Ŋikis. 12:11 - Ebaibul

¹¹ emaikina nai iyes yaut ŋiboro daadaŋ ŋulu adau ayoŋ alimokin iyes nakibois ŋina eseuni Ekapolon Akuj kus akiboiyo, iyaunete iyes nen ŋainakineta kus ŋuna epeyo, ŋamuronisya kus atutubet apei alotooma ŋitomon a ŋiboro kus, ŋainakineta kus ka ŋainakineta kus daadaŋ ŋuna ajokak ŋuna ipotu iyes kikoŋo ainakin neni ke Ekapolon.

Ŋikis. 12:11 Iomraidhean Croise

1 Ŋirw. 12:27

erae kerubakis ŋituŋa lu eayeneneete ŋamuronisya kec kai a Ekapolon Yerusalem, ido eriyete nabo ke ekapolon kec Reoboam erwosit ŋolo a Yudaya ka epedorete akiar ayoŋ, ido toboŋosi kipuka Reoboam erwosit ŋolo a Yudaya.”

1 Ŋirw. 8:13

Adau tokona ayoŋ adukokin iyoŋ Akai nooi ŋina ailiilon, akibois ŋina iboiyeneneo iyoŋ ŋikaru ka ŋikaru.”

1 Ŋirw. 8:16

‘Ameun akoloŋit ŋina ayaunia ayoŋ ŋituŋa kaŋ Ŋisirael anakwap a Ijipit, mam etaun edio ŋolo aseu ayoŋ alokabila ke edio a ŋolo a Ŋisirael, ŋolo emaikina todukokinae Akai ikotere ekiro kaŋ eyakaun nen; nai abu ayoŋ oseu Daudi akipuka ŋituŋa kaŋ Ŋisirael.’

1 Ŋirw. 8:29

Elipi kite iyoŋ Akai na nakwaare ka naparan, kite akibois na ŋina ibu iyoŋ tolimu a ŋuna keŋ ebe, ‘Neni eyakaun ekiro kaŋ ne,’ ikotere nai iirari iyoŋ eketiyan kon ilipi neni kon iŋoliunit nakibois na.

2 Ŋirw. 18:22

Ani nabo kitemasi iyes ayoŋ imecakinito iyes neni ke Ekapolon Akuj kus, meere mono ŋakiboisyo ŋuna eya nenimukur ka ŋamuroeta keŋ abu Esekia tobwaŋabwaŋa a? Pa abu iŋes kicikak ŋituŋa a Yudaya ka Yerusalem akilipenen a Namuroet a ŋina eyai Yerusalem a?

1 Ŋakiro a ŋirwa 22:1

Tema nai Daudi, “Emaikina Akai ke Ekapolon ka Akuj min ne, kaapei ka Amuroet ŋina icunyere ŋainakineta ŋuna a Ŋisirael.”

2 Ŋakiro a ŋirwa 6:20

Elipi kite iyoŋ Akai na nakwaare ka naparan, kite akibois na ŋina ibu iyoŋ tolimu ebe, ‘Neni eyakaun ekiro kaŋ ne,’ ikotere nai iirari iyoŋ eketiyan kon ilipi neni kon iŋoliunit nakibois na.

2 Ŋakiro a ŋirwa 7:12

totakanu Ekapolon neni a Solomon nakwaare. Tema neni a Solomon, “Adau ayoŋ akiirar akilip kon, adau ayoŋ aseun akibois na aŋuna kaŋ ka ikwapei Akai ŋina itiyaere ŋamuronisya.

Esir 6:12

Elipi Akuj ŋina adau aseun Yerusalem aruwor akibois ŋina ilipere iŋes, tolema anapukan erwosit daadaŋ ka ŋituŋa daadaŋ ŋulu ikatakinete akilocokin ŋakiro nu, kori ŋini inyasuni Akai ka Akuj na alo Yerusalem. Ayoŋ, Darius atub ŋakiro ŋun, emaikina kiwuapae emam apegakinet.”

Ŋikiru. 100:2

Kilipa neni keŋ ka alakara, potu neni keŋ a ŋieosyo a ŋulu ka alelyan.

Ŋikiru. 116:17

Ayauni ayoŋ neni kon amuronot ŋina ka alakara, ido onyara ekiro kon okoe Ekapolon.

Ŋikiru. 66:13

Abuni ayoŋ Kai kon ayaunit ŋainakineta ŋuna epeyo; esiyook ŋakikoŋieta kaŋ neni kon,

Ŋikiru. 78:68

nai abu toseu ekabila a Yuda, toseu emoru Sion ŋolo abu iŋes tominak nooi.

