuna elimuni Ekapolon aŋuna iwuapyata ŋakiciketa keŋ ŋuna ekecik ayoŋ iyes akiwuap nakoloŋit na ka torubak itiyaete ŋuna iyookino alokiŋaren Ekapolon Akuj kus,

Ŋikis. 19:9

ani ca kiwuapa iyes ŋakiciketa nu daadaŋ ŋuna ekecik ayoŋ iyes nakoloŋit na: Amina Ekapolon Akuj kus ka akiwuap jwi jwi ŋakiro keŋ, ipedorete nai akiyatakin ŋitaunio ŋice ŋiuni lotaunio ŋuluuni ŋul,

Ŋikis. 4:2

Nyemaikina iyes kiyatakis ŋakiro ŋadi nakiro ŋuna ekecik ayoŋ iyes, kori tolemasi ŋakiro ŋadi anakiro a ŋun, nai kiwuapa ŋakiciketa a Ekapolon Akuj kus, ŋuna tokona ekeciki ayoŋ iyes.

Yos. 1:7

Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.