Ŋikis. 12:3 - Ebaibul

³ Toritaanasi ŋamuroeta kec, toukonosi ŋipirin kec, kicunyasi a akim ŋitorubei a ŋakujo kec, kiteleteleosi ŋitorubei a ŋakujo kec, ikotere itoŋopiyarete ŋirorwa a ŋakujo a ŋun anakiboisyo kec.

Ŋikis. 12:3 Iomraidhean Croise

1 Ŋirw. 14:15

“Isicani Ekapolon Ŋisirael emaranikinete lopite ŋolo iloilookinio ekuwuam eoot anakipi, elemari Ekapolon Ŋisirael anakwap keŋ a ŋina ajokan a ŋina abu iŋes inak atapapaa kec, ido ielari ikes yaye aŋolol ŋina enyaritae Eupurate, anerae apotu ikes kitoŋoa Ekapolon aŋuna etiyauniata ŋitorubei a akuj a ŋina anyaritae Asera.

1 Ŋirw. 15:13

Tolema iŋes tari Maaka toto keŋ anarakau arwosit anerae, kebu kitiyau etorube a akuj aŋina enyaritae Asera. Abu Asa toyepak akuj ŋin kwap tosodi kicuny anauwat a ŋina a Kidiron.

2 Ŋirw. 11:18

Apotu ŋituŋa ŋulu ka akwap a ŋin daadaŋ tolomasi kai ka Akuj aŋina enyaritae Baal, toukosi Baal, tobwaŋabwaŋata ŋamuroeta keŋ ka ŋitorubei keŋ. Aponi Matan ŋolo arae esacaradoti a Baal, toarae alokiŋaren Ŋamuroeta. Tolimok Yeoida ŋasigarya akitere Akai ka Akuj.

2 Ŋirw. 18:4

Abu iŋes tobwaŋabwaŋaiya neni elipeneneere ŋakujo ka ŋipirin. Touko daŋ epir ŋolo etaletoi. Tari emun ŋolo etiyaunitae a eburonis ŋolo koloŋ ewuakini Moses nen, abu iŋes tobilibili, anerae ariŋa Ŋisirael emuroete neni ke emun a ŋol akitodol apaki ŋin. Anyaritae ekiro ke emun aŋol Neusutan.

2 Ŋirw. 23:14

Abu Yosia toukono ŋitorubeei a ŋakujo, totubutubu ŋipirin ŋul, kililyaa ŋapanya.

2 Ŋakiro a ŋirwa 14:2

Abu Asa kitiya ŋuna ajokak ka ŋuna eyookino alokiŋaren Ekapolon Akuj keŋ.

2 Ŋakiro a ŋirwa 14:3

Abu tolema ŋamuroeta ŋunagelae ka kiela ŋakiboisyo ŋuna adukitoe nenimukur neni elipyata ŋituŋa ŋakujo, toukonok kwap ŋipirin ŋulu a ŋitalyo ka ŋitorubei ka akuj a ŋina anyaritae Asera.

2 Ŋakiro a ŋirwa 19:3

Kikote neni daŋ, itiya iyoŋ ŋadi ŋuna ajokak, anerae ilema iyoŋ anakwap a Yudaya ŋipirin ŋulu eturuworito ŋituŋa akuj ŋina enyaritae Asera ka imukek alotau kon akiwuapit Akuj.”

2 Ŋakiro a ŋirwa 31:1

Ani irikakin ŋakiro ŋun daadaŋ, apotu Ŋisirael daadaŋ ŋulu ayakasi nen toloto lotaunio a Yudaya, toukonosi ŋamoru ŋuna asipitoe erae ŋitorubei a ŋakujo, totubutubokis kwap ŋitorubei a ŋakujo a ŋuna anyaritae Asera, tomunaasi ŋamuroeta ka ŋakiboisyo ŋuna aya nenimukur ŋuna elipere neni a ŋakujo alo Yudaya daadaŋ, alo Benjamin ka alo Epuraim ta alo Manase. Ani kedaut amunaar daadaŋ, toboŋosi ŋituŋa a Isirael lotaunio ka nakwapin kec.

