Ŋikis. 12:31 - Ebaibul

³¹ Nyemaikina iyes kitiyata ŋun neni ke Ekapolon a Akuj kus, anerae apotu ikes kitiyata neni a ŋakujo kec asiilyo daadaŋ ŋina eŋerit Ekapolon. Ewuanakinete ikes tari ŋidwe kec ŋulupesur ka ŋulusapa nakim aŋuna a ŋakujo kec.

Ŋikis. 12:31 Iomraidhean Croise

2 Ŋirw. 16:3

nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋirw. 17:31

Kitiyaut Ŋiabi akuj ŋina anyaritae Nibas ka ŋina anyaritae Taranak. Tosodo Ŋiseparabi tocakakis ŋidwe kec nakim erae ainakinet neni ka akuj a ŋina anyaritae Aderamelek ka ŋina anyaritae Anamelek, ŋakujo ŋuna arae ŋuna a Ŋiseparabi.

2 Ŋirw. 21:2

Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa a ŋakwapin ŋulu eritari Ekapolon alokiŋaren Ŋisirael.

2 Ŋirw. 3:27

Abu nai iŋes toar lokoku keŋ ŋolokiyae ŋolo etemokino kilunyokin lokicoloŋ keŋ kipuka, kicuny iŋes erae amuronot anarwatata. Min anyunyura ŋina apolon nooi neni a Ŋisirael, kibelekinos toboŋosi nakwap kec.

2 Ŋakiro a ŋirwa 33:2

Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa ŋulu eritari Ekapolon anakwapin kec alokiŋaren Ŋisirael.

2 Ŋakiro a ŋirwa 36:14

Apotu ŋisacaradotin daadaŋ ŋulu apolokinito ŋuluce kaapei ka ŋituŋa ŋuluce daadaŋ toruwor nooi ŋulu pa ekinyoma. Apotu kiwuapa ŋakiro ŋuna asiilyanak daadaŋ ŋuna etiyaete ŋituŋa a ŋakwapin a ŋunace, aŋun, apotu kitorona Akai ke Ekapolon alo Yerusalem ŋina sek aris Ekapolon kitaleu.

Ŋikiru. 106:37

Apotu yaanasi ŋidwe kec ŋulusapa ka ŋulupesur neni a ŋakujo erae amuronot.

Awos. 23:2

Kimyekisi akiwuapit ŋasepico a ŋituŋa a ŋulu ecamito akitiya aronis. Ani ilimorete iyes ŋakiro kus aloikiiko, nyimunono ŋuna iyookino, ido nyirworo alyokonu iriito ka ŋikalalak.

Yer. 32:35

Apotu ikes toduko ŋakiboisyo ŋuna aoyak ŋuna ilipere neni a Baal nakadipaalat alokoku a Inom, ikotere einanakiniata ŋidwe kec ŋulusapa ka ŋulupesur neni a Molek, tari daŋ pa kalimokinit ayoŋ ikes akitiya ŋun, nyepena tari ŋakiro ŋun natameta kaŋ atemar kitiyata ikes ŋiticisyo ŋulu ka asiilyo ŋul, ŋulu apotu kiteseca ŋituŋa a Yudaya.

Yer. 7:31

Tosodi erubakinito ikes edukete namuroet ŋina enyaritae Topes ŋina eyai nakadipaalat a lokoku a Inom, aŋuna ka apeyo ŋidwe kec ŋulusapa ka ŋulupesur anakim, erae ŋun ŋakiro ŋuna pa ecikit ayoŋ ikes akitiya, kori amam jik ŋakiro ŋun anatameta kaŋ.

Esek. 20:31

Irubakis iyes itiyaete ŋakiro nu tari nakoloŋit na: iyayeneneete ŋainakineta nakujo, isitoreneneete ŋidwe kus ŋulusapa nakim, aŋun, idaut iyes amunaar ŋawat kus a ŋakujo kus a daadaŋ. Okoe Ŋisirael, ipedorete nai kire iyes akiŋit ayoŋ ŋakiro ŋadi a? Ikwapei kire ayarya ayoŋ, nyipedorete iyes akiŋit ayoŋ ŋakiro ŋadi.’

Esek. 23:27

Aŋun, etasaluni ayoŋ aneni kon aleeco ka amalao ŋina ibu iyoŋ kisyaki alo Ijipit, nyikiburakinete nabo iyoŋ ŋakiro ŋun, kori nyitamuni nabo iyoŋ jik akwap a Ijipit.

Ŋilep. 18:21

Nyipotosi idio alodwe kus erae amuronot neni a akuj a ŋina enyaritae Molek, erae ŋun akiyanya ekiro ŋolo ka Akuj kus. Arae ayoŋ Ekapolon.

Ŋilep. 18:3

Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes.

Ŋilep. 20:2

“Tolimok Ŋisirael ebe, ‘Esiraelit daadaŋ, kori igelaanot daadaŋ ŋini iboiyete ka Ŋisirael ŋini einakini ikoku keŋ idio neni a akuj a ŋina enyaritae Molek, emaikina ituŋanan ŋin toarae. Emaikina ŋituŋa daadaŋ tocaka iŋes a ŋamoru.’ ”

Mika 6:7

Elakar mono Ekapolon keyaun neni keŋ ŋamesekin ŋalipyo ka akimyet ŋina ilelebun ŋaŋololin ŋalipyo ŋatomon a? Ainakini mono ayoŋ Ekapolon ikoku kaŋ ŋini kiyae aŋuna a ŋadyakanareta a? Ainakini mono ayoŋ iŋes arait ŋina ka akuwan kaŋ aŋuna ka asecit ke etau kaŋ a?”

Ŋikis. 12:30

kedaun amunyar ŋituŋa ŋul, tocoito nyikimodiyar, iyes kitiyata ŋuna etiyaete ŋituŋa ŋul, nyiŋitanarosi ŋuna a ŋakujo kec ibasi, “alipite mono kilipyata ŋituŋa ŋul neni a ŋakujo kec? Acamit ayoŋ daŋ akitiya lopite ŋolo etiyaata ikes.”

Ŋikis. 12:4

Nyemaikina iyes kilipa neni ke Ekapolon a Akuj kus lopite ŋolo ilipyata ŋituŋa ŋul neni a ŋakujo kec.

Ŋikis. 20:18

ikotere nyikitatam ikes iyes akitiya ŋiticisyo ŋulu aronok ŋulu itiyaeneneete ikes aŋuna a ŋakujo kec, ido toseca iyes aneni ke Ekapolon Akuj kus.

Ŋikis. 9:4

Ani iritari Ekapolon Akuj kus ikes alokiŋaren kus, nyetema ituŋanan ebe, “Erae aŋuna ka akiyookino kaŋ iŋes akaunia ayoŋ Ekapolon nakwap na akituruwor ŋina kaŋ” Nai toyenete atemar erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus.

Ŋikis. 9:5

Meere aŋuna ka akiyookino kus, kori aŋuna ka akiyookino a ŋitai kus iŋes ilosyoto iyes akituruwor akwap kec ŋina kus, nai erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus, ikotere isiyookinio akiikinet ŋina abu iŋes kikoŋ neni atapapaa kus Aburaam ka Isaka ta Yakob.