Ŋikis. 10:8 - Ebaibul

⁸ Apaki ŋin abu Ekapolon totyaka ekabila a Lepi aŋuna ke etic a ŋolo ka adakit Asaduku ŋina ka Acamunet ke Ekapolon ka aŋuna ke etic ŋolo ka akiwo alokiŋaren Ekapolon akitiyanakin iŋes ta aŋuna ke etic ŋolo ka akiterereŋ ŋituŋa alokiro ke Ekapolon. Tari tokona ŋiticisyo a ŋilepi ikes ŋul.

Ŋikis. 10:8 Iomraidhean Croise

1 Ŋirw. 8:6

Ani irikakin todakasi ŋisacaradotin Asaduku ŋina ka Acamunet ke Ekapolon nakibois ŋina amaikina kiwuakinae alo Kai ka Akuj, nakibois ŋina Asegan nooi; kiwuakis kwap neni arounito ŋabebenuk a Ŋikerubim.

1 Ŋakiro a ŋirwa 15:2

Tema nai iŋes, “Mam ituŋanan ice, ŋini edakuni Asaduku mati ŋilepi bon, anerae abu Ekapolon toseu ikes adakit Asaduku ke Ekapolon ka akitiya etic keŋ ŋikaru ka ŋikaru.”

1 Ŋakiro a ŋirwa 15:26

Aŋuna abunio Akuj kiŋarakinia ŋilepi ŋulu adakito Asaduku ŋina ka Acamunet ke Ekapolon, apotu ikes toara erae amuronot ŋimoŋin ŋikanikaarei ka ŋimesekin ŋikanikaarei.

1 Ŋakiro a ŋirwa 23:13

Arae lu ŋidwe ka Amiram ŋulusapa: Aron ka Moses. Aponi Aron inakinae etic ŋolo ka akitaleunun ŋiboro ŋulu asegak nooi, ikotere iŋes ka ŋidwe keŋ ŋulusapa erubakinete eayeneneete ŋainakineta neni ke Ekapolon, kitiyata etic keŋ, tolimonosi ŋakiro ŋuna ka akiterereŋ ŋituŋa alokiro a Ekapolon ŋikaru ka ŋikaru.

1 Ŋakiro a ŋirwa 23:26

Aŋun, nyemaikina ŋilepi torubakis edakanarete anakibois kaapei tari ŋinace eema, kori ŋinibore daadaŋ esitiyao ilipyo.”

2 Ŋakiro a ŋirwa 29:11

Ŋidwe kaŋ ŋulusapa, nyiruworosi ŋulu ijamaaka tokona, anerae ikiseu iyes Ekapolon aruwor ŋulu iwuasi alokiŋaren keŋ, ido kitiyanakis iŋes, kiŋarenikis ŋituŋa anakilip ka kicunya ekinyate.”

2 Ŋakiro a ŋirwa 30:27

Ekaku nai, apotu ŋisacaradotin ka ŋilepi tonyout, kiterereŋo ŋituŋa, kiira Akuj ŋitoilon kec; todol akilip kec neni ka Akuj nakibois keŋ ŋina iboiyo iŋes.

Ŋikiru. 134:1

Potu, kipuro Ekapolon, iyes ŋiketiyak ŋulu ke Ekapolon daadaŋ, kipuro iŋes, iyes ŋulu itiyaete nakwaare alo Kai keŋ.

Ŋikiru. 134:2

Kikyaasi ŋakan kus ilipete iteorito nakibois ŋina asegan, ido kipuro Ekapolon.

Ŋikiru. 135:2

iyes ŋulu itiyaete alo Kai ke Ekapolon, iyes ŋulu iyakasi nalapatui ŋuna ka Akai ka Akuj yok.

Yer. 15:19

Aŋun, abu Ekapolon tema neni kaŋ, “Ani kiboŋunit iyoŋ neni kaŋ, ekejauni ayoŋ iyoŋ nabo, ido ibuni iyoŋ akitiyanakin ayoŋ nabo. Ani kirwor iyoŋ ŋakiro ŋuna ajokak, meere ŋunacaryo, iruwor iyoŋ ekadwaran kaŋ. Eboŋunete ŋituŋa neni kon meere iyoŋ iboŋori neni kec.

Esek. 44:11

Eruwor ikes ŋiketiyak nakibois ŋina asegan alo Kai ka Akuj, ŋulu iyokiyete ŋipukei ŋulu ka Akai ka Akuj ka ŋulu itiyaete Kai ka Akuj; epedorete ikes akiar ŋibaren ŋulu eyaunitae nen erae ŋainakineta ŋuna epeyo ka ŋamuronisya a ŋuna a ŋituŋa. Emaikina ikes kitiyata etic aŋuna a ŋituŋa.

Esek. 44:15

“Nai ŋisacaradotin ŋulu alokabila a Lepi torae ŋiletok a Sadok, ŋulu apotu anakikinyomit ayoŋ kitiyata ŋiticisyo ŋulu ka akibois a ŋina asegan apaki ŋina a ŋeryoto Ŋisirael akiwuap ayoŋ, ikes emaikina toapuut neni kaŋ kitiyata etic kaŋ alokiŋaren kaŋ. Emaikina ikes towua alokiŋaren kaŋ, okoinakis ayoŋ ŋasepwa ka ŋaokot a ŋainakineta.

