Ŋikis. 10:17 - Ebaibul

¹⁷ anerae erae Ekapolon Akuj kus Akuj a ŋakujo, Ekapolon a ŋikapolok, Akuj ŋina apolon, ŋina etiron ka ŋina etubulon, ŋina etubi ŋakiro iyookino ka eŋerit akaluŋuluŋut,

Ŋikis. 10:17 Iomraidhean Croise

2 Ŋakiro a ŋirwa 19:7

Tocamutu tokona akitopoloorit Ekapolon alotai kus; totamete ejok anakiro a ŋuna itiyaete iyes, anerae aneni ke Ekapolon Akuj yok, emam amodyanakin kori, ariit neni a ŋice, kori ŋakaluŋuluŋui.”

Neem. 1:5

Abu ayoŋ otema anakilip kaŋ, “Okoe Ekapolon, Akuj ŋina anakuj, Akuj ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa aŋuna a ŋulu ikiminasi iyoŋ ka aŋuna a ŋulu iwuapito ŋakiciketa kon,

Neem. 4:14

Kadau ayoŋ akiŋolikin ŋakiro ŋun daadaŋ, abu ayoŋ owo olimok ŋikapolok, ŋikepukak ka ŋituŋa ŋuluce daadaŋ otema, “Nyikuryaketa aŋuna kec, totamutu Ekapolon ŋolo etiron ka ŋolo ikitubuli, ido tojioto aŋuna a ŋiyeneta kus, aŋuna a ŋidwe kus a ŋulusapa ka aŋuna a ŋidwe kus a ŋulupesur, aŋuna a ŋaberu kus ka aŋuna a ŋirerya kus.”

Neem. 9:32

“Aŋun nai, Akuj kosi, Akuj ŋina ka apedor, ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa, nyijamak ŋatyokisyo ŋuna apotu neni kosi, neni a ŋirwosi kosi, neni a ŋikepukak kosi, neni a ŋisacaradotin kosi, neni a ŋikadwarak kosi ka neni atapapaa kosi, neni a ŋituŋa kon a daadaŋ ameun anapaki a ŋina a ŋirwosi a ŋulu ka Asiriya akitodol nakoloŋit na.

Yob 34:19

Ŋini nyeriito ka ŋikepukak, kori nyemina ŋikabarak akilo ŋikulyakanotin, anerae erae ikes daadaŋ ŋisubuna keŋ a?

Ŋikiru. 99:3

Emaikina ŋituŋa kipuro ekiro kon ŋolo apolon nooi ŋolo ailiilon. Erae iŋes ŋolo Eseg!

Awos. 23:8

Nyicamut akaluŋuluŋut adio, anerae nyepedorete ŋikapolok aruwor ŋulu iyookino erae kecamununeete ŋakaluŋuluŋui, epedorete ikes akiloc ŋakiro a ŋulu iyookino.

Isa. 37:16

“Okoe Ekapolon ŋolo a ŋajoresyo, Akuj a Isirael, iyoŋ ŋina iyai kidiama ŋisubuna ŋulu a ŋabebenuk, irae iyoŋ Akuj, iyoŋ bon irae Akuj anakwapin a daadaŋ anakwap.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 20:11

Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Yer. 32:18

Itoodikinit iyoŋ amina ŋina nyiryaŋiryaŋa nanyameta ŋalipyo, nai isicani ŋidwe aŋuna a ŋasecisya a ŋikauruunak kec. Okoe Akuj ŋina apolon ka ŋina etiron ŋina erae ekiro kon Ekapolon ŋolo a ŋajoresyo,

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 2:45

Lopite ŋolo ibunio iyoŋ kiŋolik amoru ŋina pa ayororit ituŋanan ecakun alomoru, ido abu amoru ŋin tobwaŋabwaŋaa asuwat, eburonis, ecoto, esilipa ka egolid; adau Akuj ŋina etiron alimokin erwosit ŋakiro ŋuna itiyakin alorwa a ŋulu eponito. Erae ŋun ŋakiro kire ŋuna ibu iyoŋ kiruja, emaikina iyoŋ tonup atemar ŋuna ekesileerek ayoŋ iyoŋ ikes erae apolou kec.”

