Ŋikis. 11:16 - Ebaibul

¹⁶ tocoito, anerae acepaki ikisuparyo iyes akitiyanakin ŋakujo ŋace ka akilip neni kec,

Ŋikis. 11:16 Iomraidhean Croise

1 Ŋirw. 8:35

“Apaki daadaŋ ŋina egolokinor nakuj, ido nyilim akiru aŋuna aseciata ikes aneni kon, ido nai kilipa ikes iŋoliunito nakibois na, ikoŋete enyarito ekiro kon, tokiwa asecit aŋuna isicania iyoŋ ikes,

Yob 31:27

ido ewuak etau kaŋ losubuna ŋul erae ŋulu ekeuryarito ayoŋ ka ani kakutakinit ayoŋ ŋakan kaŋ etopoloorit ikes,

Isa. 44:20

Emam atyeketait eyai neni a ituŋanan a ŋin ka ŋini enyami ekuron. Ebatasi ituŋanan ŋini itiyae ŋun ŋatameta keŋ ŋuna ka abaŋao, ido nyepedori aiun bon, kori nyepedori acamun atemar erae akuj ŋina eyakar iŋes akoŋinait.

Luk. 21:34

“Tokienyete! Kiuryasi adakanu, amera ka apodo ŋuna ka akiyar a na, nyikitumosi iyes, todolu akoloŋit ŋin atipei pa iyenete iyes,

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

Luk. 21:8

Toboŋok Yesu ikes tema, “Tocoito nyikimodik ituŋanan. Epote ŋikalalak irworosi alokiro kaŋ ebasi, ‘Ayoŋ iŋes ŋolo!’ kori ebasi, ‘Adol apaki!’ Nai tocoito iwuapakinete ikes.

Ŋikis. 12:30

kedaun amunyar ŋituŋa ŋul, tocoito nyikimodiyar, iyes kitiyata ŋuna etiyaete ŋituŋa ŋul, nyiŋitanarosi ŋuna a ŋakujo kec ibasi, “alipite mono kilipyata ŋituŋa ŋul neni a ŋakujo kec? Acamit ayoŋ daŋ akitiya lopite ŋolo etiyaata ikes.”

Ŋikis. 13:3

Nyemaikina iyes kiwuapa ŋakiro a ŋikadwarak a ŋul, kori a ŋikerujak a ŋul, a ŋulu edwarete ŋuna eponito, anerae ikikatakinit Ekapolon Akuj kus iyes, ikotere eyenuni erae kiminasi iyes kire Ekapolon Akuj kus a ŋitai kus a daadaŋ ka a akiyar kus a daadaŋ.

Ŋikis. 17:3

aŋuna alosyo akitiyanakin ŋakujo ŋace ka akilip neni kec, kerae neni ka akoloŋ, kori, a elap, kori a ŋiboorei ca daadaŋ ŋulu eya kidiama, a ŋulu nyakacamakinit ayoŋ iyes kilipa neni kec,

Ŋikis. 28:14

ka erae pa kimyekis iyes akiwuap ŋakiro keŋ erae pa kimyekis iyes akitiya ŋuna iyookino alokiŋaren Ekapolon erae pa kilipa ka kitiyanakis ŋakujo ŋace.’ ”

Ŋikis. 29:17

Iŋolikis iyes ŋiboro kec lu ŋulu eŋeritoe: Ŋitorubei a ŋakujo ŋulu etiyaunitae a ŋamoru ka ŋakito, a esilipa ka egolid, ŋitorubei ŋulu aya nakwap kec.

Ŋikis. 29:18

Acepaki eyai kidiŋ kus ekile, kori aberu, kori ekal, kori ekabila, ŋolo ebatar etau keŋ anakiwuapit Ekapolon Akuj yok aŋuna ka akitiyanakin ŋakujo a ŋituŋa a ŋul. Nyemaikina eyai kidiŋ kus ituŋanan ŋini ikokini ekitoe ŋolo eyai adwaris, ido yau ŋican.

Ŋikis. 30:17

Nai kiŋero iyes akiwuap ŋakiro ka Akuj, towout akiirar, ido tocamut akitooliyoro, kilipa neni a ŋakujo ka kitiyanakis ikes,

Ŋikis. 31:20

Ani kadau ayoŋ ayaun ikes nakwap ŋina eleleata ŋakile ka ao, nakwap ŋina abu ayoŋ eik anakikoŋ neni atapapaa kec ka ani kedaut ikes akimuj kimwoko ka totuma, akaŋerete ikes ayoŋ, ido kitiyanakis ŋakujo ŋace, okojamuwasi ayoŋ ka nyiwuapa acamunet kaŋ.

