Ŋikis. 1:8 - Ebaibul

⁸ Kiirasi akainak ayoŋ iyes akwap ŋin, toloto kikamasi akwap ŋin kituruwosi ŋina kus, akwap ŋina abu ayoŋ ekoŋ ainakin atapapaa kus Aburaam, Isaka ka Yakob ka neni a ŋiletok kec ekaku kec.”

Ŋikis. 1:8 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 15:16

ido eboŋunete ŋiletok kon ne edoli anyamet ŋina a ŋaomwon; anerae eriŋa aronis ŋina a Ŋiamori nyedauna.”

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

Neem. 9:15

Ani enyami akoro ikes, ibu iyoŋ inak ikes ŋamugati ŋuna anakuj ka ani enyami ikes akure ibu iyoŋ inak ikes ŋakipi anataaba, ido ibu itolimok ikes atemar tolomasi kituruwosi akwap ŋina kus, akwap ŋina ibu iyoŋ kikoŋ ainakin ikes.

Awos. 23:31

Ewuakini ayoŋ ekukoru a akwap kus akisyakin a Nanam a ŋina Areŋan tari Nanam a Ŋipilistin, ido kikobar analoŋisat tari naŋolol Eupurate. Akajalakini ayoŋ iyes ŋituŋa ŋulu iboiyete anakwap a ŋin, ido iritarete iyes ikes toloto alokiŋaren kus.

Awos. 33:1

Tema Ekapolon neni a Moses, “Towotok anakibois a na, iyoŋ kaapei ka ŋituŋa ŋulu ibu iyoŋ kitipeunio anakwap a Ijipit, towoto nakwap ŋina abu ayoŋ ekoŋ ainakin Aburaam, Isaka ka Yakob abala, ‘Ainakini ayoŋ akwap ŋin neni a ŋiletok kus.’

Yer. 32:22

ido ibu iyoŋ inak Ŋisirael akwap na ŋina ibu iyoŋ kiik atapapaa kec atemar iinakini ŋiletok kec, akwap ŋina eleleata ŋakile ka ao.

Esek. 47:14

Emaikina iyes totyakatyakata akwap eriyan, abu ayoŋ ekoŋ ainakin akwap na neni atapapaa kus, eruwor akwap na ŋina kus.

Ekim. 14:23

ŋini iŋolikini akwap ŋina abu ayoŋ eik ainakin atapapaa kec, mam ipei daŋ alokidiŋ ŋulu apotu okojamuwasi ayoŋ ŋini epedori akiŋolikin akwap ŋin.

Ekim. 32:11

‘Kire mam ituŋanan alotuŋa a ŋulu etipeunete alo Ijipit ŋini erae ŋikaru ŋatomoniarei ka ŋikan ka adepar ŋini epedori akiŋolikin akwap ŋina abu ayoŋ ekoŋ ainakin Aburam, Isaka ka Yakob, anerae nyiwuapa ikes ŋuna kaŋ a acamit kec a daadaŋ,

Ŋikis. 1:11

Elipi Ekapolon Akuj atapapaa kus kiyatak nabo ekimar kus ŋarwa aliput ka ikiterereŋ iyes ikwaŋina adaunia akiikin iyes.

Ŋikis. 1:35

“Emam ipei daŋ a ŋituŋa a lu a ŋulu a anyamet a na a ŋina aronon a na ŋini edoli nakwap ŋina ajokan ŋina abu ayoŋ ekoŋ ainakin neni atapapaa kus,

Ŋikis. 10:11

Kirwor Ekapolon neni kaŋ tema, “Tonyou, tolot kiŋarenik ŋituŋa ikotere elosete kituruwosi akwap ŋina abu ayoŋ ekoŋ ainakini neni atapapaa kus ŋina kec.”

Ŋikis. 11:24

Akibois daadaŋ ŋina idolete iyes eruwor ŋina kus, egeuni akwap kus analoŋisat todol tari Lebanon ka ameun anaŋolol Eupurate todol tari nanam ŋina alo To.

Ŋikis. 11:9

ka ikotere iboiyete ekaoyan anakwap a ŋina abu Ekapolon kikoŋ neni atapapaa kus ainakin ikes ka ŋiletok kec, akwap ŋina elelyaata ŋakile ka ao,

Ŋikis. 2:29

lopite ŋolo aponiata ŋiletok a Esau ŋulu iboiyete alo Seir kitiyaata aŋuna kosi ka lopite ŋolo aponiata Ŋimoabi daŋ ŋulu iboiyete alo Ar kitiyaata, kimyekinae isua olunyar tari ŋina ikidokarya ekekwaye a ŋolol Yorodan olomasi nakwap ŋina ikiinakinit Ekapolon Akuj isua.”

Ŋikis. 26:15

Kiŋoliu anakibois kon a ŋina asegan, kiŋoliu anakuj, kiterereŋ ŋituŋa kon Ŋisirael ka ŋalup a akwap a ŋina ikiinak iyoŋ isua, lopite ŋolo ibunio iyoŋ kikoŋio neni atapapaa kosi, kiterereŋ akwap kosi ŋina eleleata ŋakile ka ao.”

Ŋikis. 26:3

Elosi ŋinituŋanan kus neni esacaradoti a ŋolo eyai lotic apaki ŋin, tolimokis iŋes ebe, “Akoloŋit na, ilimokini iyoŋ Ekapolon Akuj kon atemar adau ayoŋ adolun nakwap ŋina abu Ekapolon kiik atapapaa kosi ainakin isua.”

