Ŋikis. 10:20 - Ebaibul

²⁰ Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.

Ŋikis. 10:20 Iomraidhean Croise

2 Ŋirw. 18:6

Emiidikina iŋes neni ke Ekapolon; pa aesyanakini iŋes akiwuapit acamit ŋina ke Ekapolon, nai ericit ŋakiciketa ŋuna abu Ekapolon kicikak Moses.

Ŋikiru. 63:11

Nai elelyani erwosit aneni ka Akuj; ikes daadaŋ ŋulu ikoŋete alokiro ka Akuj, eryamunete alelyanu, anerae isililiŋio ŋulu alyokonok.

Awos. 20:7

“Nyisitiyaete ekiro ke Ekapolon Akuj kus analyokonu, anerae nyeesikini Akuj akisican ituŋanan ŋini isitiyae ekiro keŋ analyokonu.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Isa. 45:23

Ayoŋ Akuj adau akikoŋ, adau ayoŋ alimun ŋakiro anakiyookino, ŋakiro ŋuna nyepedoryo akinyakar ŋakiro ŋun ikes nu, “Eryediki ŋinituŋanan alokiŋaren kaŋ, elimori ŋinituŋanan atemar arae ayoŋ Akuj.”

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Luk. 4:8

Toboŋok Yesu iŋes tema, “Igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋirom. 12:9

Kimyekisi amina torae ŋina emamukar ŋisoswae alotooma keŋ. Toŋero ŋuna aronok. Torubakisi iricito ŋuna ajokak.

Ŋikis. 11:22

Ani kiwuapa iyes ejok ŋakiciketa ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus, kiwuapa ŋakiro keŋ ka kimiidikinos neni keŋ,

Ŋikis. 13:4

Kiwuapa ŋakiro ŋuna a Ekapolon Akuj kus, kitopoloorito iŋes bon, kiwuapa ŋakiciketa keŋ, kiwuapa ŋakiro ŋuna elimunit iŋes, kitiyanakisi iŋes ka kimiidikinos neni keŋ.

Ŋikis. 30:20

iminasi Ekapolon Akuj kus, iwuapito ŋakiro keŋ ka imiidikina neni keŋ, anerae erae ŋun akiyar aneni kus ka erae ŋirwa ŋulu alalak ŋulu ka akiyar kus, ikotere iboiyete anakwap a ŋina abu Ekapolon kikoŋ ainakin neni atapapaa kus Aburaam, Isaka ka Yakob.”

Ŋikis. 4:4

tosodi iyes ŋulu ipotu torubakis ewuapito ŋuna ke Ekapolon Akuj kus, eriŋa iyarete tari tokona.

Ŋikis. 5:11

“Nyisitiyaete ekiro ke Ekapolon Akuj kus analyokonu, anerae nyeesikini Akuj akisican ituŋanan ŋini isitiyae ekiro keŋ analyokonu.

Ŋikis. 5:29

Okoe kerae ca toyakatar ikes atametait ŋina ikoni ŋin, ŋina ka amina ayoŋ ka akiwuapit ŋakiciketa kaŋ daadaŋ jwi jwi, ikotere ejokyata ŋakiro aŋuna kec ka aŋuna a ŋidwe kec ŋikaru ka ŋikaru!

Ŋikis. 6:13

Kitopoloorito Ekapolon Akuj kus, kitiyanakinete iŋes ka kikoŋo a ekiro keŋ bon.

Yos. 23:7

nyirukito ka ŋituŋa lu ŋulu idoŋito nakwapin ŋuna iboiyoto iyes, nyinyarito ŋirorwa a ŋakujo kec, kori nyikoŋo ilimito ŋirorwa a ŋakujo kec, kori nyitiyata ediotic aŋuna a ŋakujo a ŋun, kori nyilipete neni kec.

Yos. 23:8

Nai kikinyoma Ekapolon ŋolo erae Akuj kus lopite ŋolopei sek iponiata kikinyometa akitodol tari tokona.

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”