Ŋikis. 1:15 - Ebaibul

¹⁵ Aŋun, abu ayoŋ onyarau ŋikarikok a ŋikabilae kus, ŋikilyok ŋulu aosok ka ŋulu ajokak a ŋipitesyo, abu eturuwo ikes ŋikarikok kus, ŋikapolok a ŋalipulipui, ŋikapolok a ŋamiamiae, ŋikapolok ŋatomonikanikani, ŋikapolok ŋitomotomoe ka ŋikapolokinitok a ŋikabilae kus a daadaŋ.

Ŋikis. 1:15 Iomraidhean Croise

Awos. 18:21

Nai toseu alokidiŋ kec ŋikilyok ŋulu epedorete akitiya, ŋulu itopoloorito Akuj, ŋikilyok ŋulu ikinyoma ŋulu nyecamito akitiya ŋuna aronok. Toseu ikes toruwor ŋikapolok a ŋituŋa a ŋulu erae ŋalipulipui, ŋamiamiae, ŋatomonikanikani ka ŋitomotomoe.

Awos. 24:1

Tema nai Akuj neni a Moses, “Kitipeutu lomoru neni ke Ekapolon iyoŋ ka Aron, Nadab ka Abiu ta ŋikasikou a Ŋisirael ŋatomonikanikaarei. Emaikina iyes kilipa neni kaŋ ilwaka;

Ekim. 1:4

Emaikina iyes toseut epeikile alotooma ŋolokabila akiŋarakin iyes alotic a ŋol, emaikina ŋikilyok ŋul torae ŋikarikok a ŋatekerin kec.

Ekim. 31:14

Abu Moses toŋoik ŋikapolokinitok a ŋajorei, ŋikarikok a ŋikajiok a ŋalipulipui ka ŋikarikok a ŋikajiok a ŋamiamiae a ŋulu aboŋunete alojie.

Ŋiep. 4:11

Iŋes ŋolo egiritae ebe, “Inak ŋainakineta lotuŋa”; abu inak ŋice aruwor ŋikiyakia, ŋice ŋikadwarak; ŋice aruwor ŋikalimonokinak, ŋice ŋikeyokok ŋulu a ŋatukon a Ŋikristo ka ŋiketatamak.

Ŋikis. 1:14

Tosodi ipotu ikiboŋokis ayoŋ temasi, ‘Ŋakiro ŋuna iyeunit iyoŋ, ejokak nooi.’

Ŋikis. 1:16

Abu ayoŋ ecik ŋikatubok kus apaki ŋin otema, ‘Emaikina iyes kiirasi ŋakiro a ŋituŋa kus a daadaŋ a ŋulu isitasi, tomam ariit ka ipei akilo ŋinice ka emaikina iyes totubonokis ŋakiro aloikiiko anakiyookino aŋuna a ŋinituŋanan erae ŋini ka akwap kus, kori a ŋinigela.

Ŋikis. 16:18

Emaikina iyes toseut ŋikatubok ŋakiro ka ŋikapolok alokabilae kus a daadaŋ, alotaunio kus a daadaŋ a ŋulu ikiini Ekapolon Akuj kus iyes, ikotere etubete ŋakiro a ŋituŋa anakiyookino.

1 Sam. 17:18

Ya daŋ ŋatubeta a ŋilaboi nu ŋatomon neni eyai ekarikon ajore kec ŋina eya ŋituŋa aliput. Kiŋolik epite ŋolo eyakatar ŋikaitotoi kon, ido yau ainakinet adio aneni kec.”

1 Sam. 22:7

Kiŋit Saul ŋiketiyak keŋ ŋulu erimokinito iŋes kidiŋ ŋul tema “Kiirasi tokona ŋakiro nu iyes ŋituŋa a Benjamin; epedori mono lokoku a Yese ainakin iyes ŋimanikorin ŋulu a ŋikinyom ka ŋulu ke epiini daŋ a? Epedori mono iŋes akituruwor iyes daadaŋ ŋikarikok a ŋajorei a ŋuna eyakasi ŋikilyok ŋalipyo ka ŋuna eyakasi ŋikilyok ŋamiae a?

1 Sam. 8:12

Eseununui iŋes ikes toruwor ŋikapolokinitok ŋisigarya ŋalipulipui ka ŋatomonikanikani ka ŋice toruwor ŋiketak ka ŋikalemak emanikor keŋ, ŋice kitiyata ŋiboro keŋ ŋulu ke ejie ka ŋulu a ŋagaari.