Ŋikis. 4:23

Aŋun, tocoikinito nai, nyikimuryak acamunet ŋina ipotu iyes tocamunotor ka Ekapolon, nyitiyaut aŋuna kus etorube a akuj eyakar ŋasima a idiobore, awou Ekapolon Akuj kus iyes akitiya ŋun,

Ŋikis. 4:9

Nai tocoikinito ka kiricunito akiyar kus, ikotere ŋuna iŋolikis iyes a ŋakonyen kus, nyikimuryakis, kori nyebucar anatameta kus ŋirwa daadaŋ ŋulu ka akiyar kus, kiteyenikisi ŋidwe kus ka ŋidwe a ŋidwe kus.

Ŋikis. 5:7

Nyiyakatar ŋakujo ŋace mati ayoŋ bon.

Ŋikis. 8:19

Ani kikimuryak iyes Ekapolon Akuj kus, ido kiwuapa ŋakujo ŋace ka kitiyanakis ikes ka kilipa neni kec, akalimokini ayoŋ iyes nakoloŋit na atemar, kire jik imunyarosi iyes!

Ŋibur. 12:15

Tocoito nyiboŋosi anajokis a ŋina ka Akuj. Nyitemokino idio kus ikokini ekitoe ŋolo erono adwaris keŋ, ido yau ŋican ka tomunaiya ŋikalalak.

Ŋibur. 2:1

Aŋuna a ŋakiro a ŋun, itemokino ericakisi ejok ŋuna ikidau akiirar, ikotere nyikioliyo.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.

Ŋibur. 4:1

Nai tokona, adau Akuj ainakin iwon akiikinet keŋ ŋina abu itolimok iwon atemar ieŋunete. Nai aŋuna tokona eriŋaakar akiikinet ŋina ka Akuj ŋina ka alomar nakwap ŋina ka akieŋun keŋ eyai, itemokino ocoikisi, ikotere nyekuruwo ipei daŋ alokidiŋ yok alomar nakieŋun ŋin.

Yak. 1:26

Ani ketami idiotuŋanan atemar iwuapit iŋes ŋakiro ŋuna ke edin, nai nyetubit akeeŋajep, erae edin keŋ ŋolo a koŋin, nabo emodyanakin iŋes bon.

1 Yoa. 5:21

Ŋidwe kaŋ, tocoikisi ŋakujo ŋuna nyerae ŋuna a kire.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 13:14

Abu tomodik ŋituŋa daadaŋ ŋulu iboiyete anakwap a ŋakujuwuanisya a ŋuna acamakinitae iŋes akitiya alokiŋaren etyaŋ ŋolo ke ekiŋaren. Tolimok etyaŋ ikes adukokin etorube ŋolo ke etyaŋ a ŋolo awanitae ka atum, nai ayari.

Akis. 20:4

Abu oanyuwa ŋikicoloŋo ŋulu ka apolou icoloŋito ŋulu ainakinitae apedor aruwor ŋikatubok. Abu daŋ oanyuwa ŋitai a ŋituŋa a ŋulu ketubonoryo ŋakyes, aŋuna araakatar ikes ŋisuudae a Yesu ka aŋuna ka Akirot a ŋina ka Akuj. Kepotu ikes nyilipa neni ke etyaŋ kori neni ke etorube keŋ ka nyiwuakina emacar ŋolo ke etyaŋ loreetin kori nakan kec. Toyarut ikes kipukata kaapei ka Kristo ŋikaru aliput apei.

1 Sam. 12:20

Tema Samuel neni a ŋituŋa, “Nyikuryaketa; idaut iyes akitiya aronis ŋin daadaŋ, tari kitiyato ŋun, nyimyekis akiwuapit Ekapolon, nai kitiyanakisi Ekapolon a ŋitai kus a daadaŋ.

1 Sam. 12:21

Nyiminakis ŋiboro ŋulu erae ŋikoŋinae ŋulu emam epoida, kori ŋulu nyikiunete, anerae erae ŋikoŋinae.