2 Ŋakiro a ŋirwa 34:3

Ani edolete ŋikaru ŋulu epukator iŋes ŋikanikauni eriŋa iŋes erae edya, abu iŋes kisyak ayenun ŋuna ka Akuj a papaa keŋ a Daudi. Ani edolete ŋikaru keŋ ŋitomon ka ŋiarei, abu iŋes kisyak amunaanar alo Yudaya ka alo Yerusalem ŋakiboisyo ŋunamukur ŋuna elipere neni a ŋakujo, tomunaana tari ŋitorubei a ŋakujo ŋuluce daadaŋ.

Ŋikiru. 16:4

Ikes ŋulu eseunete akiwuap ŋakujo ŋace iasete ikes akiyaloloŋ kec; nyalosi ayoŋ neni emurotor ikes; nyelipi ayoŋ neni a ŋakujo kec.

Awos. 23:13

Tomitakinito ŋakiro daadaŋ ŋuna akalimok ayoŋ iyes. Nyinyarata ŋirorwa a ŋakujo a ŋace; nyikiirar iyes inyarito ikes a ŋakitukwa kus.”

Awos. 23:24

nyemaikina iyes toryediko alokiŋaren ŋakujo kec, kori kilipa neni kec, kori kiwuapa ŋuna itiyao aŋuna kec. Emaikina iyes kinyasut ŋakujo ŋun, tobwaŋabwaŋaasi ŋipirin ŋul ŋulu italetoe erae ŋakujo kec.

Awos. 34:13

Emaikina iyes tobwaŋabwaŋaasi ŋamuroeta kec ka ŋitorubei ŋulu a ŋakujo kec ta ŋakiboisyo ŋuna iiryamununosi ikes,

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Yer. 17:2

Etamunito tari ŋidwe kec ŋamuroeta kec ka ŋipirin ŋulu italetoe ŋulu eyakasi diyete ŋikito ŋulu alibak daadaŋ ka lokamukumukui ŋulu aoyak,

Osea 2:17

Alemari ayoŋ ŋirorwa ata Baal anakituk keŋ, ido nyenyarao nabo jik ata Baal a ŋirorwa.

Mika 5:14

Alemari ayoŋ anakwap kus ŋitorubei a akuj a ŋina enyaritae Asera, amunaari ayoŋ ŋitaunio kus.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

Ekim. 33:52

emaikina iyes kiritasi ŋituŋa ŋulu iboiyete anakwap a ŋina ilosete iyes ka kinyasut ŋitorubei ŋulu icieto ikes, kinyasut ŋitorubei a ŋakujo kec ŋulu icietae a ŋamoru ka ŋulu itiyatae a ŋasuwa ka tomunaasi ŋakiboisyo kec ŋuna eya nenimukur.

Ŋikis. 12:4

Nyemaikina iyes kilipa neni ke Ekapolon a Akuj kus lopite ŋolo ilipyata ŋituŋa ŋul neni a ŋakujo kec.

Ŋikis. 7:25

Icunyarete iyes ŋitorubei a ŋakujo kec. Nyikinira iyes esilipa, kori egolid ŋolo idelesikinitae lotorubei ŋul, ido iyaasi aŋuna kus, anerae anakiwuapit ŋakiro ka Akuj; epedorete ŋiboro ŋul akitooliyor iyes anerae eŋerit Ekapolon Akuj kus iyes akitiya ŋun.

Ŋikis. 7:5

Nai emaikina iyes kitiyata nu neni kec: Toritaanasi ŋamuroeta kec, tobwaŋabwaŋaasi ŋipirin kec, kiteleteloosi ŋapuŋurei ŋuna a ŋitalyo kec ka kicunyasi ka akim ŋitorubei a ŋakujo kec;

Akis. 13:1

Abu oanyuwa etyaŋ elomuni ananam. Ayakar ŋamomwar ŋatomon ka ŋakyes ŋakanikaarei; a ŋinamomwara ayakar atoriet ka ŋinakou ayakar ekiro ŋolo eyanyit Akuj.

Ŋikat. 2:2

Nai iyes nyicamunosi ka ŋituŋa ŋulu ka akwap a na, tobwaŋabwaŋaasi ŋamuroeta kec.’ Nai nyiwuapa iyes ŋakiro ŋuna abu ayoŋ ekecik iyes. Kiŋolikisi iyes ŋuna idaut iyes akitiya!