Ŋikiru. 99:4 - Ebaibul

⁴ Okoe Erwosit ŋolo etiron, imina iyoŋ akiyookino, idau iyoŋ akiwuakin akiyookino Isirael; idau iyoŋ ayaun akiyookino ka akitub ŋakiro anakiyookino.

Ŋikiru. 99:4 Iomraidhean Croise

Yob 37:23

Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Ŋikiru. 11:7

anerae iyookino Ekapolon, elakara iŋes aŋuna a ŋiticisyo a ŋulu iyookino, eyakaun ŋituŋa ŋulu iyookino neni eyai Akuj.

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Isa. 42:4

Nyilelenyi iŋes, kori nyilounio iŋes akitodol ŋina eyaunia iŋes akiyookino nakwap; idarito ŋituŋa ŋulu iboiyete alodiyete anam iŋes yau akitatam keŋ.

Isa. 61:11

Eyauni Ekapolon akiyookino ka akipuro toyakaun nakwapin lopite ŋolo erupuniata ŋikito alokwap ka lopite ŋolo iturupunia emanikor ŋikinyom ŋulu eekinitae tooma keŋ.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Ŋikis. 10:18

Akuj ŋina etubi ŋakiro anakiyookino aŋuna a ikoki ka aŋuna ka apuserut, ŋina emina ŋituŋa ŋulugelae einanakini ikes akimuj ka ŋilowi.

Yud. 1:15

atubokin ŋituŋa daadaŋ, atubokin ŋulu nyekerito Akuj aŋuna a ŋaronisya a ŋuna apotu ikes kitiyata, ka atubokinia ikes a ŋakiro a daadaŋ a ŋuna kepotu ikes kirworotor iŋes emam akerit.”

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”