Awos. 25:8

Emaikina kitiyaut ŋituŋa akibois kaŋ ŋina Asegan, ikotere nai ayoŋ eboi kaapei ka ikes.

Awos. 29:45

Ayakaun ayoŋ neni eyakasi Ŋisirael, oruwor Akuj kec.

Yer. 7:12

Toloto tokona nakibois kaŋ ŋina koloŋ ayai Silo, neni abu ayoŋ ewuak toyakaun ekiro kaŋ apaki ŋina esyaunan, ido kiŋolikis ŋuna abu ayoŋ etiya nen aŋuna ka aronis a ŋituŋa kaŋ a Ŋisirael.

Ŋilep. 17:4

akilo iŋes ayaun lopuke ke eema a ŋolo ilipere, inak neni ke Ekapolon alokiŋaren eema keŋ erae ainakinet, emaikina ituŋanan ŋin toruwor ŋini esecit aŋuna abukorya ŋaokot, ikwapei abukorya iŋes ŋaokot, emaikina iŋes kiritarae alotuŋa keŋ.

Ŋikis. 12:13

Tocoito iinakinete ŋainakineta kus ŋuna epeyo anakibois a adio a ŋina iŋolikinete iyes.

Ŋikis. 12:14

Nai emaikina iyes inakisi ŋainakineta kus anakibois a ŋina eseuni Ekapolon anakwap a ekabila kus a apei, emaikina iyes inakis a nen ŋainakineta kus ŋuna epeyo ka emaikina iyes kitiyata a nen ŋakiro daadaŋ ŋuna ikicik iyes Ekapolon akitiya.

Ŋikis. 12:18

Emaikina iyes tonyama ŋul alokiŋaren Ekapolon Akuj kus anakibois a ŋina eseuni Ekapolon Akuj kus. Imujete iyes kaapei ka ŋidwe kus ŋulusapa ka ŋulupesur, ŋipi kus ka ŋapi kus ka ŋilepi ŋulu iboiyete alotaunio kus; ilelyanete iyes alokiŋaren Ekapolon Akuj kus aŋuna a ŋakiro a daadaŋ a ŋuna ipotu iyes kitiyata.

Ŋikis. 12:21

Ani kelwana aneni kus akibois ŋina abu Ekapolon Akuj kus toseu toyakaun ekiro keŋ, ido toara iyes lopite ŋolo adaunia ayoŋ akicik iyes ibarasit anaatuk, kori anamesekin kus idio ŋini ikiinak Ekapolon iyes, ipedorete iyes akinyam iŋes alotooma ŋitaunio kus apaki daadaŋ ŋina icamitotor iyes.

Ŋikis. 12:26

Nai ŋainakineta kus ŋuna italeoritae ka ŋainakineta kus ŋuna ikoŋito iyes ainakin neni ke Ekapolon, emaikina iyes iyaut nakibois ŋina eseuni Ekapolon.

Ŋikis. 12:5

Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 14:23

Tonyama atutubet apei alotooma ŋitomon a ŋikinyom kus, a epiini kus, a akimyet kus kaapei ka ŋikiyae a ŋaatuk ka a ŋamesekin kus, tonyama ikes alokiŋaren Ekapolon Akuj kus, anakibois a ŋina ebuni iŋes aseun aruwor neni ilipere enyaritae ekiro keŋ, kitiyata ŋun ikotere iyenuniata akitopoloorit Ekapolon Akuj kus jwi jwi.

Ŋikis. 15:19

Emaikina iyes kitaleiyosi aŋuna ke Ekapolon ŋikiyae ŋulumoŋin a ŋamesekin kus, kori a ŋamee kus, nyisitiyata emoŋ kus ŋolokiyae aŋuna a etic adio, kori nyitubo ŋajul a ŋikiyae a ŋamesekin kus.

Ŋikis. 15:20

Inyamete iyes ikes a ŋolokaru kaapei ka ŋituŋa a ŋikalya kus, alokiŋaren Ekapolon Akuj kus anakibois a ŋina eseuni iŋes.