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Mar. 12:14

Ani edolunete ikes neni a Yesu, temasi, “Eketataman, ikiyeni isua atemar irworo iyoŋ ŋuna iyookino ka nyimisit ŋuna etamete ŋituŋa. Nyityakatyakat iyoŋ ŋituŋa, nai itatami ŋuna a kire ŋuna ka Akuj. Ikicamakinito mono isua Ŋikisila akibuk ocur neni ke ekepukan a Roma kori mam?

Ŋitic. 10:34

Togeu Petero erwor tema, “Tokona ayenu ayoŋ kire atemar nyetyakatyakat Akuj ŋituŋa;

Ŋirom. 2:11

Anerae, nyetyakatyakat Akuj ŋituŋa.

Ŋigal. 2:6

Nai ikes ŋulu asibito ŋikarikok, apotu nyakalimokis ayoŋ ŋakiro ŋace ŋuna kitet. (Aneni kaŋ, nyerae ikes ŋikarikok, aŋuna ke epite a ŋolo paaran ayakatar ikes; anerae nyetubonokini Akuj aŋuna ke etakane.)

Ŋiep. 6:9

Ŋikapolok, totiŋito ŋipi kus ikwaŋinapei, lopite ŋolo ejok alokiŋaren Ekapolon; tojoŋoto akitukuryan ikes. Toyenete atemar iraakasi iyes ka ŋipi kus ŋulu ke Ekapolon a epei a ŋolo eyai nakuj, a ŋolo etubonokini ŋituŋa daadaŋ alopite a epei, emam atyakatyak.

Ŋikis. 1:17

Nyemaikina iyes iriito ka ituŋanan ipei apaki ŋina itubioto iyes ŋakiro, totubo ŋakiro eriyan aŋuna a ŋulu itopolooritae ka ŋulucaryo, nyemaikina ituŋanan idio ikitukuryan iyes, anerae erae atubokinet ŋina ka Akuj. Ŋakiro ŋuna egogoŋ iyes akitub iyautu neni kaŋ, ido opupok ayoŋ.’

Ŋikis. 16:19

Tocoito ilocete ŋakiro ŋuna iyookino, totubete ŋakiro anakiyookino emam ariit ka ice, nyicamut ŋakaluŋuluŋui, anerae iteesikini akaluŋuluŋut ŋikaosok akitiya ŋuna iyookino ka iloci ŋakiro a ŋulu iyookino.

Ŋikis. 24:17

Emaikina iyes totubo ŋakiro a ŋigelaanotin, kori ŋikokyok anakiyookino; nyiyaasi elou a apuserut erae ibore ŋini ekodaritae aŋuna ka amica.

Ŋikis. 27:25

“‘Ilamam ituŋanan daadaŋ ŋini ijaari akaluŋuluŋut aarya ituŋanan ŋini emam ibore esecit.’ “Eboŋokinete nai ŋituŋa daadaŋ temasi, ‘Kiyookin ŋun.’

Ŋikis. 7:21

Nyikibul aŋuna kec, anerae Ekapolon Akuj kus ŋina irukitotor iyes, erae Akuj ŋina etubulon.

Ŋikol. 3:25

Ŋini daadaŋ itiyae aronis, isicanio emam atyakatyak aŋuna a ŋakiro a ŋuna aronok a ŋuna itiyae iŋes.

1 Tim. 6:15

Eyauni Akuj atakanun ŋina a Yesu Kristo anapaki a ŋina itemokino, Akuj ŋina erereŋ ka ŋina erae iŋes bon erae Ekapolon, Erwosit ŋolo a ŋirwosi ka Ekapolon ŋolo a ŋikapolok.

Yos. 22:22

“Akuj ŋina Etiron, Ekapolon! Akuj ŋina Etiron, Ekapolon! Iŋes bon eyeni ŋuna ikiinakis isua akitiya nu ka emaikina Ŋisirael daŋ toyenut ŋunapei ŋun. Ani kikiŋerit isua Ekapolon, kimyekinitae akiwuap ŋakiro keŋ, tomunyarae isua nakoloŋit na!

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”