Ŋilep. 8:9

Kitanapik nai Moses akopiya nakou ka Aron, ido todapak ebokot ŋolo ke egolid kiŋaren nakopiya, arae ebokot ŋol ŋolo asegan ŋolo ke etal. Abu Moses kitiya ŋun, lopite ŋolo ecikitor Ekapolon iŋes.

Ŋilep. 9:22

Ani kirikak Aron akitiya ŋun, kikyaa ŋakan keŋ neni aya ŋituŋa, kiterereŋ ikes. Kedau ainakin ainakinet aŋuna ka asecit, ainakinet ŋina epeyo ka ainakinet ŋina ke ekisil, abu todoku kwap.

Ekim. 3:31

Ainakinitae Ŋikoasi ŋiticisyo lu: Ŋolo ka Asaduku a ŋina ka Acamunet, ŋolo a emesa a ŋolo a awoet a ŋina ke etaa, ŋolo a ŋamuroeta ka ŋolo a ŋikopoi ka ŋabakulei ŋuna isitiyaete ŋisacaradotin anakibois a ŋina asegan ta ŋolo ka anaŋga. Ainakinitae ikes ŋiticisyo daadaŋ ŋulu eitana aŋuna a ŋiboro a ŋul.

Ekim. 3:6

“Toseu ŋituŋa a ekabila a Lepi, inak ikes neni ka Aron esacaradoti, ikotere kiŋarakis ikes iŋes.

Ekim. 4:15

Kedaut Aron ka ŋidwe keŋ ŋulusapa akimuk akibois ŋina asegan ka ŋiboro daadaŋ ŋulu isitiyao a nen, apaki ŋina ewotokinere edakete Ŋikoati ŋiboro ŋul, nyemaikina ikes etapete ŋiboro ŋulu italeunitoe, anerae ketapa ikes ŋiboro ŋul etwakete. Erae ŋul ŋiboro ŋulu a eema a ŋolokilipet ŋulu emaikina Ŋikoati todaka apaki ŋina ewotokinere.

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Ŋitic. 13:2

Ani ilipete ikes neni ke Ekapolon ka kikanyete, tolimok Etau ŋolo Asegan ikes tema, “Kimyekisi Baranaba ka Saulo kitiyata etic ŋolo anyaritor ayoŋ ikes.”

Ŋirom. 1:1

Ayoŋ Paulo, eketiyan a Yesu Kristo, egirit abaruwa na. Akanyarau Akuj ayoŋ aruwor ekiyakia ka akaseu aruwor ekalimonokinan Ŋakiro keŋ ŋuna Ajokak.

Ŋirom. 12:7

Ani kerae akitiyanakin, itemokino iwon etiyanakisi. Ani kerae akitatam, itemokino iwon etatama.

2 Ŋikor. 6:17

Nabo, ebala Ekapolon, “Itemokino iyes toesikis ikes, totyakaros aneni kec. Nyitap idiobore ŋini nyeseg, ido ekejau ayoŋ iyes.

Ŋigal. 1:15

Nai abu Akuj tolakar okoseu ayoŋ eriŋa tari nyidouno, okonyar ayoŋ anajokis keŋ akitiyanakin iŋes. Abu iŋes eketoodik ayoŋ Lokoku keŋ, ikotere olimonok Ŋakiro ŋuna Ajokak ŋuna ikamunito iŋes lotuŋa ŋulu nyerae Ŋiyudayan. Apaki ŋina atakanuniata ŋun, abu ayoŋ nyecanican apaki alosit neni a idiotuŋanan aryamun ŋakiro ŋuna eŋarakinak;

Ŋikis. 17:12

Ani ŋini nyecamuni akitiya ŋuna etubuni esacaradoti ŋolo eseunitae akitiya neni ke Ekapolon a Akuj kus, kori ŋuna a ekatubon ŋakiro, emaikina ituŋanan ŋin toarae. Aŋun, ilemarete iyes aronis alo Isirael.

Ŋikis. 18:5

anerae abu Ekapolon Akuj kus toseu ŋituŋa a ekabila a Lepi alotuŋa a ŋikabilae a Ŋisirael daadaŋ akiwo ka akitiya alokiro ke Ekapolon, iŋes kaapei ka ŋidwe keŋ ŋulusapa ŋikaru ka ŋikaru.

Ŋikis. 21:3

Ani eryamunio etaun ŋolo eapikinit nooi neni eperyo ikatwan, elemunete ŋikasikou a etaun a ŋol ibarasit ŋini emam nyitiyat etic edio, ŋini nyitanapa ayokot,

Ŋikis. 21:5

Epote nai ŋisacaradotin, ŋidwe a Lepi ŋulusapa kiŋaren, anerae aseu Ekapolon Akuj kus ikes akitiya aŋuna keŋ ka akiterereŋ alokiro ke Ekapolon ta akitub ŋakiro a ŋiburasinei a daadaŋ ka a ŋijiesyo a daadaŋ.

Ŋikis. 31:9

Abu nai Moses kigir ŋikisila ŋul, ido inak neni a ŋisacaradotin, neni a ŋidwe a Lepi a ŋulu aryoŋito Asaduku ŋina ka Acamunet ke Ekapolon ka neni a ŋikasikou a Ŋisirael daadaŋ.