Ŋikis. 17:8

Ani keyakaun ŋakiro ŋuna ikityonikinit iyes akitub, kerae ŋuna earitor ituŋanan ŋinice, kori kemaryaete ŋituŋa ŋiboro, kori kewanit ituŋanan ŋinice, ani eyai ebura a ŋakiro a ŋuna ikote ŋun alotaunio kus, emaikina iyes toloto atipei kitipeiyosi nakibois ŋina eseuni Ekapolon Akuj kus,

Ŋikis. 18:6

Ani kimyek Elepait etaun kus edio neni sek iboiyo iŋes alo Isirael, todolu nakibois ŋina eseuni Ekapolon (epedori iŋes abunore nen apaki daadaŋ ŋina ecamitor),

Ŋikis. 23:16

Emaikina ikes kiboiyoto kaapei ka iyes anakibois a daadaŋ a ŋina eseunete ikes alotooma edio a ŋitaunio kus, neni ca daadaŋ ecamito ikes akiboiyo, nyisicana ikes.

Ŋikis. 26:2

emaikina iyes tolemut alokinyom a daadaŋ ŋaraito ŋuna esyaunak ŋadi ŋuna itaunete iyes anakwap a ŋina ikiini iyes Ekapolon Akuj kus, kiwuakis lobukit, yaasi nakibois ŋina eseuni Ekapolon Akuj kus aruwor neni ilipere iŋes.

Ŋikis. 31:11

apaki ŋina eponiata Ŋisirael daadaŋ kiŋaren Ekapolon Akuj kus nakibois ŋina eseuni iŋes, emaikina iyes tosyoma ŋikisila ŋul alokiŋaren Ŋisirael daadaŋ epupete ikes.

Yos. 18:1

Kedaut Ŋisirael akikamar akwap ŋin daadaŋ, apotu totukokinos Silo, kigurokis nen Eema ŋolokilipet.

Yos. 22:11

Ani iirarete Ŋisirael ŋuluce atemar adukokis ŋikabilae a Ruben ka Gad Namuroet lomukura a Kanaan neni enyaritae Gelilos alodiyete Yorodan, alowae a ŋolo ka akwap a Ŋisirael,

Yos. 22:16

“Ikiŋisito iyes ŋituŋa daadaŋ ŋulu a Ekapolon ebe, ‘Anukiro aronok nu ŋuna itiyata iyes neni ka Akuj a Ŋisirael, ŋuna iŋeryoto akiwuapit Ekapolon, anerae iduko aŋuna kus Namuroet erae ŋinaŋeryet Ekapolon?

Yos. 22:23

Ani kedukitoe isua Namuroet aŋuna kosi aŋeryo Ekapolon, kori aŋuna ka ainanakin Namuroet ŋin ŋainakineta ŋuna epeyo ka ŋuna a ŋikinyom, kori aŋuna ka ainanakin ŋamuronisya ŋuna ke ekisil, kimyekisi Ekapolon elope ikisican isua.

Yos. 22:27

Nai erae iŋes esuuda kosi ka iyes ka ŋolo a ŋiletok yok, esuuda ŋolo itoodiuni atemar erubakinio isua ilipyo neni ke Ekapolon anakibois a ŋina Asegan a na ka erubakinio einanakinio ŋainakineta ŋuna epeyo, ŋamuronisya ka ŋainakineta ŋuna ke ekisil; ikotere nai manan nyetemasi ŋiletok kus neni a ŋiletok kosi, ‘Nyiraakasi iyes ŋituŋa ŋulu ke Ekapolon.’ Ani ketemasi ikes nen neni a ŋiletok kosi, eboŋokinete ikes etemarete, kiŋolikisi etorube lo ŋolo a Namuroet a ŋina

Yos. 22:29

Nyikiryama ca ka akitepeg Ekapolon ka akiŋer nakoloŋit na akiwuapit ŋakiro keŋ, ido odukokisi Namuroet aŋuna a ŋainakineta a ŋuna epeyo ka ŋainakineta ŋuna a ŋikinyom, kori aŋuna a ŋamuronisya. Nyecamitae isua akiduk Namuroet ace, toyai bo sek ŋina ke Ekapolon Akuj kosi, Namuroet ŋina eyai kiŋaren tooma Eema keŋ.”

Yos. 9:27

Akoloŋit ŋinapei, kituruwo Yosua ikes ŋikayepak ŋakito ka ŋikaokok ŋakipi aŋuna a Ŋisirael ka Namuroet ŋina ke Ekapolon. Tari tokona eriŋa ikes itiyaete etic ŋol anakibois a ŋina aseu Ekapolon kilipyata ŋituŋa keŋ iŋes.

1 Sam. 1:21

Apaki ŋina edounere Samuel, apotu Elkana ka ŋituŋa a ekal keŋ kitipeiyosi Silo akiya neni ke Ekapolon ŋamuronisya kec ŋuna a ekaru a ŋol ka akisiyookin ŋuna kebu iŋes kikoŋ neni ke Ekapolon.