Ŋikis. 11:9 - Ebaibul

⁹ ka ikotere iboiyete ekaoyan anakwap a ŋina abu Ekapolon kikoŋ neni atapapaa kus ainakin ikes ka ŋiletok kec, akwap ŋina elelyaata ŋakile ka ao,

Ŋikis. 11:9 Iomraidhean Croise

Awos. 20:12

“Tokerite ŋinituŋanan papa keŋ ka toto keŋ, ikotere tolalata ŋirwa ŋulu iboiyoto iyes anakwap a ŋina ikiini Ekapolon Akuj kus.

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Ŋakit. 10:27

Kitopoloorite Ekapolon, ido itooyaryo ŋirwa ŋulu ka akiyar kon, nai euruwuakunete ŋirwa ŋulu ka akiyar a ituŋanan a ŋini aronon.

Ŋakit. 3:16

Ikiinakini aosou iyoŋ akiyar ŋina aoyan, erae ekisil bon eryamuni ituŋanan iwuapit ŋuna ka aosou.

Ŋakit. 3:2

anerae ikiinakinete ŋakiro ŋun iyoŋ akiyar ŋikaru ŋulu alalak ka ikiinakinete akitiya ŋinibore ejok.

Ŋakit. 9:11

Aosou iŋes iatakini ŋirwa ŋulu ka akiyar kon, iatakinio nakiyar kon ŋikaru ŋice.

Esek. 20:6

Akoloŋit ŋin, iŋes abunio ayoŋ ekoŋ neni kec atemar ayauni ikes anakwap a Ijipit ewuak nakwap ŋina adau ayoŋ akiwarun aŋuna kec, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Ŋikis. 1:8

Kiirasi akainak ayoŋ iyes akwap ŋin, toloto kikamasi akwap ŋin kituruwosi ŋina kus, akwap ŋina abu ayoŋ ekoŋ ainakin atapapaa kus Aburaam, Isaka ka Yakob ka neni a ŋiletok kec ekaku kec.”

Ŋikis. 11:10

anerae akwap ŋina eapi iyes alomar akiboiyo, nyikwaan ka akwap ŋina a Ijipit ŋina iponiata iyes, akwap ŋina idupanakinete iyes ŋikinyom kus, ido tobukonokis ŋakipi esibit imanikor ŋini ke edya.

Ŋikis. 11:21

ikotere elalata ŋirwa kus ka ŋirwa a ŋidwe kus anakwap a ŋina abu Ekapolon kikoŋ ainakin neni atapapaa kus ŋirwa daadaŋ ŋulu eyakatar kidiama ka akwap neni eya.

Ŋikis. 4:40

Kiwuapa ŋakiro keŋ ŋuna etubunitoe ka ŋakiciketa keŋ ŋuna ekecik ayoŋ iyes nakoloŋit na akiwuap, kiwuapa ikes aŋuna ka alakara kus ka aŋuna ka alakara a ŋiletok kus, ikotere iyes iboiyete akaoyan anakwap a ŋina elosi Ekapolon Akuj kus ainakin iyes toruwor ŋina kus ŋikaru ka ŋikaru.

Ŋikis. 5:16

“Tokerite ŋinituŋanan papa keŋ ka toto keŋ, lopite ŋolo ikicikia Ekapolon Akuj kus iyes, ikotere tolalata ŋirwa ŋulu iboiyoto iyes, ido tomam ŋace aneni kus anakwap a ŋina ikiini Ekapolon Akuj kus.

Ŋikis. 5:33

Emaikina iyes kiwuapa jik ŋakiro ŋuna ikicik iyes Ekapolon Akuj kus akiwuap, ikotere iboiyete emam ŋace ka ikotere iboiyete apaki ŋina aoyan anakwap a ŋina ipote iyes akituruwor ŋina kus.

Ŋikis. 6:18

Kitiyata ŋuna ejokak ka ŋuna iyookino alokiŋaren Ekapolon kus, ikotere ejokak ŋakiro aneni kus ka ikotere ilomarete ka ituruworete akwap ŋina ajokan ŋin ŋina kus, akwap ŋina abu Ekapolon kikoŋ neni atapapaa kus ainakin iyes.

Ŋikis. 6:2

Ikotere iyes ka ŋidwe kus ta ŋidwe a ŋidwe kus, itopoloorito Ekapolon Akuj kus ŋirwa ŋulu ka akiyar kus daadaŋ, kiwuapa ŋakiro ŋuna etubunit iŋes daadaŋ ka ŋakiciketa keŋ ŋuna ekeciki ayoŋ iyes akiwuap, ikotere tolalata ŋirwa a akiyar kus.

Ŋikis. 6:3

Aŋun, kiirasi, okoe Ŋisirael ka kiwuapa ŋakiro ka Akuj ejok, ikotere tomamukaun aneni kus ŋace ka ikotere ipitunete nooi anakwap a ŋina elelyaata ŋakile ka ao, lopite ŋolo ikiikinia iyes Ekapolon Akuj atapapaa kus.

Ŋikis. 8:7

anerae ikiyau Ekapolon Akuj kus iyes tooma nakwap ŋina ajokan, ŋina elelyaata ŋayona, ŋina eya ŋilelyan ka ŋakipi ŋuna eya kwap ŋalup ŋuna elelyaata nakadipaalae ka lokamukumukui,

Ŋikis. 9:5

Meere aŋuna ka akiyookino kus, kori aŋuna ka akiyookino a ŋitai kus iŋes ilosyoto iyes akituruwor akwap kec ŋina kus, nai erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus, ikotere isiyookinio akiikinet ŋina abu iŋes kikoŋ neni atapapaa kus Aburaam ka Isaka ta Yakob.