Ŋikis. 12:10 - Ebaibul

¹⁰ Ani idokarete iyes ekekwaye Yorodan, kiboikinos nakwap ŋina ikikorakini iyes Ekapolon Akuj kus ka ani ikisiŋuni iŋes iyes alomoe kus alowaetin a daadaŋ, ido kiboikinos emam ŋace,

Ŋikis. 12:10 Iomraidhean Croise

1 Ŋirw. 4:25

Ŋirwa ŋulu epukator Solomon, eboiyete ŋituŋa ŋulu a atutubet a Yudaya ka atutubet a Isirael anakinapakina ameun alo Dan tari Beeriseba. Eboiyete ŋikilyok alotolimon a ŋikito kec aŋulu a epiini ka ŋiboboryo.

1 Ŋirw. 8:56

“Kipuroe ŋolo ayau akieŋun neni a ŋituŋa a Isirael alopite a daadaŋ a ŋolo abunio iŋes kiikinia ikes, mam akirot apei daŋ ŋina a Moses a eketiyan keŋ.

1 Ŋakiro a ŋirwa 22:18

“Nyirukito mono iyes ke Ekapolon Akuj kus a? Nyeinakina mono iŋes iyes akieŋar ejie alowaetin a daadaŋ a? Akainaki iŋes ayoŋ akipuka ŋituŋa ka akwap a na, ido aruwor akwap na ŋina ke Ekapolon ka ŋina a ŋituŋa keŋ.

Ŋikiru. 4:8

Apedori tokona ayoŋ akiper ojotoor neni ajokan; anerae iyoŋ bon, okoe Ekapolon, ikiinakini ayoŋ akiper emam ŋace.

Awos. 33:14

Tema Ekapolon neni a Moses, “Ikirukori ayoŋ ka iyoŋ, ido ekesieŋari ayoŋ iyoŋ.”

Ŋakit. 1:33

Nai ikes ŋulu ekeirarete ayoŋ, eruwor ŋulu eiuna; iboiyete eiuna emam ibore einakinit ikes akuryanu.”

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 32:37

Topupokisi, alosi ayoŋ acunun ikes anakwapin a daadaŋ a ŋuna abu ayoŋ erita ikes anaŋoit ka ananyunyura ta analilit kaŋ a ŋina apolon. Enyakuni ayoŋ ikes nakibois na, ido esiboikini ayoŋ ikes emam ŋace.

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Esek. 28:26

Iboikinosi ikes nen emam awasya, edukokinete ikes ŋakais nen ka itakinete ŋikito a epiini nen. Iboikinosi ikes nen emam awasya apaki ŋina esicania ayoŋ ŋikidunyet kec daadaŋ ŋulu apotu kinyasa ikes imanito. Eyenunete nai Ŋisirael apaki ŋin atemar arae ayoŋ Ekapolon Akuj kec.”

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Esek. 34:28

Nyielielaryo nabo jik ikes nakwapin, kori nyenyamete nabo jik ŋityaŋ ŋulu ka ariet ikes. Mam awasya eyakaunotor ikes, mam ituŋanan einakini ikes ekabule.

Esek. 38:11

Itemari iyoŋ Gog, ‘Alosi ayoŋ akirem akwap ŋina nyewuatae ŋirerya keŋ a ŋarwatatain, alosi ayoŋ esiiryak ŋituŋa ŋulu iboiyete emam awasya ŋulu itumosi, iboiyete ikes daadaŋ aneni emam ŋarwatatain, mam tari ŋipukei, kori ŋasuwa ŋuna egolere ŋipukei.’

Esek. 38:8

Eponio aruwor ŋipeyok aneni kon kelunyar ŋirwa ŋulu alalak. Ekaku a ŋikaru a ŋulu alalak, iremi iyoŋ akwap ŋina ariŋa ieŋuni alojie, ŋina ariŋa ecununio ŋituŋa keŋ anakwapin aŋuna alalak potu lokamukumukui ŋulu a Isirael, ŋulu apotu toruwor ŋikoŋinae apaki ŋina aoyan. Ariŋa inyakunio ŋituŋa a akwap a ŋin anakwapin ka iboiyete tokona ikes daadaŋ anakwap kec emam awasya.