Ŋikis. 28:11

Ikiinakini Ekapolon iyes ŋiboro ŋulu alalak, elalaketa ŋidwe kus, elalata ŋitak ka ŋikaalei a ŋibaren kus, elalata ŋikinyom ka ŋaraito kus anakwap a ŋina abu Ekapolon kikoŋ neni atapapaa kus ainakin iyes.

Ŋikis. 29:12

icunakina iyes ne aŋuna ka akijaun acamunet ke Ekapolon Akuj kus, acamunet ŋina ikoŋitor Akuj aŋuna yok, ŋina icamunotor iyes ke Ekapolon Akuj kus nakoloŋit na;

Ŋikis. 30:20

iminasi Ekapolon Akuj kus, iwuapito ŋakiro keŋ ka imiidikina neni keŋ, anerae erae ŋun akiyar aneni kus ka erae ŋirwa ŋulu alalak ŋulu ka akiyar kus, ikotere iboiyete anakwap a ŋina abu Ekapolon kikoŋ ainakin neni atapapaa kus Aburaam, Isaka ka Yakob.”

Ŋikis. 31:7

Abu nai Moses tonyarau Yosua, tolimok iŋes ŋakiro nu epupete Ŋisirael daadaŋ tema, “Togogoŋ ka totitiny, anerae iyoŋ ilosete ka ŋituŋa lu nakwap ŋina abu Ekapolon kikoŋ neni atapapaa kec atemar einakini ikes, ido iyoŋ isikamari ikes akwap ŋin toruwor ŋina kec.

Ŋikis. 34:4

Tolimok Ekapolon Moses tema, “Erae ŋin akwap ŋina abu ayoŋ ekoŋ neni ka Aburaam, a Isaka ka Yakob abala, ‘Ainakini ayoŋ iŋes neni a ŋiletok kus’; ekesiŋolik ayoŋ iyoŋ iŋes, nai nyidoli iyoŋ ama.”

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 6:10

Ani ikiyauni iyes Ekapolon nakwap ŋina abu iŋes kikoŋ neni atapapaa kus Aburaam, Isaka ka Yakob, atemar ikiinakini iyes, akwap ŋina eya ŋitaunio ŋulu ajokak ka topolok, akwap ŋina a ŋitaunio a ŋulu pa arae iyes idukete,

Ŋikis. 7:12

Ani kiwuapa iyes ŋikisila ŋul ka kitiyata iwuapito ikes ejok, erubakini Ekapolon Akuj kus iricit jik acamunet ŋina ka amina keŋ, ŋina abu iŋes kikoŋ neni atapapaa kus;

Ŋikis. 7:13

ikiminakini iŋes iyes, ikiterereŋi iŋes iyes ka ikitipituni iŋes iyes; iterereŋi iŋes ŋidwe kus ka ŋinyomen a ŋimanikorin kus lu: Ŋikinyom, epiini ka akimyet; ikiterereŋi iŋes iyes ikitabar a ŋaatuk ka ŋamesekin anakwap a ŋina abu iŋes kikoŋ neni a atapapaa kus atemar ikiinakini iyes.

Ŋikis. 7:8

Nai arae aŋuna ikiminar Ekapolon iyes ka aŋuna ewuapitor akiikinet ŋina abu iŋes kikoŋ neni atapapaa kus, ŋakiro ŋun ikes ikiyaunia Ekapolon iyes ka apedor keŋ a ŋina etiron ka ikilaku iyes anakwap a ŋina ka apitoonut, anapedor a Parao a erwosit a Ijipit.

Ŋikis. 8:1

Emaikina iyes kiwuapa ŋakiciketa daadaŋ ŋuna ekecik ayoŋ iyes nakoloŋit na, ikotere iyes iyarete ka topitut, tolomasi ka kiboikinos nakwap ŋina abu Ekapolon kiik anakikoŋ ainakin neni atapapaa kus.

Ŋikis. 9:5

Meere aŋuna ka akiyookino kus, kori aŋuna ka akiyookino a ŋitai kus iŋes ilosyoto iyes akituruwor akwap kec ŋina kus, nai erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus, ikotere isiyookinio akiikinet ŋina abu iŋes kikoŋ neni atapapaa kus Aburaam ka Isaka ta Yakob.

Ŋibur. 6:13

Apaki ŋina eikinia Akuj Aburaam, abu tolimu ekiro keŋ ka alope apaki ŋina ekoŋio, ikwaŋina emamukar ice ŋini epol akilo iŋes.

Ŋibur. 6:14

Abu kikoŋ tema, “Kire jik eketerereŋi ayoŋ iyoŋ ka akainakini ŋipapae ŋulu alalak.”

Yos. 1:6

Togogoŋior, nabo totitinyor, anerae iyoŋ isikamari ŋituŋa lu akwap ŋina abu ayoŋ ekoŋ ainakin atapapaa kec.

Ŋikat. 2:1

Abu emalaika ŋolo ke Ekapolon kitipeiyo alo Gilgal tari Bokim, tosodi tema, “Abu ayoŋ okoyau iyes alo Ijipit ka okoyau iyes nakwap ŋina abu ayoŋ eik neni atapapaa kus. Abu ayoŋ otema, ‘Erici ayoŋ jik acamunet kaŋ ka iyes.