Ŋikis. 10:12 - Ebaibul

¹² Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 10:12 Iomraidhean Croise

1 Ŋirw. 3:3

Amina Solomon Ekapolon ewuapit daŋ ŋikisila a Daudi a papa keŋ. Nai aayenene iŋes ŋamuronisya nakiboisyo ŋunamukur ŋun ka ecunyanakini ekinyate a nen.

2 Ŋirw. 10:31

Tari kikote neni daŋ, abu Yeu nyepedo akiwuap ŋikisila a Ekapolon Akuj a Isirael. Abu iŋes nyeki akitiya ŋasecisya ŋuna ekote ŋuna a Yeroboam a ŋolo arikokini Ŋisirael nasecit.

2 Ŋirw. 18:3

Etiyae iŋes ŋuna etalakarito Ekapolon lopite jik ŋolo etiyaa papaa keŋ Daudi.

2 Ŋirw. 18:6

Emiidikina iŋes neni ke Ekapolon; pa aesyanakini iŋes akiwuapit acamit ŋina ke Ekapolon, nai ericit ŋakiciketa ŋuna abu Ekapolon kicikak Moses.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 15:12

Tocamunos ikes akilip a ŋitai kec a daadaŋ ka anakiyar kec a daadaŋ neni ke Ekapolon Akuj atapapaa kec.

Yob 36:11

Ani kiirasi, ido kitiyanakis Akuj, irikakinete ikes ŋirwa ŋulu ka akiyar kec erae ŋulu eyakatar ebari, irikakinete ŋikaru ŋulu ka akiyar kec erae ŋulu elakara.

Ŋikiru. 119:2

Elakara ŋituŋa ŋulu iwuapito ŋakiro ŋuna etubunit iŋes, ŋulu iwarito Ekapolon a ŋitai kec a daadaŋ,

Ŋikiru. 128:1

Elakara ituŋanan daadaŋ ŋini itopoloorit Ekapolon, ŋini iwuapit ŋakiro a Ekapolon.

Ŋikiru. 145:20

Iyokit Ekapolon daadaŋ ŋulu eminasi iŋes, nai emunyari Ekapolon ŋulu aronok daadaŋ.

Ŋikiru. 18:1

Okoe Ekapolon ŋolo irae agogoŋu kaŋ, akamina ayoŋ iyoŋ.

Ŋikiru. 34:9

Kitopoloosi Ekapolon iyes ŋituŋa ŋulu ikinyomito iŋes. anerae ikes ŋulu itopoloorito iŋes, mam ibore icanasi.

Ŋikiru. 81:13

Okoe, anica kiirasi ŋituŋa kaŋ ŋuna abala ayoŋ, anica kiwuapa Ŋisirael ŋuna abala ayoŋ!

Ŋikiru. 81:14

Iŋes nai areunia ayoŋ ŋimoe kec atipei, erita ŋimoe kec daadaŋ.

Awos. 23:25

Kilipa neni ke Ekapolon Akuj kus, eterereŋi ayoŋ akimuj ka ŋakipi kus; ido alemari ayoŋ ŋidekesyo aneni kus.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Esek. 11:20

ikotere nai ikes ikiwuapeta alotooma anupit ŋikisila kaŋ ka iwuapete ŋuna atubunit ayoŋ. Eruworosi ikes ŋituŋa kaŋ ka aruwor ayoŋ Akuj kec.

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Sepan. 3:9

“Apaki ŋin, elocokini ayoŋ epite ŋolo irworotor ŋituŋa kaŋ, toruwor erwor ŋolo ajokan, ikotere ikes daadaŋ enyaraete ekiro ŋolo ke Ekapolon, ido kitiyanakis Ekapolon ecamuna kaapei.

Mat. 22:37

Toboŋok Yesu iŋes tema, “Tomina Ekapolon Akuj kon ka ekonitau a daadaŋ, ka akonikiyar a daadaŋ ta a ŋakonitameta a daadaŋ.

Luk. 10:27

Toboŋok iŋes tema, “Tomina Akuj Ekapolon kon a ekonitau a daadaŋ ka akonikiyar a daadaŋ ka akonigogoŋu a daadaŋ ta ŋatameta kon a daadaŋ; nabo tomina ekonikidunyet, ikwaŋina iminar iyoŋ akonikuwan.”

Luk. 11:42

“Ekaŋ iyes Ŋiparisayon! Ilemyanakinete iyes Akuj alemikinet apei anatomon a ŋikito a ŋulu itoboboete akimuj, nai ijamakinito iyes ŋakiro ŋuna iriyan ŋuna ka Akuj ka amina keŋ. Itemokino iyes akitiya nu tomam ajamakinit ŋunace.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

Ŋirom. 1:9

Eyeni Akuj atemar ŋuna erworo ayoŋ erae ŋuna a kire--Akuj ŋina etiyanakini ayoŋ a ekaatau a daadaŋ analimonokin Ŋakiro ŋuna Ajokak ŋuna a Lokoku keŋ. Eyeni Akuj atemar akatamunit ayoŋ iyes,

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

Ŋikis. 10:11

Kirwor Ekapolon neni kaŋ tema, “Tonyou, tolot kiŋarenik ŋituŋa ikotere elosete kituruwosi akwap ŋina abu ayoŋ ekoŋ ainakini neni atapapaa kus ŋina kec.”

Ŋikis. 10:13

ka akiwuap ŋakiciketa ŋuna ke Ekapolon Akuj kus ka ŋakiro ŋuna etubunit iŋes, ŋuna akalimok ayoŋ iyes nakoloŋit na aŋuna ka alakara kus a ŋikulepek.