Ŋikis. 11:31

Ani idokarete iyes ekekwaye Yorodan, ilomarete akiboikin nakwap ŋina ikiinit iyes Ekapolon Akuj kus ka ani ikamarete iyes iŋes ka iboikinosi nen,

Ŋikis. 3:27

Tolot kidiama emoru Pisiga, kiŋoliya aina lowaetin kon daadaŋ, To, Kuju, Kwap ka Kide. Kiŋolik ŋiwaetin ŋul ejok, anerae nyitubor iyoŋ ekekwaye Yorodan.

Ŋikis. 33:12

Abu Moses kirwor ŋakiro nu aŋuna a ŋituŋa a ekabila a Benjamin: “Erae ŋiletok a Benjamin ŋituŋa ŋulu emina Ekapolon, iyoki Ekapolon ikes apaaran jwi, iboiyete ikes aneni a Ekapolon emam ŋace.”

Ŋikis. 33:28

Aŋun, iboiyete Ŋisirael eiuna, mam ŋican eryamunito ŋiletok a Yakob anakibois kec a ŋina eya ŋikinyom ka epiini anakwap a ŋina etepi akiru.

Ŋikis. 4:22

Atwani ayoŋ anakwap a na, nyadokari ekekwaye Yorodan, nai idokarete iyes ekekwaye Yorodan kituruwosi akwap ŋina ajokan ŋin ŋina kus.

Ŋikis. 9:1

Kiirasi, okoe Ŋisirael! Aapuu iyes adokar ekekwaye Yorodan nakoloŋit na aŋuna ka alomar nakwap ŋina a Kanaan, kiritasi ŋituŋa a ŋakwapin ŋulu elalak ka egogoŋ akilo iyes, ŋulu iboiyete alotaunio a ŋulu apolok a ŋulu edukitoe ŋaduketa ŋunajiet ŋuna aoyak nooi,

Yos. 11:23

Abu Yosua kikama akwap daadaŋ lopite ŋolo ecikitor Ekapolon Moses. Inak Yosua akwap ŋin neni a Ŋisirael toruwor ŋina kec, totyakatyaka, inak ŋolokabila akwap keŋ. Todaun nai ejie, kieŋa akwap ŋin.

Yos. 14:1

Ŋakiro ŋuna etupakinito, erae ŋuna elimorito epite ŋolo aponiata Ŋisirael tokora akwap a Kanaan alowae a ŋolo alo To aŋolol Yorodan. Ŋituŋa ŋulu akorete ŋalup lotuŋa ikes lu: Eleasar esacaradoti ka Yosua lokoku a Nun ta ŋikapolokinitok ŋikalya ŋulu a ŋikabilae a Isirael.

Yos. 3:17

Apaki ŋina adokaryata Ŋisirael aneni atyaikinito ŋakipi, awoete ŋisacaradotin ŋulu adakito Asaduku ŋina ka Acamunet a Ekapolon Akuj alokidiŋ Yorodan aneni aonit, akitodol ŋina adokaryata Ŋisirael daadaŋ ekekwaye Yorodan.

Yos. 4:12

Apotu ekabila a Ruben ka ŋolo a Gad ta atutubet apei ŋina ke ekabila a Manase kipopooros etiŋito ŋiboro ŋulujiet, kiŋarenikis Ŋisirael lopite ŋolo kelimokinitor Moses ikes.

1 Sam. 7:12

Tolemu nai Samuel amoru a nen, tosipok kidiŋ Misipa ka Yesana, tolimok ekiro a amoru a ŋin Ebenesa, anerae abu iŋes tema, “Erae na esuuda ŋolo itoodiunit atemar ikiŋarak Ekapolon iwon tari tokona.”