Ŋikis. 1:7 - Ebaibul

⁷ Togeutu tokona nabo awosit, toloto nakwap ŋina a ŋikamukumukui ŋina a Ŋiamori ka nakiboisyo nu ŋuna idunyasi ka akwap a Ŋiamori. Araba, akwap ŋina a ŋikamukumukui, Sepela, Negeb ka nakwap ŋina alodiyete anam ka nakwap ŋina a Ŋikanaani ka Lebanon todolo tari naŋolol ŋina apolon nooi ŋina enyaritae Eupurate.

Ŋikis. 1:7 Iomraidhean Croise

Akisy. 12:9

Torubak Aburam ewosi jik a ŋarwa Negeb

2 Sam. 8:3

Abu daŋ Daudi toar erwosit ŋolo anyaritae Adadeser, lokoku a Reob a ŋolo a Soba. Etiyae iŋes ŋun apaki ŋina alosyo Adadeser akikamar akwap ŋina ayai diyete aŋolol ŋina enyaritae Eupurate.

1 Ŋakiro a ŋirwa 18:3

Abu daŋ Daudi kitijik erwosit ŋolo anyaritae Adadeser ŋolo a Soba, todoiyo ejie tari Amas, apaki ŋina alosyo Adadeser akikamar ŋakiboisyo ŋuna ayakasi diyete aŋolol ŋina enyaritae Eupurate.

1 Ŋakiro a ŋirwa 27:29

Sitirai ŋolo arae Esaronait iŋes apolokinit ŋibaren ŋulu eyokiyo Saron. Sapat lokoku ka Adilai iŋes apolokinit ŋibaren ŋulu eyokiyo nakadipaalae.

1 Ŋakiro a ŋirwa 5:9

Alowae a ŋolo alo Kide, apotu ikes toloma akisyakin aneni isyakinia aloŋisat ŋina emyaarit tari naŋolol Eupurate. Alomete ikes nen, anerae kepotu ŋibaren kec topitut nooi alo Gilead.

Awos. 23:31

Ewuakini ayoŋ ekukoru a akwap kus akisyakin a Nanam a ŋina Areŋan tari Nanam a Ŋipilistin, ido kikobar analoŋisat tari naŋolol Eupurate. Akajalakini ayoŋ iyes ŋituŋa ŋulu iboiyete anakwap a ŋin, ido iritarete iyes ikes toloto alokiŋaren kus.

Amos 2:9

Torae bo abu ayoŋ omunya Ŋiamori alokiŋaren kec, arae Ŋiamori ŋituŋa ŋulu aoyak ikwa ŋikito a Cedar ka agogoŋ ikes ikwa ŋikuyono; abu ayoŋ omunya ikes jik ŋinapei alokidiama tari nataagor.

Ekim. 10:12

Apotu nai Ŋisirael towotokis analoŋisat a ŋina a Sinai, ani edolete naloŋisat ŋina a Paran towo adis a nen.

Ŋikis. 1:19

Ikwapei abunio Ekapolon Akuj yok ikilimokinia iwon, aponi iwon towotokinae alo Oreb, totuboe aloŋisat daadaŋ ŋina apolon nooi ŋina a ŋican ŋina ipotu iyes kiŋolikis ewosyo iwon nakwap ŋina a ŋikamukumukui, nakwap ŋina a Ŋiamori akitodol ŋina adolere iwon Kades-Barinea.

Ŋikis. 11:11

Nai akwap ŋina elosete iyes tooma keŋ akiboiyo, erae akwap ŋina a ŋikamukumukui ka ŋakadipaalae, akwap ŋina erae akiru itapalalit,

Ŋikis. 11:24

Akibois daadaŋ ŋina idolete iyes eruwor ŋina kus, egeuni akwap kus analoŋisat todol tari Lebanon ka ameun anaŋolol Eupurate todol tari nanam ŋina alo To.

Yos. 1:4

Ameun analoŋisat alowae a ŋolo alo Kwap, akitodol lomoru Lebanon alowae a ŋolo alo Kuju, tari Kide naŋolol ŋina apolon ŋina enyaritae Eupurate, akwap a Ŋiitaiti daadaŋ, kigyer anam ŋina apolon Mediteranian alowae a ŋolo alo To.

Yos. 10:40

Abu Yosua toreu akwap ŋin daadaŋ. Toreu ŋirwosi ŋulu aya nakwap ŋina a ŋikamukumukui ka ŋulu aya nadipoe a ŋikamukumukui alowae a ŋolo alo Kide ka To ta ŋulu aya naloŋisat lowae ŋolo alo Kwap. Mam ituŋanan ŋini abu iŋes toesik eyari, aponi ŋituŋa daadaŋ toarae lopite ŋolo sek alimunitor Ekapolon ŋolo erae Akuj a Ŋisirael.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”

Yos. 9:1

Apotu ŋirwosi daadaŋ ŋulu alo To Yorodan kiirasi ŋakiro ŋun. Arae ŋirwosi ŋul ŋulu anakwap a ŋina a ŋikamukumukui, ŋulu anadipo a ŋina alo To ka ŋulu alodiyete anam Mediteranian akitodol Lebanon. Arae ŋirwosi ŋul ŋulu a Ŋiitaiti, a Ŋiamori, a Ŋikanaani, a Ŋiperisi, a Ŋiipi ta ŋulu a Ŋiyebusi.

Akis. 9:14

Tolimok etoil ŋol emalaika ŋolo a ŋikanikapei ŋolo ayakar arupepe tema, “Tolacak ŋimalaikan ŋuluomwon ŋulu eenitae anaŋolol a ŋina apolon a ŋina enyaritae Eupurate.”