Ŋikis. 10:21 - Ebaibul

²¹ Ekapolon iŋes erae akipuro kus, iŋes erae Akuj kus, ŋina etiya aŋuna kus ŋakiro ŋuna apolok ka etubulok ŋun ŋuna iŋolikis iyes a ŋakonyen kus.

Ŋikis. 10:21 Iomraidhean Croise

2 Sam. 7:23

Ata ŋae ŋituŋa ikwaan ka ŋituŋa kon, Ŋisirael? Eya mono ŋituŋa ŋice ikwaanatar ikes anakwapin a akwap ŋulu abu Akuj kec tolot alakun ikwapei ŋituŋa keŋ, ido toruunio ekiro keŋ a? Eya mono ŋituŋa ŋulu abu Akuj kitiya ŋuna ka aumokin neni kec anakiritanar ŋituŋa a ŋakwapin ka ŋakujo kec alokiŋaren kec a?

Ŋikiru. 109:1

Okoe Akuj ŋina epuro ayoŋ, nyililiŋ kare ca,

Ŋikiru. 145:6

Iseraete ŋituŋa ŋuna ka apedor a ŋiticisyo kon a ŋulu ka aumokin, ido alimori ayoŋ ŋuna ka apolou kon nooi.

Ŋikiru. 148:14

Ainaki iŋes ŋituŋa keŋ agogoŋu, ikotere ŋituŋa ke Ekapolon daadaŋ ipurete iŋes. Ŋituŋa a Isirael ŋulu emina Ekapolon nooi. Kipuroe Ekapolon!

Ŋikiru. 22:3

Torae bo iyoŋ Akuj ŋina iseg, ŋina itopoloorito Ŋisirael anakilip kec.

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Awos. 34:10

Tema nai Ekapolon, “Tokona, ewuakini ayoŋ Acamunet kaŋ ka iyes. Etiyae ayoŋ ŋakiro ŋuna ka aumokin itete ŋituŋa daadaŋ, ŋakiro ŋuna nyitiyakina ŋinapei koloŋ anakwap a daadaŋ neni a ŋakwapin a daadaŋ. Eanyuwarete ŋituŋa daadaŋ ŋulu iboiyete iyes aneni kec ŋuna itiyakini Ekapolon, anerae ŋuna eapi ayoŋ akitiyakin, erae ŋuna etubulok.

Isa. 60:19

Nyeruwor nabo akoloŋ ikiinakini iyes akica naparan, kori nyecauni neni kus nakwaare akica ŋina ke elap, nai Ekapolon eruwor akica kus ŋina a ŋikaru ka ŋikaru ka eruwor Akuj kus apolou kus.

Isa. 64:3

Apaki ŋina itiyaa iyoŋ ŋiticisyo ŋulu etubulok, ŋulu pa atamakinitae isua atemar itiyakini iyoŋ, ibu iyoŋ totiyaun kwap, apotu ŋimoru tomaranikis ikiŋolikinete iyoŋ.

Yer. 17:14

Okoe Ekapolon, kitaŋaleunoe, ido aŋaleuni ayoŋ, toiunae ayoŋ, ido aiun ayoŋ; anerae irae iyoŋ akipuro kaŋ.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Yos. 24:18

Abu Ekapolon Akuj tobwaŋ alokiŋaren kosi ŋakwapin daadaŋ kaapei ka Ŋiamori ŋulu alomito nakwap na. Aŋun, ikicamit isua daŋ akitiyanakin Ekapolon, anerae erae iŋes Akuj kosi.”

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.

1 Sam. 12:24

Kitopoloosi kire iyes Ekapolon, kitiyanakisi iŋes anakikinyomit a ŋitai kus a daadaŋ; totamutu ŋakiro ŋuna apolok nooi ŋuna etiya Ekapolon aŋuna kus.