Ŋikis. 1:26 - Ebaibul

²⁶ Nai pa icamito iyes akitipeiyor inaa. Ipotu iyes toŋero ŋuna ikicikit Ekapolon Akuj kus;

Ŋikis. 1:26 Iomraidhean Croise

Neem. 9:16

“Nai apotu atapapaa kosi kiturokinos, tosodo kitogogo ŋakyes kec ka nyiwuap ŋakiciketa kon;

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Ekim. 14:9

Nai, nyemaikina iyes toŋero Ekapolon ka nyikera ŋituŋa a akwap a ŋin, anerae epatana iwon amunyar ikes, alemar agogoŋu aneni kec, ido ikirukit iwon ke Ekapolon nyikuryaketa aŋuna kec.”

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋikis. 1:25

ka apotu togerut ŋaraito ŋuna ka akwap a ŋin ŋuna apotu ikes totiyaunotor yaut neni yok; kinyakut daŋ ŋakiro neni yok, temasi, “Erae akwap ŋina ikiinakinit Ekapolon Akuj yok iwon akwap ŋina ajokan.”

Ŋikis. 1:43

Tari ŋina akalimokinitor ayoŋ iyes ŋakiro ŋun, ipotu iyes nyicamut. Ipotu iyes toŋero ŋakiro ŋuna kicikit Ekapolon, ido ipotu toloto aŋuna kus, kitipeiyosi nakwap ŋina a ŋikamukumukui.

Ŋikis. 9:23

Nabo ani ikitowotokini iyes Ekapolon alo Kades-Berinea ebala, “Kitipeiyosi kituruwosi akwap ŋina akainakinit ayoŋ iyes ŋina kus,” ipotu iyes toŋero ŋakiro ŋuna ikilimokinit Ekapolon Akuj kus iyes, ipotu iyes nyikinyoma, kori nyicamut akiwuap ŋakiro keŋ.