Ŋikis. 11:1

Aŋun, emaikina iyes tominas Ekapolon Akuj kus, kitiyata jwi jwi ŋuna elimunit iŋes, ŋuna etubunit iŋes, ŋikisila keŋ ka ŋakiciketa keŋ.

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 26:16

Akoloŋit napei na ikicik iyes Ekapolon akiwuap ŋakiro ŋuna etubunitoe ŋun ka ŋikisila ŋul, kiwuapa ikes ejok a ŋitai kus a daadaŋ ka a akiyar kus a daadaŋ.

Ŋikis. 27:10

Aŋun, kiwuapa ŋakiro a Ekapolon Akuj kus, kiwuapa ŋakiciketa keŋ ka ŋakiro ŋuna etubunit iŋes ŋuna ekecik ayoŋ iyes nakoloŋit na akiwuap.”

Ŋikis. 30:16

Ani kiwuapa iyes ŋakiciketa a Ekapolon Akuj kus, ŋuna ekecik ayoŋ iyes nakoloŋit na anamina Ekapolon Akuj kus, iwuapito ŋakiro keŋ ka iricito ŋakiciketa keŋ, ŋikisila keŋ ka ŋakiro keŋ ŋuna etubunit iŋes, iyarete nai iyes ka ipitunete, ido ikiterereŋi iyes Ekapolon Akuj kus anakwap a ŋina eapi iyes alomar akituruwor ŋina kus.

Ŋikis. 30:20

iminasi Ekapolon Akuj kus, iwuapito ŋakiro keŋ ka imiidikina neni keŋ, anerae erae ŋun akiyar aneni kus ka erae ŋirwa ŋulu alalak ŋulu ka akiyar kus, ikotere iboiyete anakwap a ŋina abu Ekapolon kikoŋ ainakin neni atapapaa kus Aburaam, Isaka ka Yakob.”

Ŋikis. 4:29

Iwarete iyes aina Ekapolon Akuj kus ka iryamunete iyes iŋes erae kiwara iyes iŋes a ŋitai kus a daadaŋ ka a akiyar kus a daadaŋ.

Ŋikis. 5:29

Okoe kerae ca toyakatar ikes atametait ŋina ikoni ŋin, ŋina ka amina ayoŋ ka akiwuapit ŋakiciketa kaŋ daadaŋ jwi jwi, ikotere ejokyata ŋakiro aŋuna kec ka aŋuna a ŋidwe kec ŋikaru ka ŋikaru!

Ŋikis. 5:33

Emaikina iyes kiwuapa jik ŋakiro ŋuna ikicik iyes Ekapolon Akuj kus akiwuap, ikotere iboiyete emam ŋace ka ikotere iboiyete apaki ŋina aoyan anakwap a ŋina ipote iyes akituruwor ŋina kus.

Ŋikis. 6:13

Kitopoloorito Ekapolon Akuj kus, kitiyanakinete iŋes ka kikoŋo a ekiro keŋ bon.

Ŋikis. 6:2

Ikotere iyes ka ŋidwe kus ta ŋidwe a ŋidwe kus, itopoloorito Ekapolon Akuj kus ŋirwa ŋulu ka akiyar kus daadaŋ, kiwuapa ŋakiro ŋuna etubunit iŋes daadaŋ ka ŋakiciketa keŋ ŋuna ekeciki ayoŋ iyes akiwuap, ikotere tolalata ŋirwa a akiyar kus.

Ŋikis. 6:24

Abu nai Ekapolon ikicik isua akiwuap ŋakiro ŋuna etubunitoe daadaŋ, akitopoloorit Ekapolon Akuj kosi aŋuna ka arubakinia anajokis, ikotere ikiyoki iŋes isua ikiyari, lopite ŋolo ikiyakar tokona.

Ŋikis. 6:5

Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.

1 Tim. 1:5

Nai ŋuna elosikinitoe isua anakitatam kosi erae amina ŋina ebunit alotau a ŋolo Asegan, anatameta a ŋuna ecayete ka ananupit a ŋina a kire.

Ŋibur. 12:28

Aŋun, itemokino iwon olakara, anerae Apukan ŋina eryamunio iwon erae ŋina nyepedoryo akitamaranikin. Itemokino iwon olakaros elipa Akuj alopite a ŋolo italakari iŋes, alotooma akitiditeuna ka akerit,

Yos. 22:5

Nai kiwuapa ejok ŋakiciketa ka Ŋikisila lu ŋulu abu Moses eketiyan a Ekapolon ikicik iyes akiwuap: Amina Ekapolon Akuj kus, akitiya daadaŋ ŋuna ecamit iŋes, akiwuapit ŋakiciketa keŋ, arubakinit iminasi iŋes ka akitiya etic keŋ a ŋitai kus a daadaŋ ka anakiyar kus a daadaŋ.”

Yos. 24:14

“Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.

1 Yoa. 2:15

Nyiminakis akwap kori ŋinibore eyai tooma keŋ. Ani keminaki idiotuŋanan akwap, nyemina ituŋanan ŋin Papa.

1 Yoa. 5:5

Ŋae epedori akiloun akwap? Erae ŋini bon enupit atemar erae Yesu Lokoku ka Akuj.

1 Sam. 12:20

Tema Samuel neni a ŋituŋa, “Nyikuryaketa; idaut iyes akitiya aronis ŋin daadaŋ, tari kitiyato ŋun, nyimyekis akiwuapit Ekapolon, nai kitiyanakisi Ekapolon a ŋitai kus a daadaŋ.